புதுடில்லி : இந்­திய ரியல் எஸ்­டேட் சந்தை மதிப்பு, 2030ல், 70 லட்­சம் கோடி ரூபா­யாக உய­ரும் என, ஆய்­வொன்­றில் தெரி­ய­வந்­துள்­ளது.

சந்தை ஆய்வு நிறு­வ­ன­மான, கே.பி.எம்.ஜி., நாரட்கோ மற்­றும் அப்­ரியா நிறு­வ­னங்­க­ளு­டன் இணைந்து வெளி­யிட்­டு உள்ள ஆய்­வ­றிக்கை: கட்­டு­மான திட்­டங்­களின் தாம­தம், விற்­ப­னை­யா­காத குடி­யி­ருப்­பு­கள் மற்­றும் வணிக வளா­கங்­கள் போன்ற இடர்ப்­பா­டு­க­ளுக்கு இடையே, மத்­திய அர­சின் சீர்­தி­ருத்த திட்­டங்­க­ளால், கடந்த இரண்டு ஆண்­டு­க­ளாக, ரியல் எஸ்­டேட் துறை வளர்ச்சி கண்டு வரு­கிறது.

குறிப்­பாக, ரியல் எஸ்­டேட் ஒழுங்­கு­முறை சட்­டம், ரியல் எஸ்­டேட் இன்­வெஸ்ட்­மென்ட் டிரஸ்ட், ‘அனை­வ­ருக்­கும் வீடு’ திட்­டம் போன்­றவை, வீடு வாங்­கு­வோர் மட்­டு­மின்றி, முத­லீட்­டா­ளர்­களின் நம்­பிக்­கை­யை­யும் சம்­பா­தித்­து உள்­ளது. மேலும், பர­வ­லாகி வரும், அலு­வ­லக பகிர்வு முறை, வணிக கட்­டு­மா­னப் பிரி­வின் தேக்­கத்தை குறைத்து வரு­கிறது. இது, ரியல் எஸ்­டேட் துறை­யின், வலு­வான எதிர்­கால வளர்ச்­சிக்கு வழி கோலி­யுள்­ளது.

முன்னேற்றம் :
சர்­வ­தேச ரியல் எஸ்­டேட் தர வரி­சைப் பட்­டி­ய­லில், 2014 முதல், இந்­தியா நிலை­யான முன்­னேற்­றம் கண்டு வரு­கிறது. இது, முத­லீட்­டா­ளர்­க­ளி­டம் நம்­பிக்­கையை விதைத்­துள்­ளது. இதன் கார­ண­மாக, ரியல் எஸ்டேட் துறை­யில், அன்­னிய முத­லீ­டு­கள் அதி­க­ரித்து வரு­கின்றன. இந்­தாண்டு, ஜன., – மார்ச் வரை, ரியல் எஸ்­டேட் துறை­யில் தனி­யார் பங்கு முத­லீடு, 15 சத­வீ­தம் உயர்ந்து, 300 கோடி டாலரை எட்­டி­யுள்­ளது. இது, பெரிய மற்­றும் சிறிய நக­ரங்­கள் வளர்ச்­சி­யால், 2026ல், 10 ஆயி­ரம் கோடி டாலரை தாண்­டும் என, மதிப்­பி­டப்­பட்­டுள்­ளது.

இந்­தாண்டு, இது­வரை, நிதி நிறு­வ­னங்­கள் மேற்­கொண்ட முத­லீடு, 400 கோடி டாலரை தாண்­டி­ உள்­ளது. கடந்த ஐந்து ஆண்­டு­களில் இல்­லாத அள­விற்கு, சரா­சரி ஒப்­பந்த மதிப்பு, 15.70 கோடி டாலரை எட்­டி­யுள்­ளது. இது, 2016ல், 4.70 கோடி டால­ராக இருந்­தது.

அமெரிக்கா :
இந்­திய ரியல் எஸ்­டேட் துறை­யில், இந்­தாண்டு குவிந்த முத­லீ­டு­களில், அன்­னிய முத­லீட்­டா­ளர்­களின் பங்கு, 44 சத­வீ­த­மாக உள்­ளது. குறிப்­பாக, அமெ­ரிக்கா, கனடா, சிங்­கப்­பூர் நாடு­க­ளைச் சேர்ந்­த­வர்­கள் அதிக அள­வில் முத­லீடு செய்­துள்­ள­னர். அன்­னிய முத­லீ­டு­களில், 90 சத­வீ­தத்­திற்­கும் அதி­க­மா­னோர், மும்பை, புனே, பெங்­க­ளுரு, ஐத­ரா­பாத் நக­ரங்­களில், வர்த்­த­கப் பிரி­வில் முத­லீடு செய்­துள்­ள­னர்.

இத்­து­றை­யில், வெளி­நாடு மற்­றும் உள்­நாட்­டி­ன­ரின் சரா­சரி முத­லீடு, முறையே, 14.90 கோடி டாலர் மற்­றும் 8.70 கோடி டால­ராக உள்­ளது. உள்­நாட்டு முத­லீட்­டா­ளர்­கள், வர்த்­த­கம் மற்­றும் குடி­யி­ருப்பு திட்­டங்­களில், முறையே, 95.90 கோடி டாலர் மற்­றும் 87 கோடி டாலர் முத­லீடு செய்­துள்­ள­னர். ரியல் எஸ்­டேட் துறை­யின் இந்த எழுச்சி, வரும் ஆண்­டு­க­ளி­லும் தொட­ரும். இத்­து­றை­யின் சந்தை மதிப்பு, 2025ல் 65 ஆயி­ரம் கோடி டாலர்; 2028ல், 85 ஆயி­ரம் கோடி டால­ராக உய­ரும். இதை­ய­டுத்து, 2030ல், 1 லட்­சம் கோடி டாலர், அதா­வது, 70 லட்­சம் கோடி ரூபா­யாக அதி­க­ரிக்­கும் என, மதிப்­பி­டப்­பட்­டுள்­ளது. இவ்­வாறு அதில் கூறப்­பட்­டுள்­ளது.

மூன்று நக­ரங்­கள் முன்­னிலை :
ரியல் எஸ்­டேட் துறை­யில், இந்­தாண்டு குவிந்த முத­லீ­டு­களில், மும்பை, 53 சத­வீத பங்­க­ளிப்­பு­டன், 200 கோடி டாலரை ஈர்த்து, முத­லி­டத்தை பிடித்­துள்­ளது. ஐத­ரா­பாத், 79.30 கோடி டாலர்; பெங்­க­ளுரு, 69.40 கோடி டால­ரு­டன், அடுத்த இடங்­களை பிடித்­துள்ளன.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 28,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 28,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 28,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 28,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 28,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்