பதிவு செய்த நாள்
06 மார்2018
15:22
புதுடில்லி: ‘டிவி’ நிகழ்ச்சிகளை இணையம் மூலம் ஒளிபரப்பு செய்யும், ‘யூப்டிவி’யில், இலங்கையில் நடக்கும் முத்தரப்பு கிரிக்கெட் தொடரை பார்க்க முடியும் என தெரிவிக்கப்பட்டுள்ளது.
தெற்கு ஆசிய நாடுகளின் ‘டிவி’ சேனல்களில் ஒளிபரப்பாகும் நிகழ்ச்சிகளை, இணையம் மூலம் பார்க்கும் வசதியை, ‘யூப்டிவி’ அளித்து வருகிறது. 14 மொழி நிகழ்ச்சிகளை, ‘யூப்டிவி’ மூலம் உலகம் முழுவதும் பார்க்க முடியும்.
இலங்கையின், 70வது சுதந்திர தினத்தை முன்னிட்டு, ‘நிதாஹாஸ் டிராபி’ என்ற பெயரில், இந்தியா, இலங்கை, வங்கதேச நாடுகள் பங்கேற்கும், டுவென்டி 20 முத்தரப்பு கிரிக்கெட் தொடர் இன்று(மார்ச் 6) முதல், மார்ச் 18 வரை நடக்க உள்ளது.
இந்த கிரிக்கெட் போட்டிகளை, பிரிட்டன், அமெரிக்கா, கனடா, ஆஸ்திரேலயா, நியூசிலாந்து மலேசியா, ஐரோப்பா, வடக்கு ஆப்ரிக்கா நாடுகளில் நேரடியாக ஒளிபரப்பும் பிரத்யேக உரிமையை, ‘யூப்டிவி’ பெற்றுள்ளது.
சவுதி அரேபியா, ஐக்கிய அரபு எமிரேட்ஸ் உள்ளிட்ட மத்திய கிழக்கு நாடுகளிலும் இந்த கிரிக்கெட் போட்டிகளின் நேரடி ஒளிபரப்பை இலவசமாக பார்க்கலாம் என்றும், ‘யூப்டிவி’ தரப்பில் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|