பதிவு செய்த நாள்
18 ஜூன்2018
07:04
கச்சா எண்ணெய்:
கச்சா எண்ணெய் விலை, தொடர்ந்து நான்கு வாரங்களாக, சரிந்த நிலையில் வர்த்தகமாகி வருகிறது. ஒரு பேரலுக்கு, 72 – -83 டாலர் என்ற நிலையிலிருந்து, 8 டாலர் குறைந்து, 64.32 டாலர் வரை சரிந்தது. உலகின் மிகப்பெரிய எண்ணெய் உற்பத்தி நாடுகளான, சவுதி அரேபியாவும், ரஷ்யாவும் கடந்த மாதம் கூட்டாக இணைந்து, உற்பத்தி அதிகரிக்கப்படும் என்ற தகவலை வெளியிட்டன. இதன் பின், சந்தையில் விலை சரிவு துவங்கியது. இந்த வாரம் வெள்ளியன்று, ஒபெக் உறுப்பு நாடுகளின் கூட்டம் நடைபெற உள்ளது. இதில், எண்ணெய் உற்பத்தி தொடர்பான முக்கிய முடிவுகள், உறுப்பு நாடுகளுடன் கலந்து ஆலோசித்து எடுக்கப்படும் என, எதிர்பார்க்கப்படுகிறது.
மேலும், அமெரிக்க அதிபர், சீன இறக்குமதி பொருட்கள் மீதான வரியை, 50 மில்லியன் டாலர் அளவுக்கு உயர்த்தி, அதை ஜூலை, 6ம் தேதி முதல் அமல்படுத்த உள்ளதாக அறிவித்துள்ளார். இதனால் ஏற்பட்ட சஞ்சலம் காரணமாக, அனைத்து பங்கு மற்றும் பொருள் வணிக சந்தைகள், வெள்ளியன்று சரிவில் முடிவடைந்தன. இதன் தாக்கம் கச்சா எண்ணெய் விலையிலும் பிரதிபலித்தது. மேலும், அமெரிக்க எண்ணெய் உற்பத்தியானது, கடந்த இரண்டு ஆண்டுகளில், 30 சதவீதம் அளவுக்கு அதிகரித்துள்ளது. ஜூன் மாதத்தின் முதல் வாரத்தில், அமெரிக்காவின் உற்பத்தி, 11.1 மில்லியன் பேரல்கள் ஆகும். இது, உலகின் இரண்டாம் பெரிய உற்பத்தி நாடான ரஷ்யாவின் உற்பத்திக்கு நிகரானதாகும்.
அமெரிக்காவின் பெட்ரோல் தேவை மற்றும் நுகர்வு, வரலாற்று உச்சத்தை, அதாவது, தினசரி, 9.88 மில்லியன் பேரல்களை எட்டியுள்ளது. இந்தியாவிலும் பெட்ரோல் மற்றும் டீசல் நுகர்வு, எல்லா மாதமும் உயர்ந்து வருகிறது. இப்படி தேவை அதிகரித்து வரும் நிலையில், தட்டுப்பாட்டால் மீண்டும் விலை உயர வாய்ப்பிருக்கிறது. இருப்பினும், இந்த வாரம் ஒபெக் கூட்டம், விலையின் போக்கை தீர்மானிக்கும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 4,335 4,200 4,498 4,605என்.ஒய்.எம்.இ.எக்ஸ். (டாலர்) 63.60 62.50 65.20 66.50
தங்கம், வெள்ளி:
சர்வதேச சந்தையில், தங்கம், வெள்ளி ஆகியவற்றின் விலை, கடந்த வார ஆரம்ப நாட்களில் அதிகரித்தது. ஆனால், வார இறுதியில் சரிவை சந்தித்தது.
வார இறுதியில், அமெரிக்க ரிசர்வ் வங்கி, வட்டி விகிதத்தை, 0.25 சதவீதம் உயர்த்தியது. இதனால், அமெரிக்க நாணயக் குறியீடு மதிப்பு உயர்ந்ததால், அனைத்து பொருள் வணிகத்திலும் சரிவு நிகழ்ந்தது. நடப்பாண்டின் குறைந்த பட்ச அளவுக்கு அதாவது, 1 அவுன்ஸ், 1,278 டாலர் என்ற தாழ்ந்த அளவுக்கு சரிந்து வியாபாரம் முடிவுற்றது.இந்த சரிவு, ஏப்ரல் மாதம் முதல் மூன்றாவது மாதமாக தொடர்ந்து காணப்படுகிறது.
இருப்பினும், நம் உள்நாட்டு சந்தையில் டாலருக்கு நிகரான இந்திய ரூபாயின் மதிப்பு, கடந்த நான்கு மாதங்களாக சரிந்து வருகிறது. நம் ஆபரண சந்தை மற்றும் எம்.சி.எக்ஸ்., பொருள் வணிக சந்தையில், தங்கம் மற்றும் வெள்ளி விலை, சர்வதேச சந்தைக்கு எதிராக, சரிவுக்கு பதிலாக உயர்ந்து வருகிறது. பிப்ரவரி மாதம், 1 டாலரின் மதிப்பு, இந்திய ரூபாயில், 63.53 ஆக இருந்தது. அது தற்போது, 68.40 ரூபாயாக, அதாவது, 1 டாலருக்கு ஐந்து ரூபாய் என்ற அளவுக்கு தொடர்ந்து மதிப்பு இழந்தது. இப்படி நிகழ்ந்தது இதுவே முதல் முறையாகும்.
மேலும், அமெரிக்கா, சீனா நாடுகளுக்கு இடையேயான வர்த்தக மோதல் மற்றும் அதனால் ஏற்பட்ட அசாதாரண சூழல் ஆகியவை காரணமாக, முதலீட்டாளர்கள் தங்களது தங்கம் மீதான மூதலீட்டை திரும்ப பெற்றதும் இந்த நிலைக்கு ஒரு காரணமாகும். சர்வதேச சந்தையில், தங்கம் அதன் முக்கியமான சப்போர்ட் விலையான, 1,290 டாலருக்கு கீழ் வர்த்தகம் ஆகும் நிலையில், மீண்டும் சரிவு தொடரும் என்று எதிர்பார்க்கப்படுகிறது.
தங்கம்:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 30,845 30,690 31,400 31,575காம்எக்ஸ் (டாலர்) 1,275 1,268 1,290 1,299
வெள்ளி:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 40,000 39,470 40,900 41,600காம்எக்ஸ் (டாலர்) 16.35 16.05 16.60 16.75
செம்பு:
செம்பு விலை, கடந்த வாரம் சரிவில் முடிவடைந்தது. அமெரிக்க நாணய குறியீடான, டாலர் இண்டெக்ஸ் உயர்வு மற்றும் அமெரிக்க வங்கியின் வட்டி விகிதம் குறித்த கூட்டத்தில் வட்டி விகிதம் உயர்த்தப்படலாம் என்ற கண்ணோட்டம் ஆகியவற்றால் செம்பு விலை சரிவை சந்தித்தது.
கடந்த, 2017ம் ஆண்டின் கடைசி காலாண்டில், அதாவது, அக்டோபர் முதல் டிசம்பர் வரையிலான காலகட்டத்தில், லண்டன் மெட்டல் எக்ஸ்சேஞ்ச் செம்பு விலை, 1 டன், 7,200 டாலர் என்ற அளவுக்கு உயர்ந்தது. ஆனால், இந்த விலை உயர்வு நிலைக்கவில்லை. 2018ம் ஆண்டின் முதல் காலாண்டில் அதாவது, ஜனவரி முதல் மார்ச் வரையிலான மூன்று மாதங்களிலுமே சரிவில் தான் வர்த்தகம் ஆனது. தற்போது, லண்டன் மெட்டல் எக்ஸ்சேஞ்சில், செம்பு, 1 டன், 6,832 டாலர் என, வர்த்தகம் நடைபெறுகிறது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 469.00 464.50 475.30 482.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|