பதிவு செய்த நாள்
11 ஜூலை2018
00:37
ஈரோடு:‘‘தமிழகத்தில், விரைவில் புதிய ஜவுளி கொள்கை அறிவிக்கப்படும்,’’ என, கைத்தறி மற்றும் துணி நுால் துறை அமைச்சர் மணியன் பேசினார்.
கைத்தறி ஆதரவு திட்ட கலந்துரையாடல் கூட்டம், ஈரோட்டில் நேற்று நடந்தது. கைத்தறி துறை முதன்மை செயலர், பணீந்திர ரெட்டி தலைமை வகித்தார். இதில், கைத்தறி நெசவாளர், ஜவுளி உற்பத்தி யாளர், கூறிய யோசனைகள் வருமாறு:
* கைத்தறியில் உற்பத்தியாகும் ரகங்களை, விசைத்தறியில் உற்பத்தி செய்வதை தடுத்து, நடவடிக்கை எடுக்க வேண்டும்.* ஜவுளி டிசைன் அமைக்க, அதிக செலவாகாமலும், புதிய டிசைன்கள் கிடைக்கும் வகையிலும், திறன் வாய்ந்த தொழிலாளர்களை உருவாக்க வேண்டும். அதற்கு தேவையான பயிற்சிகள் வழங்க வேண்டும்.* பாடத்திட்டங்களுடன், நெசவையும் சேர்த்து, பயிற்சி தர வேண்டும்.* தேவையான இடங்களில் பொது கழிவு நீர் சுத்திகரிப்பு நிலையம் அமைத்து, பூஜ்ய சுத்திகரிப்புக்கு உதவ வேண்டும். வெளி மாநிலங்களுக்கு அனுப்பி, பிரின்டிங், சாயமிடுதல் பணி செய்வதால், கூடுதல் செலவாகிறது. இதற்கான வாய்ப்பை அரசே ஏற்படுத்த வேண்டும்.* அனைத்து நெசவாளர்களுக்கும், நுால் மானியம் கிடைக்க செய்ய வேண்டும்.இவ்வாறு வலியுறுத்தினர்.பின்னர், கைத்தறி மற்றும் துணி நுால் துறை அமைச்சர் மணியன் பேசியதாவது:
கைத்தறி ஆதரவு திட்டத்துக்கு, 40 கோடி ரூபாய் ஒதுக்கப்பட்டு, புதிய மாற்றம், ஆராய்ச்சி, மேம்பாடு செய்யப்படுகிறது. இதற்காக, நெசவாளர்கள், ஜவுளி துறை சார்ந்தவர்களிடம் கருத்து கேட்கப்படுகிறது.கைத்தறி ஆதரவு திட்டம் மூலம், புதிய ரகம், டிசைன் உருவாகும். நெசவாளர்களுக்கு தொடர்ந்து வேலை, லாபம், சம்பளம் கிடைக்கும். நுகர்வோர் விரும்பும் உற்பத்தியை, அதிகரிக்க வாய்ப்பு தரப்படும்.
புதிய ரகங்களுக்கு வணிக ஒத்துழைப்பு, ரகத்துக்கு பெயர் ஏற்படுத்துதல், உற்பத்தி மூலதனத்தின் பெயரில் கடன் வழங்குதல் செயல்படுத்தப்படும்.ஜமக்காளம் உட்பட சில ரகங்களுக்கான, ஜி.எஸ்.டி., வரி, 12 சதவீதத்தில் இருந்து, 5 சதவீதமாக அல்லது முழுமையாக நீக்க நடவடிக்கை எடுக்கப்படும்.
தமிழக அரசால் புதிய ஜவுளி கொள்கை வகுக்கப்பட்டு, இறுதி வடிவம் கொடுக்கப்படுகிறது. விரைவில், முதல்வர் அறிவிப்பார். பொது சுத்திகரிப்பு நிலையம் அமைத்து, ஜவுளி துறை ஊக்கப்படுத்தப்படும். நெசவாளர்களுக்கும், ஏ.டி.எம்., கார்டு கிடைக்க வழி செய்யப்படும். நெசவாளர்களுக்கான புதிய காப்பீட்டு திட்டம் விரைவில் அமலாகும்.இவ்வாறு அவர் கூறினர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|