உலக அள­வில், குறி­யீடு சார்ந்த முத­லீ­டு­கள், மிக அதி­க­மாக வளர்ந்து வரும் கால­கட்­டத்­தில் நாம் வாழ்­கி­றோம். அப்­ப­டிப்­பட்ட முத­லீட்டு முறை­களில் ஒன்று, ஈ.டி.எப்.

ஈ.டி.எப்., என்று அழைக்­கப்­படும் இந்த முத­லீட்டு முறை­யின் முழுப் பெயர், ‘எக்ஸ்­சேஞ்ச் டிரே­டட் பண்டு’ என்­ப­தா­கும். அமெ­ரிக்க பங்­குச் சந்­தை­யில், இந்த வகை முத­லீ­டு­கள், வர­லாறு காணாத அளவு உயர்ந்து உள்ளன. மியூச்­சு­வல் பண்­டு­களை விட, இந்த ஈ.டி.எப்., முத­லீட்டை, உலக முத­லீட்­டா­ளர்­கள் அதி­கம் விரும்­பு­கின்­ற­னர்.

கடந்த, 15 ஆண்­டு­களில், ஈ.டி.எப்., ஒரு தனிப் பெரும் தொழி­லா­கவே வளர்ந்­துள்­ளது என்­றால், அது நிச்­ச­யம் மிகை­யில்லை. 2005ல், உலக அள­வில், 417 பில்­லி­யன் டால­ராக இருந்த இந்த, ஈ.டி.எப்., முத­லீ­டு­கள், 2017ம் ஆண்­டில், 4.4 டிரில்­லி­யன் டாலர் என்ற அள­வுக்கு உயர்ந்­துள்ளன.

எதிர்­பார்ப்பு :
அதா­வது, 12 ஆண்­டு­களில், 21சத­வீ­தம் அள­வுக்கு, ஒட்டு மொத்த கூட்டு வளர்ச்சி கண்­டுள்­ளது, இந்த ஈ.டி.எப்., முத­லீ­டு­கள். இன்­றைய சூழ­லில், உலக முத­லீட்டு தொழி­லையே விழுங்­கி­வி­டும் அள­வுக்கு, ஈ.டி.எப்., நிதி­கள் வளர்ந்து வரு­கின்றன. நிதி மேலாண்மை தொழில், இந்த, ஈ.டி.எப்.,களின் அப­ரி­மி­த­மான வளர்ச்­சியை ஏற்க வேண்­டிய கட்­டா­யத்­துக்கு ஆளா­கி­யுள்­ளது.

இதற்கு, பல கார­ணங்­கள் உள்ளன. முக்­கிய கார­ணங்­க­ளாக சொல்ல வேண்­டி­யவை, அவற்­றின் எளி­மை­யும், வெளிப்­ப­டைத் தன்­மை­யும், நிர்­வா­கச் செல­வு­களும் ஆகும்.இந்­தி­யா­வி­லும், ஈ.டி.எப்., வளர்ந்து வரும் ஒரு முத­லீட்டு முறை­யா­கவே இருக்­கிறது. ஆனா­லும், இன்­றைய சூழ­லில், மியூச்­சு­வல் பண்டு முத­லீ­டு­க­ளோடு ஒப்­பி­டும் அள­வுக்கு, ஈ.டி.எப்., வளர்ச்சி தற்­போது இல்லை. ஆனால், வருங்­கா­லத்­தில், அவற்­றின் வளர்ச்சி, மியூச்­சு­வல் பண்­டை­யும் விஞ்­சும் என்­பதே எதிர்­பார்ப்பு.

இதன் வெளிப்­பா­டா­கவே, மியூச்­சு­வல் பண்டு நிறு­வ­னங்­களே முன்­வந்து, இந்த வகை முத­லீ­டு­களின் விற்­ப­னையை துவங்கி உள்ளன. அர­சின் பங்­கை­யும் இதில் குறிப்­பிட வேண்­டும். அர­சின் பங்கு விற்­பனை திட்­டங்­களில், இரண்டு ஆண்­டு­ க­ளாக, ஈ.டி.எப்., முறையை பயன்­ப­டுத்தி வெற்­றி­யும் கண்­டுள்­ளோம். சி.பி.எஸ்.இ., என்று அரசு விற்­பனை செய்த, ஈ.டி.எப்., பெரும் வர­வேற்பை பெற்­றுள்­ளது அனை­வ­ரும் அறிந்­ததே. தொடர்ந்து பல, ஈ.டி.எப்., திட்­டங்­களை கொண்­டு­வர அரசு ஆர்­வம் காட்­டு­கிறது. இந்த முயற்­சி­களின் தொடர் வெற்­றி­யில், யாருக்­கும் சந்­தே­க­மில்லை.

நம்­பிக்­கை :
நாளைய சூழ­லில், அரசு நிறு­வன மதிப்பு கூடும்­பட்­சத்­தில், அதன் பலன்­கள், இந்த ஈ.டி.எப்., திட்­டத்­தில் முத­லீடு செய்­யும் சிறு முத­லீட்­டா­ளர்­களை சேர வேண்­டும் என்­பதே அர­சின் நோக்­கம். உரு­வா­கும் சீர்­தி­ருத்த மாற்­றங்­களின் பலன்­கள், நாட்­டின் முத­லீட்டு கலா­சா­ரத்­தை­யும் வளர்க்­கும் வகை­யில் அமை­யும் என்­கிற நம்­பிக்­கை­யும் இதில் அடக்­கம்.

ஆனா­லும், இந்த முத­லீட்டு முறையை பற்­றிய பேச்­சும், புரி­த­லும் உரிய அளவு மக்­களை சென்­ற­டை­ய­வில்லை. மியூச்­சு­வல் பண்­டின் அள­வுக்கு, ஈ.டி.எப்., வளர்ச்சி காணும் சூழல் உரு­வாக வேண்­டும். அதற்­கான அடித்­தள பணி­கள் மட்­டுமே இப்­பொது நடந்து வரு­கின்றன. இனி வரும் காலங்­களில், ஈ.டி.எப்., முத­லீ­டு­கள், சேமிப்­பின் முக்­கிய அங்­க­மாக மாறும் என்­ப­தில் சிறி­தும் சந்­தே­க­மில்லை.

-ஷ்யாம் சேகர், முதலீட்டு ஆலோசகர்

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 22,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 22,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 22,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 22,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 22,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்