அதிகரித்து வரும் அமெரிக்க வர்த்தக உரசல்அதிகரித்து வரும் அமெரிக்க வர்த்தக உரசல் ... உங்களுக்கு அழகல்ல உர்ஜித் படேல்! உங்களுக்கு அழகல்ல உர்ஜித் படேல்! ...
வர்த்தகம் » பங்கு வர்த்தகம்
பங்குச்சந்தை: இடைக்கால தடுமாற்றங்கள்
எழுத்தின் அளவு:

பதிவு செய்த நாள்

19 மார்
2018
08:05

பொரு­ளா­தார குறி­யீ­டு­கள், எதிர்­கால வளர்ச்சி சார்ந்து நமக்­குச் சொல்­லும் செய்தி என்ன; குறி­யீ­டு­கள் தொடர்ந்து நன்­றாக இருந்­தும், சந்­தை­யில் பிர­தி­ப­லிப்பு ஏற்­ப­டா­தது ஏன்; வருங்­கால பொரு­ளா­தார எதிர்­பார்ப்­பு­களை, பங்­குச் சந்தை எப்­படி உள்­வாங்­கிக் கொள்­கிறது; வரும் காலங்­களில் சந்­தைக்­கும், பொரு­ளா­தா­ரத்­திற்­கும் இடை­வெளி ஏற்­ப­டுமா; அப்படி ஏற்படுமாயின் எப்­படி எதிர்­கொள்­வது?

அடிப்­ப­டை­யில், இந்­திய பொரு­ளா­தா­ரம் மீண்­டும் வளர்ச்­சிப் பாதைக்கு திரும்பி வரு­கிறது என்­பதை நாம் உறு­தி­யாக நம்­ப­லாம். பொரு­ளா­தார குறி­யீ­டு­கள் அதை தெளி­வாக அறி­வு­றுத்­து­கின்றன.பொரு­ளா­தார வளர்ச்சி விகிதம், தொழில் உற்­பத்தி வளர்ச்சி விகி­தம், விவ­சாய உற்­பத்தி வளர்ச்சி விகி­தம், ஜி.எஸ்.டி., வரி வளர்ச்சி விகிதம், ஏற்­று­மதி வளர்ச்சி விகி­தம் என, பெரு­வா­ரி­யான குறி­யீ­டு­கள், சாத­க­மான பொருளா­தார சூழல் உரு­வா­கு­வதை உறுதி செய்­கின்றன.

குழப்பம்:
குறி­யீ­டு­கள் சாத­க­மாக இருந்­தும், சந்தை காணும் கலக்­க­மும், தயக்­க­மும் முத­லீட்­டா­ளர்­களை குழப்­பி­யுள்ளன. ஆனால், பல கால­மாக சந்­தை­யில் உள்­ளோ­ருக்கு, தற்­போ­தைய சந்தை சூழல் புதி­தல்ல. சந்­தைக்கு என, ஒரு தெளி­வான போக்­கும், நடப்­பும் எப்­போ­துமே உண்டு. சந்தை எதிர்­பார்ப்­பின் அடிப்­ப­டை­யில் இயங்­கும் மனப்­போக்கு கொண்­டது.வருங்­கா­லம் பற்றி பெரும் உற்­சா­க­மும், அதிக எதிர்­பார்ப்­பும் ஏற்­க­னவே இருந்­ததை முத­லில் உணர வேண்­டும். சந்தை இந்த எதிர்­பார்ப்­பை­யும் உற்­சா­கத்­தை­யும் நன்­றா­கவே பிரதி­ப­லித்­ததை நாம் அறி­வோம். கடந்த ஆண்டு, பங்­கு­களின் மதிப்பு கண்ட பெரும் உயர்வு, சந்­தை­யின் எதிர்­பார்ப்­பு­களை பிர­தி­ப­லித்­தன.

சந்­தை­யின் குறி­யீ­டான, நிப்டி­யில், நிதி நிறு­வ­னங்­களின் பங்கு, 35 சத­வீ­­தத்தை கடந்­துள்­ளது. இது முத­லீட்­டா­ளர்­களின் அமோக பொரு­ளா­தார நம்­பிக்­கை­யின் வெளிப்­பாடே ஆகும். எதிர்­கால நம்­பிக்­கையை முன்பே வெளிக்­காட்­டும் சந்தை, எதிர்­கால அச்­சங்­களை­யும் அதே வழி­யில்­ தான் வெளிப்­ப­டுத்­தும். அந்த அச்சம் தோன்­று­வது சூழல் சார்ந்­தது.சந்­தை­யின் ஒரு தரப்பு எடுக்­கும் தீர்க்­க­மான பங்கு விற்­பனை முடி­வு­கள், மற்­ற­வர்­களின் மன­தில் அச்­சத்தை தோற்­று­விக்­கும். இது நிதா­ன­மாக துவங்கி வேகம் பிடிக்­கும் போக்கு கொண்­டது.

தொடர்ந்து வரும் நிகழ்­வு­கள் சார்ந்து, முத­லீட்­டா­ளர்­களின் அச்­சம் வளர்ந்­து­விடக் கூடும். இரு வகை­யான நிகழ்­வு­களை நாம் தெளி­வாக எதிர்­பார்க்­க­லாம். ஒன்று, உள்­நாட்டு அர­சி­யல் சூழல் சார்ந்த அச்­சங்­கள். இன்­னொன்று, அமெ­ரிக்க சந்­தை­யில் ஏற்­ப­டக்­கூ­டிய வீழ்ச்சி. ஆக, நம் பொருளா­தாரம் வளர்ச்சி பாதைக்கு திரும்­பி­னா­லும், சந்தை மாற்றுப் பாதை­யில் போக­லாம். இத­னால், பொரு­ளா­தா­ரத்­திற்­கும், சந்­தைக்­கும் இடை­வெளி ஏற்­ப­ட­லாம். அந்த இடை­வெளி, உள்­நாட்டு அர­சி­யல் சூழல் தெளி­வா­கும் வரை தொட­ரும்.

எதிர்­கால வளர்ச்சி:
இந்த கால இடை­வெளி, நமக்கு முத­லீட்டு வாய்ப்­பு­களை ஏற்­ப­டுத்­தும். அந்த வாய்ப்­புக்கு நம்மை இப்­போதே தயார்­ப­டுத்­திக் கொள்ள வேண்­டும். கடந்த காலத்­தில் வெற்­றி­ய­டைந்த முத­லீ­டு­களை, வருங்­கால சூழ­லோடு பொருத்­திப் பார்த்து, தகுந்த மாற்­றங்­களை அந்த கால இடை­வெ­ளி­யில் செய்ய வேண்­டும். எதிர்­கால வளர்ச்சி சூழ­லுக்கு ஏற்ப, முத­லீட்டு திட்டங்­கள் மற்­றும் தேர்­வு­கள் அமைய வேண்­டும். பொரு­ளா­தார நன்மை­கள் மீண்­டும் சந்தை­யில் பிர­தி­ப­லிக்­கும் போது, பய­ன­டை­யும் பங்­கு­களை நாம் சொந்தம் கொள்ள வேண்­டும். நம் சந்­தை­கள் தொடர்ந்து வள­ரும் என்­பது உறுதி என்றா­லும், இடைக்­கால தடு­மாற்­றங்­களை சந்­திக்­கும். அதற்கு நாம் தயா­ராக வேண்­டிய நேரம் இது.
-ஷ்யாம் சேகர், முதலீட்டு ஆலோசகர்

Advertisement

மேலும் பங்கு வர்த்தகம் செய்திகள்

business news
புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்
business news
புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்
business news
புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்
business news
புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்
business news
புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)