கச்சா எண்ணெய்
கச்சா எண்­ணெ­யின் விலை, கடந்த நான்கு மாதங்­க­ளாக, அதி­கப்­ப­டி­யான ஏற்­றத்­தாழ்­வு­களை சந்­தித்து வரு­கிறது.

சீனா, ஐரோப்­பிய நாடு­கள் ஆகி­ய­வற்­று­ட­னான அமெ­ரிக்­கா­வின் வர்த்­தக மோதல், ஈரான் கச்சா எண்­ணெய் ஏற்­று­ம­திக்­கான தடை, சவுதி அரே­பி­யா­வின் சிவப்பு கடல் பகு­தி­யில், போரா­ளி­க­ளின் தாக்­கு­த­லால் ஏற்­பட்ட ஏற்­று­மதி பாதிப்பு, அமெ­ரிக்­கா­வின் எண்­ணெய் உற்­பத்தி அதி­க­ரிப்பு போன்­றவை கார­ணங்­க­ளாக அமைந்து, விலை­யில் கடும் தாக்­கத்தை ஏற்­ப­டுத்தி வரு­கின்­றன.

ஈரான் நாட்­டி­லி­ருந்து, எண்­ணெய் இறக்­கும­தியை குறைத்­துக் கொள்ள வேண்­டும் என்று, அனைத்து இறக்­கு­மதி நாடு­க­ளை­யும், கடந்த மாதம், அமெ­ரிக்கா வலி­யு­றுத்தி வந்­தது. இதைத் தொடர்ந்து, இந்­தி­யா­வும் இறக்­கு­ம­தியை குறைத்­துள்­ளது.ஆனால், அமெ­ரிக்­கா­வின் வலி­யு­றுத்­தலை ஏற்­றுக் கொள்­ளா­மல், சீனா தொடர்ந்து இறக்­கு­மதி செய்து வரு­கிறது. இத­னால், இரு நாடு­க­ளுக்­கும் இடை­யே­யான, அசா­தா­ரண சூழல் நீடித்து வரு­கிறது.

இதற்­கி­டையே, அமெ­ரிக்க எண்­ணெய் உற்­பத்தி அதி­க­ரித்து வந்­தா­லும், இறக்­கு­ம­தியை சீனா குறைத்து வரு­வ­தால், அமெ­ரிக்க எண்­ணெய் ஏற்­று­ம­தி­யில் கடு­மை­யான தாக்­கம் ஏற்­பட்­டுள்­ளது.ஜூலை, 27-ம் தேதி­யு­டன் முடி­வ­டைந்த ஒரு வார காலத்­தில், அமெ­ரிக்­கா­வின் எண்­ணெய் இருப்பு அதி­க­ரித்து காணப்­பட்­டது.

மேலும், உல­கின் முதல் மற்­றும் இரண்­டாம் உற்­பத்தி நாடு­க­ளான சவுதி அரே­பி­யா­வும், ரஷ்­யா­வும், கணி­ச­மாக உற்­பத்தி அதி­க­ரிப்பு ஈடு­பட்டு வரு­கிறது. இத­னால், மொத்த உற்­பத்தி, தின­சரி, 3 லட்­சம் பேர­லாக அதி­க­ரிக்­கும் என, எதிர்­பார்க்­கப்­ப­டு­கிறது. இதன் கார­ண­மா­கவே, கச்சா எண்­ணெய் விலை உயர்வு, கட்­டுக்­குள் இருந்து வரு­கிறது.

தங்கம் வெள்ளி

சர்­வ­தேச சந்­தை­யில், தங்­கம் மற்­றும் வெள்ளி விலை, இந்த ஆண்டு தொடக்­கம் முதலே, சரி­வில் வர்த்­த­க­மாகி வந்­தது. இதற்கு, அமெ­ரிக்க நாண­யத்­தின் மதிப்பு உயர்வு, ஆப­ரண தங்­கம் இறக்­கு­மதி செய்­யும் நாடு­களில் இறக்­கு­மதி குறைந்­தது ஆகி­யவை கார­ண­மாக கூறப்­ப­டு­கிறது.

உலக தங்க கவுன்­சில், நடப்பு ஆண்­டின் முதல் பகு­தி­யான, ஜன­வரி முதல் ஜூன் கால­கட்­டத்­தில், தங்­கத்­தின் தேவை, உலக அள­வில், 6 சத­வீ­தம் குறைந்­துள்­ள­தாக அறிக்கை வெளி­யிட்டு உள்­ளது. இது, 2009க்கு பின் ஏற்­பட்ட முதல் வீழ்ச்­சி­யா­கும்.மேற்­கூ­றிய கார­ணங்­க­ளால், தங்­கம் விலை சரிந்து இருப்­பி­னும், டால­ருக்கு நிக­ரான இந்­திய ரூபா­யின் மதிப்பு, 7 சத­வீ­தம் குறைந்­த­தன் கார­ண­மாக, சர்­வ­தேச சந்­தை­யோடு ஒப்­பி­டும்­போது, நம் உள்­நாட்டு சந்­தை­யில், விலை வீழ்ச்சி அடை­ய­வில்லை; மாறாக, சிறி­த­ளவு ஏற்­றம் கண்டு வர்த்­த­கம் ஆகிறது.

தற்­போது, 1 அவுன்ஸ் தங்­கம் விலை, 1,200 டாலர் என்­பது நல்ல சப்­போர்ட்­டாக உள்­ளது. கடந்த வாரம், அமெ­ரிக்க நாட்­டின் வேலை­யில்­லா­தோர் குறித்த புள்ளி விப­ரம் வெளி­வந்­தது. இது, எதிர்­பார்ப்­புக்கு மாறாக இருந்­த­தால், அமெ­ரிக்க நாண­யத்­தின் மதிப்பு குறைந்­தது. இதன் கார­ண­மாக, வெள்­ளி­யன்று, தங்­கம் மற்­றும் வெள்ளி விலை அதி­க­ரித்­தது. இந்­நிலை, இந்த வாரத்­தி­லும் தொட­ரும் என்று எதிர்­பார்க்­கப்­ப­டு­கிறது.

நாட்­டின் ஆப­ரண தங்­கம் இறக்­கு­மதி, கடந்த ஆண்டு, 927 டன் ஆகும். 2013ம் ஆண்­டு­டன் இதை ஒப்­பி­டும் போது, 4.4 சத­வீ­தம் குறைவு. இந்த ஆண்­டும் இறக்­கு­ம­தி­யில் தொய்வு ஏற்­படும் என, எதிர்­பார்க்­கப்­ப­டு­கிறது.

செம்பு

செம்பு விலை, கடந்த ஆண்டு உயர்­வுக்­குப் பின், இந்த ஆண்டு, ஆரம்­பம் முதலே சரி­வில் வர்த்­த­க­மாகி வரு­கிறது. உலக நாடு­க­ளுக்கு இடையே நில­வும் அசா­தா­ரண சூழல் மற்­றும் பொரு­ளா­தார மந்­த­நிலை, வர்த்­தக மோதல் ஆகி­யவை இதற்கு கார­ண­மா­கும்.

சீனா­வின் தேவையை அடிப்­ப­டை­யா­கக் கொண்டு, செம்­பின் விலை நிர்­ண­யம் செய்­யப்­ப­டு­கிறது.கடந்த வாரம், வெள்­ளி­யன்று, அமெ­ரிக்க இறக்­கு­மதி பொருட்­க­ளுக்கு, 60 மில்­லி­யன் டாலர் அள­வுக்கு இறக்­கு­மதி வரி­களை, சீனா புதி­தாக அறி­வித்­தது. குறிப்­பாக இயற்கை எரி­வாயு, செம்பு, நிக்­கல், ஜிங்க் பொருட்­க­ளுக்கு கூடு­தல் வரி விதிக்­கப்­பட்­டது.

இதன் கார­ண­மாக, வெள்­ளி­யன்று, செம்பு விலை அதி­க­ரித்­தது. இது வரும் நாட்­க­ளி­லும் தொட­ரும் என, எதிர்­பார்க்­கப்­ப­டு­கிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 06,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 06,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 06,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 06,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 06,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்