பதிவு செய்த நாள்
27 ஏப்2018
00:54
புதுடில்லி : கடந்த, 2017 – 18ம் நிதியாண்டில், நாட்டின் சர்வதேச வர்த்தகம், 16.32 சதவீதம் அதிகரித்து, 76 ஆயிரத்து, 790 கோடி டாலராக உயர்ந்துள்ளது.
இது குறித்து, மத்திய வர்த்தகத் துறை அமைச்சகம் வெளியிட்டுள்ள அறிக்கை: நாட்டின் சர்வதேச வர்த்தகம், 2017 – 18ம் நிதியாண்டில், 16.32 சதவீதம் ஏற்றம் கண்டு, 76 ஆயிரத்து, 790 கோடி டாலராக அதிகரித்துள்ளது. இது, 2016 – 17ம் நிதியாண்டில், 66 ஆயிரத்து, 20 கோடி டாலராக இருந்தது.
இதே காலத்தில், பொலிவியா, பெரு, பிரேசில், சிலி உள்ளிட்ட லத்தின் அமெரிக்க நாடுகள் உடனான, நாட்டின் பரஸ்பர வர்த்தகம், 19.63 சதவீதம் உயர்ந்து, 2,452 கோடி டாலரில் இருந்து, 2,933 கோடி டாலராக வளர்ச்சியடைந்து உள்ளது.
மதிப்பீட்டு காலத்தில், பொலிவியா உடனான பரஸ்பர வர்த்தகம், 205 சதவீதம் அதிகரித்து, 77.2 கோடி டாலராக உயர்ந்துள்ளது. இது, 2016 – 17ம் நிதியாண்டில், 25.3 கோடி டாலராக இருந்தது. மேலும், பிரேசில் உடனான பரஸ்பர வர்த்தகம், 651 கோடி டாலரில் இருந்து, 856 கோடி டாலராக அதிகரித்துள்ளது. சிலி உடனான வர்த்தகம், 190 கோடி டாலரில் இருந்து, 285 கோடி டாலராக உயர்ந்துள்ளது. இவ்வாறு அதில் கூறப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|