நிதி இலக்குகளை நோக்கி முன்னேற வேண்டும் எனில் அவை நடைமுறைத்தன்மை மிக்கதாக இருப்பது முக்கியம்.

எதிர்­கால வாழ்க்கை வள­மாக இருக்க ஒவ்­வொ­ரு­வ­ருக்­கும் நிதி திட்­ட­மி­டல் முக்­கி­யம். நிதி திட்­ட­மி­டலை மேற்­கொள்­ளும் போது, அதற்­கான நிதி இலக்­கு­களே வழி­காட்­டி­யாக அமை­கின்­றன. இலக்­கு­க­ளுக்கு ஏற்­பவே திட்­ட­மி­டல் அமை­கிறது. இதன் அடிப்­ப­டை­யி­லேயே முத­லீடு உள்­ளிட்ட அம்­சங்­களை தீர்­மா­னிக்க வேண்­டும். நிதி இலக்­கு­கள் விருப்­பம் போல அமை­ய­லாம் என்­றா­லும், அவை யதார்த்­த­மா­ன­வை­யாக இருக்­கும்­படி பார்த்­துக்­கொள்­வது அவ­சி­யம். இலக்­கு­கள் நடை­மு­றைத்­தன்­மை­யு­டன் இருந்­தால் மட்­டுமே அவற்றை அடை­வது சாத்­தி­யம்.

முன்­ன­தாக ஓய்வு!
நிதி இலக்­கு­களில் ஓய்வு காலத்­திற்­கான சேமிப்பு முக்­கி­ய­மாக விளங்­கு­கிறது. ஓய்வு காலத்­தில் சீரான வரு­மா­னம் கிடைக்­கும் வகை­யில் முத­லீட்டை திட்­ட­மிட வேண்­டும். பொது­வாக, 58 வயது என்­பது ஓய்வு பெறும் வய­தாக கரு­தப்­பட்­டா­லும், ஒரு சிலர் முன்­கூட்­டியே ஓய்வு பெறு­வதை இலக்­காக கொண்டு செயல்­ப­டு­கின்­ற­னர். 30களில் அல்­லது 40களில் ஓய்வு பெற்று, விரும்­பிய வகை­யில் வாழ்க்­கையை அனு­ப­விக்க வேண்­டும் எனும் கன­வும் பல­ருக்கு இருக்­கிறது.

இதற்காக ,15 முதல் 20 ஆண்­டு­கள் உழைத்­து­விட்டு, ஓய்வு பெற வேண்­டும் என நினைப்­ப­வர்­க­ளின் எண்­ணிக்கை அதி­க­ரித்­தி­ருப்­ப­தாக அறிய முடி­கிறது. ஆனால், இது எந்த அளவு நடை­முறை சாத்­தி­யம் என, பார்க்க வேண்­டும். செல­வு­கள் அதி­க­ரிப்­பது மற்­றும் வாழ்­நாள் கால­மும் அதி­க­ரிப்­பது ஓய்­வு­கா­லத்­திற்கு தேவை­யான தொகையை அதி­க­ரிக்­கிறது. எனவே, ஓய்வு முடிவை தள்­ளிப்­போட வேண்­டி­யி­ருக்­கும்.

அதி­லும் குறிப்­பாக, 35 வய­தில் திட்­ட­மிட்டு 45 வய­தில் ஓய்வு பெறு­வது கடி­னம். மிக­வும் இளம் வய­தில் ஓய்வு கால சேமிப்பை துவக்கி, தொடர்ந்து முத­லீடு செய்து வந்­தால், முன்­கூட்­டியே ஓய்வு பெறு­வது சாத்­தி­ய­மா­க­லாம்.

அதே போல பல­ரும், வச­தி­யான வீட்­டில் சொகு­சாக வாழ வேண்­டும் என விரும்­ப­லாம். ஆனால் இது பட்­ஜெட்­டை­யும், மற்ற இலக்­கு­க­ளுக்­கான ஒதுக்­கீட்­டை­யும் பாதிக்­கும். வாழ்­வி­யல் தேவை­களை நிறை­வேற்­றிக்­கொள்ள கடனை நாடி­னால், மாதத்­த­வணை சுமை­யாக மாற­லாம். எதிர்­பார்ப்­பு­கள் யதார்த்­த­மா­ன­தாக இருந்­தால் இந்த சிக்­கல் இல்லை. மேலும், முத­லீட்­டிற்­காக இன்­னொரு வீட்டை வாங்­கு­வ­தாக இருந்­தால், அதன் மூலம் வாடகை வரு­மா­னம் கணி­ச­மா­ன­தாக இருக்க வேண்­டும். இல்லை எனில், அந்த தொகையை வேறு பொருத்­த­மான சாத­னங்­களில் முத­லீடு செய்­வதே நல்­லது.

ஆடம்­ப­ரம் வேண்­டாம் :
பல­ரும், பிள்­ளை­கள் கல்வி மற்­றும் திரு­ம­ணத்­திற்­காக திட்­ட­மிட்டு சேமிக்­கின்­ற­னர். உயர் ­கல்­விக்­காக செல­வி­ட­லாம் என்­றா­லும், திரு­ம­ணத்தை ஆடம்­ப­ர­மாக நடத்­து­வ­தால் வீண் செலவு அதி­க­ரிக்­க­லாம். கவு­ர­வத்­திற்­காக ஆடம்­ப­ரத்தை நாடு­வதை தவிர்ப்­ப­தோடு, திரு­மண செல­வு­க­ளுக்கு பிள்­ளை­களை பொறுப்­பேற்­க­வும் செய்­ய­லாம். பெரும்­பா­லான பிள்­ளை­கள் திரு­ம­ணத்­தின் போது கணி­ச­மான சேமிப்பை கைவ­சம் கொண்டு இ­ருக்­க­லாம்.

எப்­ப­டி­யும், ஓய்வு காலத்­திற்­கான தொகையை திரு­ம­ணத்­திற்­காக செல­விட்­டு­, பின்­னர் திண்­டா­டு­வதை விட இது சிறந்­தது. விடு­முறை கால பயண அனு­ப­வங்­கள் அவ­சி­யம் என்­றா­லும், அவற்­றுக்கு முன்­கூட்­டியே திட்­ட­மிட்டு சேமிப்­பது நல்­லது. வெளி­நாட்டு பய­ணம் எனில் சில ஆண்­டு­கள் முன்­ன­தாக திட்­ட­மிட்டு சேமிக்க வேண்­டும். அதே போல, சொகுசு கார், விலை உயர்ந்த போன் உள்­ளிட்ட தேய்­மா­னம் கொண்ட சொத்­து­களில் ஆர்­வம் காட்­டு­வ­தை­விட, வாழ்க்­கைக்கு தேவை­யான இலக்­கு­களில் கவ­னம் செலுத்த வேண்­டும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 22,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 22,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 22,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 22,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 22,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்