பதிவு செய்த நாள்
26 மார்2018
04:11
கச்சா எண்ணெய்:
கச்சா எண்ணெய் விலை, கடந்த வாரம் அதிகரித்து, வியாபாரம் ஆனது. ஆறு வார உயர்வையும் எட்டியது. கடந்த வாரத்தில் மட்டும், 4.5 டாலர் அளவுக்கு அதிகரித்து, ஒரு பேரல், 66 டாலர் என்ற அளவுக்கு உயர்வை கண்டது.
அமெரிக்கா, சீன இறக்குமதி பொருட்களுக்கு புதிதாக வரிவிதிப்பை அறிவித்தது. 60 மில்லியன் டாலர் அளவுக்கு இறக்குமதி வரி விதிக்கப்பட்டது. இதனால் ஏற்பட்ட வர்த்தக மோதல், அசாதாரண சூழலை ஏற்படுத்தியது.உலகின் மிகப்பெரிய எண்ணெய் உற்பத்தி நாடான, சவுதி அரேபியாவின் எண்ணெய் அமைச்சகம், எண்ணெய் உற்பத்தி குறைப்பு குறித்து பேச்சு நடத்தி வருகிறது. தற்போது, ஒபெக் மற்றும் ஒபெக்கில் இல்லாத உறுப்பு நாடுகள் ஒருங்கிணைந்து, உற்பத்தி குறைப்பை தொடர்ந்து வருகிறது.
வரும் டிசம்பரில், இந்த உற்பத்தி குறைப்பு முடிவுக்கு வரும் நிலையில், அதை, 2019ம் ஆண்டுக்கும் நீட்டிக்க, அரேபியாவின் எண்ணெய் அமைச்சகம் முயற்சிக்கிறது. அதற்காக, ஒபெக் உறுப்பு நாடுகளுடனும், ஒபெக்கில் இல்லாத மிகப் பெரிய எண்ணெய் உற்பத்தி நாடான ரஷ்யாவுடனும் அது பேச்சு நடத்தி வருகிறது. இதை தொடர்ந்து, எண்ணெய் விலை உயர்வு கண்டது.மேலும், பிப்ரவரி மாதத்தின் மொத்த உற்பத்தி குறைப்பு ஒப்பந்தப்படி, உற்பத்தி முழுமையாக குறைக்கப்பட்டிருந்தது மிகவும் குறிப்பிடத்தக்க ஒன்றாகும்.
மேலும், அமெரிக்க பெட்ரோலியம்இன்ஸ்டிடியூட் மற்றும் எனர்ஜி தகவல் மையம் ஆகிய இரண்டும், ஒவ்வொரு வாரமும், செவ்வாய் மற்றும் புதன் கிழமைகளில், எண்ணெய் இருப்பு விபரத்தை வெளியிட்டு வருகிறது.இதன்படி, மொத்த இருப்பு, 7 மில்லியன்பேரல்கள் ஆகும். இது, ஐந்து ஆண்டு சராசரியை விட, 1 சதவீதம் குறைவாகும். இதுவும் எண்ணெய் விலை உயர காரணமாகியது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 4140 4070 4299 4410
தங்கம், வெள்ளி
தங்கம் மற்றும் வெள்ளி விலை, கடந்த வாரம், 4 சதவீதம் அதிகரித்து, வர்த்தகம் நடைபெற்றது. இது, இதற்கு முந்தைய நான்கு வார சரிவில் இருந்து, தற்போது மீண்டுள்ளது. ஒரு அவுன்ஸ் தங்கம், கடந்த வாரத்தில் மட்டும், 44 டாலர் உயர்ந்து, 1,347 டாலர் என்ற அளவில் வர்த்தகம் முடிவுற்றது.
அமெரிக்காவின், சீன இறக்குமதி பொருட்களுக்கு வரிவிதிக்கும் செயலால், இருநாடுகளுக்கும் இடையே வர்த்தகப் போர் ஏற்படும் என்ற நிலையில், இந்த அசாதாரண சூழலில், தங்கம் விலை அதிகரித்துள்ளது.மேலும், அமெரிக்க, ஐரோப்பிய, ஆசிய பங்குச் சந்தைகளின் சரிவால், முதலீட்டாளர்கள் தங்களுடைய முதலீட்டை தங்கம் மீது அதிகரித்ததும், விலை உயர்வுக்கு காரணமாகும்.
உலகின் மிகப்பெரிய தங்க முதலீட்டுகழகமான, எஸ்.பி.டி.ஆர்., கோல்டு டிரஸ்ட்டின் முதலீட்டு இருப்பு அளவு, 1.26 சதவீதம் உயர்ந்து, 850.84 டன் ஆனது.கடந்த புதன் அன்று நடைபெற்ற, அமெரிக்க வட்டி விகித கூட்டத்தில், வட்டி, 0.25 சதவீதம் அதாவது, 1.51 சதவீதத்தில் இருந்து, 1.75 சதவீதமாக உயர்த்தப்பட்டது. மேலும், இந்த ஆண்டில், மூன்று முறை வட்டி விகிதம் உயர்த்தப்பட உள்ளதாக தகவல் வெளியானது.
இருப்பினும், வட்டி விகித கூட்டத்திற்கு பின் செய்தியாளர்களுக்கு அளித்த பேட்டியில், கொள்கை முடிவுகள் தளர்த்தப்பட்டதாக அறிவிப்பு வெளியானது. இதனால், அமெரிக்க டாலர் மதிப்பு சரிவு நிகழ்ந்தது. அதன் தொடர்ச்சியாக, தங்கம் மற்றும் வெள்ளி ஆகியவற்றின் விலை அதிகரித்தது. தற்போது 1,365 டாலர் என்பது நல்ல ரெசிஸ்டென்ஸ் ஆகும்.
தங்கம்:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 30,510 30,350 31,000 31,210காம்எக்ஸ் (டாலர்) 1,342 1,330 1,355 1,365
வெள்ளி:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 38,500 38,050 39,150 39,700காம்எக்ஸ் (டாலர்) 16.30 16.05 16.75 16.95
செம்பு:
சர்வதேச பங்குச் சந்தைகள் சரிவும், அதன் தாக்கமும், செம்பு விலையில் சரிவை ஏற்படுத்தின. தொடர்ந்து ஆறு வாரங்களாக செம்பு, சரிவில் வர்த்தகமாகி வருகிறது. லண்டன் பொருள் வாணிப சந்தையில், செம்பு இருப்பு அளவு, கடந்த வெள்ளியன்று வந்த விபரப்படி, 20,125 டன் அதிகரித்து உள்ளது.
மேலும், சீனாவின் பொருள் வாணிப சந்தையிலும் இருப்பு அளவு, 7.8 சதவீதம் உயர்ந்து, 1,86,312 டன் என்ற அளவை எட்டியது. இவ்வாறு உயர்ந்து வரும் இருப்பு அளவு, சந்தையில் செம்பின் தேவை குறைவாக இருப்பதை உணர்த்துகிறது. இதனால் விலை சரிய ஆரம்பித்தது.கடந்த வாரத்தில் ஏற்பட்ட பங்குச் சந்தை சரிவு காரணமாகவும், தேவையில் ஏற்பட்ட தொய்வும், அனைத்து தொழிற்சாலை மூலப்பொருள் கனிமங்களில் சரிவை ஏற்படுத்தியது. ஈயம், மற்ற கனிமங்களை விட, அதிகளவில், 7 சதவீதம் அளவுக்கு, சரிவை கடந்த வாரம் சந்தித்தது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 431.00 425.00 440.00 445.80
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|