‘செபி’ அமைப்பின் வழி­காட்­டு­தலின் படி, மியூச்­சுவல் பண்ட் நிறு­வ­னங்கள் புதிய நெறி­மு­றை­க­ளுக்கு ஏற்ப, தங்கள் திட்­டங்­களை மாற்றி அமைக்கத் துவங்­கி­யுள்­ளன.

மியூச்­சுவல் பண்ட் நிறு­வ­னங்கள், தங்கள் திட்­டங்­களின் பெயர்­களை மாற்றத் துவங்­கி­யி­ருப்­பதை நீங்கள் கவ­னித்­தி­ருக்­கலாம். இதன் கார­ண­மாக முத­லீட்­டா­ளர்கள் ஏற்­க­னவே முத­லீடு செய்­தி­ருந்த திட்­டங்­களின் பெயர் மாறி­யி­ருக்­கலாம் அல்­லது அவற்றின் தன்மை மாற்றி அமைக்­கப்­பட்­டி­ருக்­கலாம். இந்த மாற்­றங்­களால் குழப்­ப­ம­டைய வேண்டாம். பங்­குச்­சந்தை கட்­டுப்­பாட்டு அமைப்­பான செபியின் வழி­காட்­டு­த­லில்­ப­டியே இந்த மாற்­றங்கள் மேற்­கொள்­ளப்­படு­கின்­றன.

மியூச்­சுவல் பண்ட் திட்­டங்­களை தேர்வு செய்­வதை எளி­தாக்கும் வகையில் செபி, இவற்­றுக்­கான புதிய வகைப்­ப­டுத்­தலை வெளி­யிட்­டது. மியூச்­சுவல் பண்ட் நிறு­வ­னங்கள் இந்த வகைப்­ப­டுத்­த­லுக்கு ஏற்ப, தங்கள் நிதி­களை மாற்றி அமைக்க வேண்டும் என்றும் செபி வலி­யு­றுத்­தி­யது.

கடன்சார் நிதிகள்:
இதன்­படி சம­பங்கு பிரிவில், 10 வகை­யான திட்­டங்கள் அனு­ம­திக்­கப்­ பட்­டுள்­ளன. பாண்டு பிரிவில், 16 வகை மற்றும் ஹைப்ரிட் பிரிவில், 6 வகை திட்­டங்கள் அனு­ம­திக்­கப்­பட்­டுள்­ளன. இவைத் தவிர இன்டெக்ஸ் பண்ட், பண்ட் ஆப் பண்ட்ஸ் மற்றும் தீர்வு நோக்­கி­லான நிதிகள் உள்­ளன.இதற்கு முன், மியூச்­சுவல் பண்ட் திட்­டங்கள் தெளி­வாக வரை­ய­றுக்­கப்­ப­டாமல் இருந்­தன. ஒரு குறிப்­பிட்ட பிரிவு திட்டம் வேறு பிரிவின் அம்­சங்­க­ளையும் கொண்­டி­ருக்கும் வகையில் இருந்­ததால், முத­லீட்­டா­ளர்கள் புரி­தலில் சிக்கல் நில­வி­யது. இதை தவிர்க்­கவே செபி, திட்­டங்­களின் பிரிவை வகைப்­ப­டுத்தி அதை பின்­பற்­று­மாறு அறி­வு­றுத்­தி­யது.

இதற்­கேற்ப நிறு­வ­னங்­களும் தங்கள் திட்­டங்­களின் பெயர்­களை மாற்றி சீர­மைத்து வரு­கின்­றன. டெப்ட் பண்ட் எனப்­படும் கடன்சார் நிதி­களில் இந்த மாற்றம் எப்­படி செயல்­ப­டு­கி­றது என பார்க்­கலாம்.இவை பொது­வாக ஷார்ட் டெர்ம் இன்கம் பண்ட்ஸ் அல்­லது லாங்க் டெர்ம் இன்கம் பண்ட்ஸ் என அமைந்­தி­ருந்­தன. ஆனால் இவை மிகவும் பர­வ­லான தன்மை கொண்­டி­ருந்­தன.
உதா­ர­ணத்­திற்கு சரா­ச­ரி­யாக நான்கு ஆண்டு கால முதிர்வு கொண்ட நிதியும், ஷார்ட் டெர்ம் பிரிவில் இருக்­கலாம். 1.5 ஆண்டு கால முதிர்வு கொண்ட நிதியும் இதே பிரிவில் அமைந்­தி­ருக்­கலாம். ஆனால், தற்­போது வட்டி விகித ரிஸ்க் மற்றும் கிரெடிட் ரிஸ்­கிற்கு ஏற்ப இவை தெளி­வாக வகைப்­படுத்­தப்­பட வேண்டும்.

நீண்ட கால நிதிகள்:
ஷார்ட் டெர்ம் இன்கம் பண்ட் தற்­போது நான்கு வகை­யாக பிரிக்­கப்­பட்­டுள்­ளன. லோ டுயு­ரேஷன் பண்ட், ஆறு மாதம் முதல், 12 மாதங்கள் வரை முதிர்வு கொண்ட கடன் மற்றும் மணி மார்க்கெட் பத்­தி­ரங்­களில் முத­லீடு செய்யும். ஒன்று முதல் மூன்று ஆண்டு வரை முதிர்வு கொண்­ட­வற்றில் முத­லீடு செய்யும் நிதிகள் ஷார்ட் டியூ­ரேஷன் பண்­டாக அமையும். இவைத் தவிர மீடியம் டியூ­ரேஷன் மற்றும் மணி மார்க்கெட் பண்ட் ஆகிய இரண்டு பிரி­வுகள் உண்டு. இதே போல லாங்க் டெர்ம் டியூ­ரேஷன் நிதிகள் மீடியம் முதல் நீண்ட காலம் வரை­யான நிதி­க­ளாக வகைப்­ப­டுத்­தப்­பட்­டு உள்­ளன.
இவை, நான்கு முதல் ஏழு ஆண்டு கால முதிர்வு பத்­தி­ரங்­களில் முத­லீடு செய்­யலாம். நீண்ட கால நிதிகள் ஏழு ஆண்­டு­க­ளுக்கு மேல் முதிர்வு உள்ள பத்­தி­ரங்­களில் முத­லீடு செய்யும். இதற்கு முன், கார்ப்­பரேட் பாண்டு எனும் பிரிவு கிடை­யாது. தற்­போது இந்த பிரிவு ஏற்­ப­டுத்­தப்­பட்­டுள்­ளது. இவை கார்ப்­பரேட் பத்­தி­ரங்­களில் முத­லீடு செய்யும். கிரெடிட் ரிஸ்க் பண்ட் எனும் புதிய பிரிவும் ஏற்­ப­டுத்­தப்­பட்­டுள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 19,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 19,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 19,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 19,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 19,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்