வட்டி விகிதம் உயரத்துவங்கியிருந்தாலும், வீட்டுக்கடனை முன்னதாகவே அடைக்க முயல்வதை விட வரிச்சலுகையை பயன்படுத்திக்கொள்வதே சிறந்ததாக இருக்கும்.
ரிசர்வ் வங்கி அண்­மை­யில் ரெப்போ விகி­தத்தை மீண்­டும் உயர்த்­தி­யுள்­ளது. இதன் கார­ண­மாக,வீட்­டுக்­க­டன் உள்­ளிட்ட கடன்­களுக்­கான வட்டி விகி­த­மும் உயரும் நிலை ஏற்­பட்­டுள்­ளது. ஏற்­க­னவே பல வங்­கி­கள் வீட்­டுக்­கட­னுக்­கான வட்டி விகி­தத்தை உயர்த்­தி­யுள்ள சூழ­லில், 2013ம் ஆண்­டுக்­குப்­பி­றகு, தொடர்ந்து இரண்­டா­வது முறை­யாக ரிசர்வ் வங்கி ரெப்போ விகி­தத்தை உயர்த்­தி­யி­ருப்­பது, வட்டி விகி­தம் மேலும் உய­ரும் என்­பதை உறு­தி­யாக்­கி­யுள்­ளது. இத­னால், வீட்­டுக்­க­டன் பெற்­ற­வர்­கள் கவலை அடைந்­து உள்­ள­னர். வட்டி விகித உயர்வை சமா­ளிப்­ப­தற்­கான வழி­களை ஆரா­யத்­து­வங்­கி ­உள்­ள­னர்.

உட­னடி பாதிப்­பில்லை

வீட்­டுக்­க­ட­னுக்­கான வட்டி விகி­தம் உய­ரும் என்­றா­லும், ஏற்­க­னவே கடன் பெற்­ற­வர்­க­ளுக்கு, இத­னால் உட­னடி பாதிப்பு ஏற்­பட வாய்ப்­பில்லை. எம்.சி.எல்.ஆர் விகித முறை­யில் கடன் பெற்­ற­வர்­க­ளைப்­பொ­றுத்­த­வரை, வட்டி விகி­தத்­திற்­கான ரிசெட் காலம் வரை பழைய விகி­தமே தொட­ரும், அதன் பிறகு வட்டி விகி­தம் உய­ரும். புதி­தாக கடன் பெறு­­பவர்­கள், அதிக வட்டி விகித்­தில் கடன் பெற வேண்­டி­யி­ருக்­கும்.

தற்­போது வீட்­டுக்­க­டனை செலுத்தி வரு­ப­வர்­கள், ரீசெட் காலத்­திற்கு பின், புதிய வட்டி விகி­தத்தை தெரிந்து கொண்டு, அதற்­கேற்ப செயல்­பட வேண்­டும். வீட்­டுக்­க­டனை குறைந்த வட்டி விகி­தம் அளிக்­கும் வேறு வங்­கிக்கு மாற்­று­வது பலன் தருமா? என, பரீ­சி­லிக்­க­லாம். கடன் சுமையை குறைக்க வாய்ப்­பி­ருந்­தால், பகுதி அளவு கடன் தொகையை முன்­கூட்­டியே செலுத்­த­லாம்.

பொது­வாக கட­னுக்­கான முதல் பாதி காலத்­தில் இருப்­ப­வர்­க­ளுக்கு, இந்த உத்தி அதிக பலன் தரும் என, கரு­தப்­ப­டு­கிறது. கட­னுக்­கான முதல் பாதி காலத்­தில் செலுத்­தப்­படும் தொகை, நீண்ட கால நோக்­கில், வட்­டி­யில் அதிக சேமிப்பை அளிக்க கூடி­யது.வீட்­டுக்­க­டன் பெற்­ற­வர்­களில் பலர், முன்­கூட்­டியே கடனை அடைத்­து­விட்டு வெளி­யே­றும் வாய்ப்­பை­யும் பரி­சீ­லிக்­க­லாம். கடனை முன்­ன­தாக அடைப்­பது சுமையை குறைக்­கும் என்­றா­லும், வீட்­டுக்­கடன் அளிக்­கும் வரிச்­ச­லு­கையை மன­தில் கொண்டே இந்த முடிவை எடுக்க வேண்­டும் என்­கின்­ற­னர்.

வீட்­டுக்­க­ட­னுக்­காக செலுத்­தப்­படும், வட்­டி­யில், 2 லட்­சம் ரூபாய்வரை வரு­மான வரிச்­ச­லுகை கோரும் வாய்ப்­புள்­ளது. கடனை முன்­ன­தாக அடைப்­ப­தால் இந்த வாய்ப்பை இழக்­க­லாம். மாறாக கடனை தொடர்­வ­தன் மூலம் வரிச்­ச­லுகையை பயன்­ப­டுத்­திக் ­கொள்­ள­லாம்.

வரிச்­ச­லுகை

வீட்­டுக்­க­டன் மூல­மான வரிச்­ச­லு­கையை பயன்­ப­டுத்­திக்­கொள்­ளும் போது, வரி விலக்­கிற்கு என, தனியே முத­லீடு செய்­யும் தேவை இருக்­காது. அந்த தொகையை அதிக பலன் தரக்­கூ­டிய நிதி சாத­னங்­களில் முத­லீடு செய்­வ­தன் முலம், நீண்ட கால நோக்­கில் கட­னுக்­கான வட்­டிச்­ச­லு­கையை பெறு­வ­தோடு, முத­லீட்­டின் மீதும் அதிக பலன் பெற­லாம் என, நிதி ஆலோ­ச­கர்­கள் கரு­து­கின்­ற­னர்.

தவிர, கட­னுக்­கான வட்டி விகி­தம் உய­ரும் சூழ­லில், வைப்பு நிதி, சிறு சேமிப்பு திட்­டங்­க­ளுக்­கான வட்டி விகி­த­மும் உய­ரும் நிலை உள்­ளது. அதி­கம் ரிஸ்கை விரும்­பாத, ஆனால் நிலை­யான பலனை எதிர்­பார்க்­கும் முத­லீட்­டா­ளர் எனில் சிறு­சே­மிப்பு திட்­டங்­களில் முத­லீடு செய்து வட்டி விகித உயர்வை சாத­க­மாக்கி கொள்­ள­லாம்.எனவே, வரிச்­ச­லு­கைக்கு தேவை­யான கடன் அளவை கணக்­கிட்டு, அதற்கு மேல் உள்ள தொகையை முன்­கூட்­டிய செலுத்­து­வது சிறந்த உத்­தி­யாக இருக்­கும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 06,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 06,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 06,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 06,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 06,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்