பதிவு செய்த நாள்
19 ஜூலை2018
23:52
நாமக்கல் : முட்டை விலை, ஐந்து காசு உயர்ந்து, 465 காசுகளாக நிர்ணயம் செய்யப்பட்டது.
நாமக்கல்லில், மண்டல தேசிய முட்டை ஒருங்கிணைப்புக் குழு கூட்டம் நடந்தது. இதில், முட்டையின் விலை, ஐந்து காசு உயர்த்தப்பட்டு, 465 காசுகளாக நிர்ணயிக்கப்பட்டது.முக்கிய நகரங்களில் முட்டையின் விற்பனை விலை (காசுகளில்): ஐதராபாத், 421; விஜயவாடா, 431; பர்வாலா, 410; மும்பை, 477; மைசூரு, 452; பெங்களூரு, 445; கோல்கட்டா, 490; டில்லி, 428; சென்னை, 470. அதேபோல், முட்டைக்கோழி உயிருடன், கிலோ, 83 ரூபாய்; கறிக்கோழி, 82 ரூபாய் என, நிர்ணயிக்கப்பட்டுள்ளது.
கல் நீல ரக மா விலை உயர்வு
கிருஷ்ணகிரி : கிருஷ்ணகிரி மாவட்டத்தில், 50 ஆயிரம் ஹெக்டேரில், மா சாகுபடி செய்யப்படுகிறது. இதில், முன்பருவ ரகமான, பங்கனப்பள்ளி, மல்கோவா, பீட்டர், காதர், காலப்பாடு, ருமானியா ரக மாம்பழங்களுக்கு, இந்த ஆண்டு நல்ல விலை கிடைத்தது.
ஆனால், மத்திய தர மா, மாங்கூழ் தொழிற்சாலையில் அதிகம் பயன்படும், பெங்களூரா மற்றும் தோத்தாபுரி ரகத்துக்கு, இந்தாண்டு, போதிய விலை கிடைக்கவில்லை.இந்நிலையில், கடந்த ஒரு வாரமாக அறுவடை செய்யப்பட்ட, கல் நீலம் ரக மா, மார்க்கெட்டில், கிலோ, 30 முதல், 40 ரூபாய் வரை விற்பனையானது. சீசன் முடிய, ஒரு சில நாட்களே உள்ள நிலையில், கல் நீல ரகத்துக்கு, நல்ல வரவேற்பு மட்டுமன்றி, நல்ல விலையும் கிடைத்து வருகிறது.கடந்தாண்டு, கல் நீல ரக மா, அதிகபட்சமாக, கிலோ, 20 ரூபாய் வரை மட்டுமே விற்பனையானது குறிப்பிடத்தக்கது. காவேரிபட்டணம் மற்றும் கிருஷ்ணகிரி, ஜெகதேவி, சந்துார், போச்சம்பள்ளி ஆகிய மண்டிகளில், தற்போது கல் நீல ரக மா, வெளிமாவட்டங்களுக்கு ஏற்றுமதி செய்யப்படுகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|