பதிவு செய்த நாள்
30 ஜூலை2018
06:19
கச்சா எண்ணெய்:
கச்சா எண்ணெய் விலை, மூன்று வாரத்துக்குப் பின், கடந்த வாரம் சிறிதளவில் மீண்டு, வர்த்தகம் ஆகிறது. எம்.சி.எக்ஸ்., பொருள் வணிக சந்தையில், கடந்த வாரம் அதிக ஏற்றத்தாழ்வுகள் இல்லாமல், 140 ரூபாய் விலை ஏற்ற இறக்கங்களுடன் வர்த்தகம் முடிவுற்றது. கடந்த வாரத்தின் மூன்று நாட்களில் விலையேற்றம் காணப்பட்டது. கடந்த வாரம், சவுதி அரேபியா, சிவப்பு கடல் வழியாக கச்சா எண்ணெய் ஏற்றுமதியை தற்காலிகமாக தடை செய்தது.
நாட்டின் இரண்டு ஆயில் டேங்கர்கள், ஏமன் மற்றும் ஈரான் நாட்டு போராளிகளால் தாக்கப்பட்டன. இதனால், முக்கியமான வழித்தடம் பாதிக்கப்பட்டது. இவ்வழித்தடத்தின் வழியாக அமெரிக்கா மற்றும் ஐரோப்பிய, ஆசிய நாடுகளுக்கு கச்சா எண்ணெய் ஏற்றுமதி செய்யப்பட்டு வந்தது.இத்தகைய அசாதாரண சூழல் காரணமாக, கச்சா எண்ணெய் விலை சிறிது ஏற்றம் கண்டது. கடந்த புதன் கிழமை அன்று வெளிவந்த, அமெரிக்க எண்ணெய் வார இருப்பு நிலவரத்தில், எதிர்பார்த்ததைவிட இருப்பு அளவு, 2015ம் ஆண்டை ஒப்பிடும்போது குறைவாகவே இருந்தது.
அமெரிக்காவின் ஷேல் ஆயில் உற்பத்தி, தொடர்ந்து அதிகரித்து வருகிறது. கச்சா எண்ணெய் ஆழ்துளை கிணறுகளின் எண்ணிக்கை, கடந்த வாரத்தில் அதிகரித்துள்ளது. இவ்வாறாக உயர்ந்து வரும் உற்பத்தி, சர்வதேச சந்தையில் ஒரு சவாலாக இருக்கும் என கருதப்படுகிறது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 4,690 4,565 4,800 4,935என்.ஒய்.எம்.இ.எக்ஸ். (டாலர்) 68.40 67.10 69.70 71.00
தங்கம், வெள்ளி
சர்வதேச சந்தையில், தங்கம் மற்றும் வெள்ளி விலை தொடர்ந்து நான்காவது மாதமாக சரிவில் இருந்து வருகிறது. 2013ம் ஆண்டுக்குப் பின், இதுவே தொடர் மாத சரிவாக காணப்படுகிறது.
அமெரிக்க நாணயமான டாலரின் மதிப்பு உயர்வு, இதற்கு மிக முக்கிய காரணம் ஆகும். அமெரிக்க நாட்டின் வட்டி விகிதமும், தங்கம் மற்றும் வெள்ளி விலையும் எதிர்மறையான போக்கை கொண்டதாகும். கடந்த, 2004ம் ஆண்டு, 5 சதவீதம் அளவுக்கு, வட்டி விகிதம் அமெரிக்காவில் இருந்தது. அப்போது, தங்கம் ஒரு அவுன்ஸ், 410 டாலராக இருந்தது. பின், படிப்படியாக பொருளாதார வளர்ச்சி குறைந்து போனது உள்ளிட்ட பல காரணங்களுக்காக, வட்டி விகிதத்தை அரசு குறைக்க வேண்டிய கட்டாயத்துக்கு வந்தது. அவ்வாறு குறைத்து, 0.25 சதவீதம் வரை எட்டியது.
தற்போது, கடந்த இரு ஆண்டுகளாக, பொருளாதார வளர்ச்சி சுழற்சி முறையில் மாற்றம் கண்ட நிலையில், வட்டி விகிதம் உயர்த்தப்படும் சூழல் நிலவி வருகிறது.சீனாவுடனான வர்த்தக மோதல், இறக்குமதி மீதான அதிகப்படியான வரி விதிப்பு, ஐரோப்பிய யூனியன் நாடுகளில் இருந்து இறக்குமதி செய்யப்படும் பொருட்களுக்கு வரி விதிப்பு போன்ற அமெரிக்காவின் நடவடிக்கைகளால், அசாதாரண சூழல் நிலவி வந்தது.வட்டி விகித உயர்வால், அமெரிக்கா மற்றும் மேலை நாடுகளில், அரசு கருவூல பத்திரங்களின் ஆதாயம் உயர்வதை அடுத்து, முதலீட்டாளர்கள் மத்தியில், தங்கம் மீதான முதலீட்டு ஆர்வம் குறையும். மேலும், அரசு சார்ந்த முதலீடுகளை அதிகப்படுத்தி, அதன் விளைவாகவும் விலைச்சரிவு தொடர்ந்து நடைபெற்றுக் கொண்டிருக்கிறது.
தற்போதைய சூழலில் சர்வதேச சந்தையில், 1,180 டாலர் என்பது நல்ல சப்போர்ட்டாக இருக்கும். உலக அளவில், ஆபரணத் தங்கம் நுகர்வு மற்றும் இறக்குமதியில், இந்தியா இரண்டாம் இடத்தில் உள்ளது. சீனா முதலிடம் வகித்து வருகிறது. இந்தியாவின் தங்கம் இறக்குமதி, கடந்த சில ஆண்டுகளாக சரிந்துவரும் போக்கில் உள்ளது.இதற்கு பழைய தங்கத்தை, மறுசுழற்சி முறையில் புதிய தங்க கட்டிகளாக மாற்றப்பட்டு வருவதும், அதிகரிக்கும் பணவீக்கத்தால், நடுத்தர குடும்பங்களில் செலவினம் அதிகரித்து, அவர்களது தங்க சேமிப்பு ஆர்வம் குறைந்து வருவதும் காரணமாக கூறப்படுகிறது.
தங்கம்:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 29,650 29,480 29,855 30,050காம்எக்ஸ் (டாலர்) 1,210 1,197 1,225 1,237
வெள்ளி:
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 38,000 37,520 38,440 38,900காம்எக்ஸ் (டாலர்) 15.35 15.15 15.70 15.95
செம்பு:
செம்பு விலை, கடந்த வாரம் அதிகரித்து வர்த்தகம் ஆகியது. முந்தைய ஆறு வார சரிவிலிருந்து மீண்டு, அதிகரித்து வருகிறது. செம்பு உற்பத்தி சுரங்கத்தில் ஏற்பட்ட தொழிலாளர்கள் வேலை நிறுத்தம் மற்றும் பேச்சில் ஏற்பட்ட நிலை காரணமாகவும் விலை ஏற்றம் கண்டது.
உலக அளவில், செம்பு நுகர்வில், சீனா முதலிடம் வகிக்கிறது. ஐரோப்பிய யூனியன் நாடுகளில் இருந்து இறக்குமதி செய்யப்படும் கார்களுக்கு, அமெரிக்காவில் அதிகப்படியான வரி விதிக்கப்படும் என, அறிவித்து இருந்தது. பின்னர் ஏற்பட்ட பேச்சில் இதை விலக்கிக் கொள்ளும் நிலை ஏற்பட்டது. இத்தகைய சூழலில், செம்பு விலை ஏற்றம் கண்டது. இருப்பினும், லண்டன் மெட்டல் எக்ஸ்சேஞ்சில், செம்பு இருப்புகள் அதிகரித்து வருவது, விலை ஏற்றத்தை கட்டுப்படுத்தும் என்று எதிர்பார்க்கப்படுகிறது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 424.50 421.00 427.00 431.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|