புதுடில்லி:ஜெட் ஏர்­வேஸ் நிறு­வ­னத்­தின் காலாண்டு நிதி நிலை அறிக்­கையை அங்­கீ­க­ரிக்க, ‘ஆடிட்’ குழு மறுத்­துள்­ள­தால், அதன் வெளி­யீடு தள்ளி வைக்­கப்­பட்­டுள்­ளது.

நரேஷ் கோயல் தலை­மை­யி­லான ஜெட் ஏர்­வேஸ் நிறு­வ­னம், 2017- – 18ம் நிதி­யாண்­டின், ஜனவரி – மார்ச் காலாண்­டில், 1,000 கோடி ரூபாய்க்­கும் அதி­க­மான இழப்பை சந்­தித்­தது.இழப்பு, மேலும் அதிகரிக்க வாய்ப்­புள்­ள­தாக ஆய்வு நிறு­வ­னங்­கள் தெரி­வித்­தி­ருந்­தன.

கிசுகிசு

அதற்­கேற்ப, ஜெட் ஏர்­வேஸ், அதன் விமா­னி­கள்,பொறி­யா­ளர்­கள் ஆகி­யோ­ரி­டம் ஊதி­யத்தை குறைத்­துக் கொள்ள கோரி­ய­தாக தக­வல் வெளி­யானது. மேலும், 60 நாட்­களுக்கு மட்­டுமே விமான சேவையை இயக்­கு­வ­தற்­கான நிதி உள்­ள­தா­க­வும் கிசு­கி­சுக்­கப்­பட்­டது.இந்த தக­வல்­களை மறுத்த ஜெட் ஏர்­வேஸ், ஆக., 9ல் பங்­கு­தா­ரர்­க­ளின் ஆண்டு பொதுக்­குழு கூட்­டத்­தில், கடந்த நிதி­யாண்­டின் நிதி நிலை அறிக்கை வெளி­யி­டப்­படும் என, அறி­வித்­தது. ஆனால் அவ்­வாறு வெளி­யி­டப்­ப­ட­வில்லை.

இது குறித்து, மும்­பை­யில் நடை­பெற்ற பொதுக் குழு கூட்­டத்­தில், நரேஷ் கோயல் பேசி­ய­தா­வது:சர்­வ­தேச நில­வ­ரங்­கள் கார­ண­மாக, நிறு­வ­னத்­தின் செல­வி­னம் கையை மீறி போய் விட்­டது. கச்சா எண்­ணெய் விலை, 16 சத­வீ­தம் உயர்ந்­துள்­ளது.இதன் தாக்­கத்­தால், விமான எரி­பொ­ருள் செல­வி­னம் அதி­க­ரித்­துள்­ளது. அத்­து­டன், டால­ருக்கு நிக­ரான ரூபாய் மதிப்­பின் சரி­வால், வருவாய் குறைந்­துள்­ளது.

இத்­த­கைய சுமையை, நுகர்­வோர் தலை­யில் சுமத்த முடி­யாத நிலை­யில், விமான துறை­யில் போட்டி நில­வு­கிறது. அத­னால், விமான பய­ணக் கட்­ட­ண­மும் உயர்த்­தப்­பட­வில்லை.

பங்கு விலை

இந்­நி­லை­யில், கடந்த நிதி­யாண்­டின் நிதி நிலை அறிக்­கை­யில், ஒரு சில அம்­சங்­க­ளுக்கு தீர்வு காண வேண்­டி­யுள்­ளது. இதன் கார­ண­மாக, தணிக்கை செய்­யப்­பட்ட, கடந்த நிதி­யாண்­டின் நிதி நிலை அறிக்­கையை, ஆடிட் குழு, நிறு­வ­னத்­தின் இயக்­கு­னர் குழு­வுக்கு பரிந்­துரைக்­க­வில்லை.அத­னால், நிதி நிலை அறிக்­கையை வெளி­யிட­வில்லை. விரை­வில் பிரச்­னை­க­ளுக்கு தீர்வு காணப்­பட்டு, நிதி நிலை அறிக்கை வெளி­யி­டும் தேதி அறி­விக்­கப்­படும்.இவ்­வாறு அவர் தெரிவித்­தார்.

இதை­ய­டுத்து, நேற்று, மும்பைபங்குச் சந்தையில், ஜெட் ஏர்­வேஸ் பங்கு விலை, மூன்று ஆண்­டு­களில் இல்லாத அள­விற்கு, 13.3 சத­வீதம் சரி­வடைந்து, 261.60 ரூபாயாக வீழ்ச்சி கண்­டது.

பிரச்னைகள்

மூத்த அதி­காரி ஒரு­வர் கூறி­ய­தா­வது:வரு­வாய் அல்­லது செல­வி­னத்­தில், சில பிரச்­னை­கள் ஏற்­பட்­டி­ருக்­க­லாம். உதா­ர­ண­மாக, வட்­டிச் செல­வி­னங்­களில் இது போல நடக்­க­லாம். ஒரு நிறு­வ­னம், இழப்பை தெரி­விக்க விரும்­பாத பட்­சத்­தில், அதற்கு ஆடிட் குழு ஒப்புதல் அளிக்­காது.இவ்­வாறு அவர் கூறினார்.

இரண்டு நிறுவனங்கள்

ஜெட் ஏர்­வேஸ் நிறு­வ­னத்­தின் வரவு – செலவு கணக்கை, பி.எஸ்.ஆர்., அண்ட் கோ மற்­றும் டி.டி.எஸ்., அண்ட் அசோ­சி­யேட்ஸ் என்ற நிறு­வ­னங்­கள் தணிக்கை செய்­கின்­றன. அதை, நிறு­வ­னத்­தின் மூன்று இயக்­கு­னர்­கள் அடங்­கிய, ஆடிட் குழு, இயக்­கு­னர் குழு­வுக்கு பரிந்­து­ரைக்­கும். அதன் பின்­னரே, பங்­கு­தா­ரர்­கள் கூட்­டத்­தில், நிதி நிலை அறிக்கை வெளி­யி­டப்­படும்.
பாத­கமா?

ஜெட் ஏர்­வேஸ் நிறு­வ­னம், பங்­கு­தா­ரர்­க­ளுக்கு பாத­க­மான செய்­தியை தெரி­விக்க விரும்­பா­மல் இருக்­க­லாம் அல்­லது அத்­த­கைய தக­வலை மறைக்கநினைத்­தி­ருக்­க­லாம்.
ஸ்ரீராம் சுப்­ர­ம­ணி­யம், ‘இன்­க­வர்ன் ரீசர்ச்’

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 11,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 11,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 11,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 11,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 11,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்