பதிவு செய்த நாள்
27 செப்2018
06:10
புதுடில்லி : இரு சக்கர வாகன தயாரிப்பு நிறுவனமான, ‘ராயல் என்பீல்டு’ அதன் இரு தயாரிப்புகளை, உலக அரங்கில் அறிமுகப்படுத்தி உள்ளது.
கான்டினென்டல் ஜி.டி., 650 மற்றும் இன்டர்செப்டார் ஐ.என்.டி., 650 ஆகிய இரு வாகனங்களை, உலக அளவில் அறிமுகம் செய்துள்ளது இந்நிறுவனம். இதில் கான்டினென்டல் ஜி.டி., 650 பைக்கின் விலை, இந்திய ரூபாயில், 4,21,558 ரூபாய் எனவும், இன்டர்செப்டார் ஐ.என்.டி., 650 பைக் விலை, 4,90,618.56 ரூபாய் எனவும் நிர்ணயிக்கப்பட்டுள்ளது. இரண்டு சிலிண்டர்களுடன் கூடிய இந்த இரு மாடல்களும், உள்நாட்டிலும், அமெரிக்கா, பிரிட்டன், ஐரோப்பிய கூட்டமைப்பு ஆகிய பிற நாடுகளிலும், அடுத்த ஆண்டு துவக்கத்தில் சில்லரை விற்பனைக்கு வர உள்ளன.
இது குறித்து, ராயல் என்பீல்டு நிறுவனத்தின் தலைமை செயல் அதிகாரி, சித்தார்த்த லால் கூறியதாவது: உலக சந்தைக்கு ஏற்றவகையில், முதன் முதலாக நிறுவனத்தால் இந்த பைக்குகள் தயாரிக்கப்பட்டுள்ளன. ராயல் என்பீல்டை, உலகளவிலான பிராண்டாக, அடுத்த கட்டத்துக்கு எடுத்துச் செல்வதற்கான துவக்கப்புள்ளி இது. இந்த பைக்குகளை, நடப்பு ஆண்டின் இறுதியில், முக்கியமான சந்தைகளுக்கு ஏற்றுமதி செய்ய இருக்கிறோம். அங்கே அவை காட்சிப்படுத்தப்பட்டு, சோதனை சவாரிகளுக்கு விடப்பட்டு, பின் அடுத்த ஆண்டு துவக்கத்தில் சில்லரை விற்பனைக்கு கிடைக்கும். இவ்வாறு அவர் கூறினார்.
இந்த இரண்டு பைக்குகளுமே, சென்னை, ஒரகடத்தில் உள்ள ஆலையில் உற்பத்தி செய்யப்பட உள்ளது என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|