பஞ்­சாப் நேஷ­னல் பேங்­கில் மோசடி நடந்­த­வு­டன், பல விமர்­ச­னங்­கள் எழுந்­தன. அதில் ஒன்று, மத்­திய ரிசர்வ் வங்கி இதை முன்­ன­தா­கவே உணர்ந்து, தடுக்­கத் தவ­றி­யது ஏன் என்ற கேள்­வி­ தான்.
ஆர்.பி.ஐ.,யின் கவர்ன­ரான உர்­ஜித் படேல், இது­பற்றி வாயே திறக்­கா­மல் இருந்­தார். கடை­சி­யாக அவர் வாய் திறந்து பேசி­யது, மேலும் விமர்­ச­னங்­க­ளுக்கே இட்­டுச் சென்­றுள்­ளது. பிர­த­மர் நரேந்­திர மோடி ஆட்­சிக்கு வந்த பின்­, ஆர்.பி.ஐ., கவர்ன­ராக நிய­ம­னம் செய்­யப்­பட்­ட­வர் உர்­ஜித் படேல். பொது­வாக அமை­தி­ யா­ன­வர்; ஓராண்­டில் அதி­க­பட்­சம் ஐந்து, ஆறு முறை பேசி­னாலே அதி­கம். அத்­த­கைய மனி­தர், கடந்த வாரம் வாயைத் திறந்­தார்.
அது­வும் அவர் மீது வைக்­கப்­பட்ட விமர்­ச­னத்­துக்­குப் பதில் அளிப்­ப­தற்­காக. ஊட­கங்­களும் நிதித்­துறை வல்­லு­னர்­களும் தொடர்ச்­சி­யாக, ஆர்.பி.ஐ., மீது விமர்­ச­னம் வைத்­துக்­கொண்டே இருந்­தனர். பொதுத்­துறை வங்­கி­களில் உள்ள ஓட்­டை­க­ளைப் பயன்­ப­டுத்தி, பல மோச­டி­கள் அரங்­கே­றின. சமீ­பத்­தில், நிரவ் மோடி, 14 ஆயி­ரம் கோடி ரூபாய் அள­வுக்கு ஏமாற்­றி­விட்டு, வெளி­நாடு போய்­விட்­டார். பல ஆண்­டு­க­ளாக, இத்­த­கைய ஏமாற்­றுக்­கா­ரர்­கள், நாட்­டை­யும் சட்­டத்­தை­யும் ஏமாற்­றி­விட்­டுத் தப்­பி­வி­டும் புள்­ளி­வி­ப­ரம் நம்மை எரிச்­ச­ல­டைய வைக்­கின்றன.
இந்­நி­லை­யில், நிதி அமைச்­சர் அருண் ஜெட்­லி­யும், ஆர்.பி.ஐ., மீது பாய்ந்­தார். அவர்­களு­டைய கண்­கா­ணிப்பு குறை­யு­டை­ய­தாக இருப்­ப­தா­கத் தெரி­வித்­தார்.இது­வரை அனைத்து விமர்­ச­னங்­க­ளுக்­கும் பேசா­தி­ருந்த உர்­ஜித், உடனே வெகுண்­டார். தங்­கள் பக்­கம் இருக்­கும் நியா­யங்­க­ளை, சமீ­பத்­தில் ஒரு கல்­லுாரி நிகழ்ச்­சி­யில் அடுக்­க­டுக்­காக எடுத்­து­ வைத்­தார்.

விளக்­கம்:
அதா­வது, ஆர்.பி.ஐ.,யால் தனி­யார் துறை வங்­கி­க­ளைக் கட்­டுப்­ப­டுத்த முடி­யும்; ஆனால், பொதுத் துறை வங்­கி­களை கட்­டுப்­ப­டுத்த முடி­யாது என்­றார் உர்­ஜித். அதற்கு அவர் சொன்ன கார­ணம், பொதுத் துறை வங்­கி­கள் முழு­மை­யாக, ஆர்.பி.ஐ.,யின் கட்டுப்­பாட்­டில் இல்லை. அந்த வங்­கி­கள் மத்­திய நிதி அமைச்­ச­கத்­தின் கட்­டுப்­பாட்­டில் இயங்­கு­கின்றன. இரட்­டைத் தலைமை உள்­ள­தால், தங்­க­ளால் ஒன்­றுமே செய்ய முடி­ய­வில்லை என்­றார்.
மேலும், ஆர்.பி.ஐ.,யால் பொதுத் துறை வங்­கி­களின் இயக்­கு­னர்­க­ளையோ நிர்­வா­கத்­தையோ அகற்ற முடி­யாது; அந்த நிர்­வா­கக் குழுக்­களின் முடி­வு­களை விலக்­கி­வைத்­து­விட்டு மேலே செயல்­பட முடி­யாது; அதன் தலை­வ­ரையோ, நிர்­வாக இயக்­கு­ன­ரையோ பத­வி நீக்­கம் செய்­ய ­முடி­யாது.
வேறு வங்­கி­க­ளோடு இணைக்க முடி­யாது; அந்த வங்­கி­கள் பல நட­வ­டிக்­கை­களில் ஈடு­பட, ஆர்.பி.ஐ., அனு­மதி தேவை­யில்லை, அத­னால், பல வங்­கிச் செயல்­பா­டு­களின் அனு­ம­தியை ரத்­து­செய்­ய­வும் முடி­யாது; அதே­ போல், அந்த வங்­கி­களை திவா­லா­ன­தாக அறி­வித்து நட­வ­டிக்கை மேற்­கொள்­ள­வும் முடி­யாது என, பெரிய பட்­டி­யலே வாசித்­தார் உர்­ஜித்.
அதா­வது, என்­னு­டைய கட்­டுப்­பாட்­டுக்­குள் பொதுத் துறை நிறு­வ­னங்­கள் முழு­மை­யாக வரா­த­போது, என்னை அதன் தவ­று­க­ளுக்­கெல்­லாம் ஏன் பொறுப்­பேற்­கச் சொல்­கி­றீர்­கள் என, மறை­மு­க­மா­கக் கேட்­கி­றார். மேலும், இத்­த­கைய அதி­கா­ரங்­கள் அத்­த­னை­யை­யும் எனக்­குக் கொடுங்­கள், நான் எல்­லா­வற்­றை­யும் சீர்­செய்து காட்­டு­கி­றேன் என்­ப­து­ தான் அவ­ரது கோரிக்கை. வெளிப்­பார்­வைக்கு இந்­தக் கோரிக்கை நியா­ய­மா­கத் தெரி­ய­லாம். இதில் பல பிரச்­னை­கள் உள்ளன.

பிரச்னை:
ஒரே இடத்­தில் அதி­கா­ரம் குவி­வது என்­றுமே நல்­ல­தல்ல. இரட்­டைத் தலைமை என்­பது இன்­று­ நேற்­றல்ல... ஆர்.பி.ஐ., உத­ய­மான காலத்­தில் இருந்து இருப்­ப­து­ தானே. நிதி நிர்­வா­கத்தை ஆர்.பி.ஐ.,யும், மக்­க­ளு­டைய தேவை­களை உணர்ந்து அதற்­கேற்ப திட்­டங்­களை வகுப்­ப­தற்கு அர­சின் நிதித் துறை­யும் இருப்­பது இந்திய ஜன­நா­ய­கத்­தின் வலு­வான அம்­சங்­களில் ஒன்று. இத்­தனை அதி­கா­ரங்­களும் கொடுத்­தால் தான் நட­வ­டிக்கை எடுப்­பேன் என்று சொல்­வ­தும் ஏற்­பு­டை­யது அல்ல. வங்­கித்­து­றை­யி­லேயே உச்­ச­பட்ச அதி­கா­ரம் கொண்ட பதவி, ஆர்.பி.ஐ., கவர்னர் பதவி. மேலும், ஆர்.பி.ஐ.,க்குப் போது­மான சுயேச்­சைத் ­தன்­மை­யும் கொடுக்­கப்­பட்­டுள்­ளது. அதற்கு உள்ள அதி­கா­ரங்­களை முறை­யா­கப் பயன்­ப­டுத்­தி­னீர்­களா என்ற கேள்­விக்கு உர்­ஜித் தரும் பதில்­கள் ஏற்­கத்­தக்­க­தல்ல.
சரி­யா­கச் சொல்­வ­தென்றால், தன் அதி­கா­ரங்­களுக்கு உட்­பட்டு, இத்­தனை முன்­னெச்­ச­ரிக்கை நட­வ­டிக்­கை­களை மேற்­கொண்­டேன் என்­ப­தைப் பட்­டி­ய­லிட்டு, தன் தரப்பு நியா­யத்தை அவர் நிறு­வி­யி­ருந்­தால், அது ஏற்­கத்­தக்­க­தாக இருந்­தி­ருக்­கும். அதை­வி­டுத்து, தனக்கு அதி­கா­ரம் போதாது என பேசு­வது உண்­மை­யில் வேடிக்கை. அது­வும் இத்­தனை மாதங்­க­ளா­கப் பேசா­த­வர், தன் மீது ஒரு விமர்­ச­னம் என்­ற­வு­டன் பேசு­கி­றார். பண மதிப்­பி­ழப்பு நட­வ­டிக்கை மேற்­கொள்­ளப்­பட்ட போது, மக்­கள் அனு­ப­விக்­கும் துன்­பங்­க­ளைப் பார்த்து, அதை குறைப்­ப­தற்­கான விளக்­கங்­க­ளையோ, செய்­யப்­பட்­டுள்ள ஏற்­பா­டு­களையோ பற்றி ஒரு வார்த்தை பேசா­த­வர். அப்­போது, நிதித்­து­றைச் செய­லர் சக்­தி­காந்த தாஸ் தான் ஊட­கங்­களின் அத்தனை கேள்விக­ளுக்­கும் முகம் கொடுத்­த­வர்; உர்­ஜித் அல்ல.
போது­மான அதி­கா­ரம்:
உர்­ஜித் படே­லின் கருத்­து­களுக்கு பதில் சொல்­லும் விதமாக, முன்­னாள் ஆர்.பி.ஐ., தலை­வர் சி.ரங்­க­ரா­ஜன் தெரி­வித்­தி­ருப்­பது கவ­னத்­துக்­கு­ரி­யது. ‘‘வங்­கி­க­ளைக் கண்­கா­ணிப்­ப­தற்கு, ஆர்.பி.ஐ.,க்குப் போதிய அதி­கா­ரம் உள்­ளது. ‘‘ஆனால், பொதுத் துறை நிறு­வ­னங்­கள் மீது நட­வ­டிக்கை எடுப்­ப­தற்கு மத்­திய அர­சோடு கலந்­தா­லோ­சிப்­ப­தும் அவ­சி­யம்” என்ற அவ­ரது கருத்து வலி­மை­யா­னது.
ஆர்.பி.ஐ.,யும் நிதித் துறை­யும் எதி­ரும் புதி­ரு­மாக இல்­லா­மல் இணக்­க­மாக கைகோத்து நடப்­பதே நாட்­டுக்கு நல்­லது. அல்­லது இரு­வ­ரும் தத்­த­மது மரி­யா­தைக்­கு­ரிய எல்­லை­களில் நின்­று­கொண்டு, அவ­ர­வர் பணி­க­ளைச் செவ்­வனே செய்­வதே ஏற்­கத்­தக்­கது.இன்­னொரு விஷ­யத்­தை­யும் உர்­ஜித் படேல் கவ­னிக்­கத் தவ­றி­விட்­டார். தன்­னைத் தற்­காத்­துக் ­கொள்­வ­தற்­காக பேசி­ய­வர், தன் பேச்­சி­னால், பொது­மக்­கள் மத்­தி­யில் பொதுத் துறை வங்­கி­க­ளைப் பற்றி இருக்­கும் அபிப்­பி­ரா­யங்­கள் முற்­றி­லும் சரிந்­து­வி­டும் என்­பதை ஏன் மறந்­தாரோ தெரி­ய­வில்லை.
பொதுத் துறை வங்­கி­கள் இவ­ரது கட்­டுப்­பாட்­டுக்­குள் இல்லை என்­றால், யாரு­டைய கட்­டுப்­பாட்­டுக்­குள் அவை வரு­கின்றன; ஏதே­னும் ஒன்று நடந்­தால், அவற்­றில் சேமிப்­பு­களை வைத்­துள்ள கோடா­னு­கோடி மக்­க­ளுக்கு யார் ஜவாப்­தாரி?உண்­மை­யில், உர்­ஜித் படே­லின் பேச்சு, தன் பொறுப்­பு­களைத் தட்­டிக்­க­ழிப்­ப­தா­கவே இருக்­கிறது. எத்­தனை மேடு­பள்­ளங்­கள் இருந்­தா­லும், ஸ்டி­ய­ரிங்கை வலு­வா­கப் பிடித்து, வங்­கித் துறை எனும் வாக­னத்­தைச் சீரா­கச் செலுத்­த­வேண்­டி­யதே, ஆர்.பி.ஐ., கவர்ன­ரின் வேலை. அதி­லி­ருந்து பின்­வாங்­கு­வது, ஓட்­டு­ன­ருக்கு மட்­டு­மல்ல, வாக­னத்­துக்­குமே கேடு விளை­விக்­கும்.
-ஆர்.வெங்­க­டேஷ், பத்­தி­ரி­கை­யா­ளர்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 19,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 19,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 19,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 19,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 19,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்