பதிவு செய்த நாள்
20 மார்2018
02:00
மும்பை : திவால் நடவடிக்கைக்கு ஆளான நிறுவனங்களில் செய்துள்ள பங்கு முதலீடுகளால், எல்.ஐ.சி.,யின் சொத்து மதிப்பு பாதிக்கப்படுமா என்ற கேள்வி எழுந்துள்ளது.
இந்தியாவின் மிகப் பெரிய ஆயுள் காப்பீட்டு நிறுவனமான, எல்.ஐ.சி., பல நிறுவனங்களின் பங்குகள், கடன் பத்திரங்கள் உள்ளிட்டவற்றில் முதலீடு செய்கிறது. இந்நிலையில், சமீபத்திய பஞ்சாப் நேஷனல் வங்கி மோசடியில் சிக்கியுள்ள, கீதாஞ்சலி ஜெம்ஸ்; பங்கு விலையை செயற்கையாக உயர்த்தியது தொடர்பாக, ‘செபி’ விசாரணைக்கு ஆளாகியுள்ள, வக்ரன்கீ போன்ற இடர்ப்பாட்டு நிறுவனங்களிலும், எல்.ஐ.சி., பங்கு முதலீடு செய்துள்ளது, தற்போது விவகாரமாகியுள்ளது.
அது மட்டுமின்றி, ரிசர்வ் வங்கி பரிந்துரைப்படி, தேசிய நிறுவனங்கள் சட்ட தீர்ப்பாயத்தில், திவால் நடவடிக்கைக்கு ஆளாகியுள்ள பல நிறுவனங்களிலும், எல்.ஐ.சி., பங்கு முதலீடு செய்து உள்ளது.இவற்றில், பெரும்பாலான நிறுவனங்களின் பங்கு மதிப்பு, உச்ச நிலையில் இருந்து, 95 சதவீதம் வரை சரிவடைந்துள்ளது. அதனால், எல்.ஐ.சி., யின் சொத்து மதிப்பு பாதிக்க வாய்ப்பு உள்ளதாக கூறப்படுகிறது.
இது குறித்து, எல்.ஐ.சி., நிர்வாக இயக்குனர், ஹேமந்த் பார்கவா கூறியதாவது: பொது மற்றும் தனியார் துறைகளைச் சேர்ந்த, முன்னணி நிறுவனங்களின் பங்குகள் மற்றும் கடன் பத்திரங்களில் தான், எல்.ஐ.சி., முதலீடு செய்கிறது. அதுவும், மூன்று ஆண்டுகளாக, மும்பை பங்குச் சந்தையின், ‘பி.எஸ்.இ., 200’ நிறுவனப் பங்குகளில் மட்டுமே முதலீடு செய்யப்படுகிறது. பழமையான எல்.ஐ.சி., நிறுவனம், அரசு கொள்கையை பின்பற்றி, மரபு சார்ந்த முதலீடுகளையும் மேற்கொள்ள வேண்டியுள்ளது. அதற்கு மேல் செயல்பட வாய்ப்பு இல்லை. இவ்வாறு அவர் கூறினார்.
இந்த விவகாரம் குறித்து சந்தையாளர்கள் கூறும்போது, ‘எல்.ஐ.சி., வலுவான நிலையில் உள்ளது. பல நிறுவனங்களால், எல்.ஐ.சி.,யின் பங்கு முதலீட்டு மதிப்பு குறைந்து உள்ளது உண்மை. ஆனால் அவற்றில், எல்.ஐ.சி.,யின் பங்கு முதலீட்டு விகிதம் மிகக் குறைவே. எனவே, பங்கு முதலீட்டின் மீதான நிகர வருவாய் அடிப்படையில், இந்த சரிவு சரி கட்டப்படும். மேலும், நிறுவனத்தின் நிதியாதாரமும் வலுவாக உள்ளது’ என்றனர்.
முதன்மை நிறுவனம்:
பொதுத் துறையைச் சேர்ந்த, ஆயுள் காப்பீட்டு நிறுவனமான, எல்.ஐ.சி., 2017, டிச., நிலவரப்படி, 27.93 லட்சம் கோடி ரூபாய் சொத்து மதிப்பை கொண்டுள்ளது. 1.20 லட்சத்திற்கும் அதிகமான ஊழியர்களுடன், 17 கோடிக்கும் மேற்பட்ட காப்பீட்டுதாரர்களுடன், இந்தியாவின் முதன்மை ஆயுள் காப்பீட்டு நிறுவனமாக, எல்.ஐ.சி., விளங்குகிறது.
நிறுவனம் எல்.ஐ.சி.,
பங்கு முதலீடு * சந்தை மூலதனம் ** உச்ச மதிப்பில் சரிவு*மந்தனா இண்டஸ்., 1.99 18.58 98.31வீடியோகான் 4.56 493.33 98.21கீதாஞ்சலி ஜெம்ஸ் 3.79 169.63 97.73ஏ.பி.ஜி., ஷிப்யார்டு 1.00 95.19 97.67அலோக் இண்டஸ்., 2.55 437.99 96.67ஆம்டெக் ஆட்டோ 3.39 646.69 95.00ஜோதி ஸ்ட்ரக்சர்ஸ் 1.94 98.27 94.65எலக்ட்ரோ ஸ்டீல் 1.06 1,017.45 71.04வக்ரன்கீ 6.58 22827.73 57.34ஆப்டோ சர்க்யூட்ஸ் 1.16 244.38 53.42(** ரூபாய் கோடியில் * சதவீதம்)
மேலும் பொது செய்திகள்
|
Advertisement
|
Advertisement
|
Advertisement
|
|
|
|