ஈரோடு: தீபாவளி பலகாரம் தயாரிக்க பயன்படும் எண்ணெய், பருப்பு, ஏலக்காய், மிளகு உட்பட பல்வேறு பொருட்கள், 10 சதவீதம் விலை உயர்ந்துள்ளது.தீபாவளிக்கு, 32 நாட்களே உள்ள நிலையில், சில்லரை வியாபாரிகள், தீபாவளி பலகாரங்கள் செய்து விற்பனை செய்வோர், தீபாவளி சீட்டு பிடித்து பலகாரங்கள் வழங்குவோர், தற்போதே மளிகை பொருட்களை வாங்கி வருகின்றனர்.


கடந்தாண்டு தீபாவளியை ஒப்பிடுகையில், நடப்பாண்டில், பல்வேறு காரணங்களால் மளிகை, எண்ணெய் உள்ளிட்ட பொருட்களின் விலை, 10 சதவீதத்துக்கு மேல் உயர்ந்துள்ளது.இது குறித்து, ஈரோடு, கொங்காலம்மன் அனைத்து வியாபாரிகள் சங்க துணைத் தலைவர், விமல் கருப்பணன் கூறியதாவது:பெட்ரோல், டீசல் விலை உயர்வு, வாகன வாடகை உயர்வு, ஜி.எஸ்.டி., அமல், இறக்குமதி அதிகரிப்பு போன்ற காரணத்தால், 10 சதவீதத்துக்கு மேல் மளிகை பொருட்களின் விலை உயர்ந்துள்ளது. சன்பிளவர் ஆயில், பாமாயில், டால்டா போன்றவை, 16 லிட்டர் டின், 150 ரூபாய் வரை உயர்ந்துள்ளது. மொத்த விலையில் கிலோவுக்கு, 10 ரூபாய், சில்லரை விலையில், 12 ரூபாய்க்கு மேல் உயர்ந்துள்ளது.பட்டாணி, கறுப்பு மற்றும் வெள்ளை சுண்டல், பொட்டுக்கடலை, துவரம் பருப்பு போன்றவை, கடந்த மாதத்தை ஒப்பிடுகையில், 5 முதல், 10 ரூபாய் வரை உயர்ந்துள்ளது.கேரளாவில் அதிகளவில் மழை பெய்ததுடன், நிலச்சரிவு ஏற்பட்டதால் ஏலக்காய், மிளகு வரத்து குறைந்தது. இதனால், ஏலக்காய் கிலோவுக்கு, 300 ரூபாய் உயர்ந்துள்ளது. மிளகு, 500 ரூபாயில் இருந்து, 650 ரூபாயாக உயர்ந்துள்ளது.டீசல் விலை உயர்வு, லாரி வாடகை உயர்வால், கடலை மாவு, கடலை பருப்பு, கறுப்பு மற்றும் வெள்ளை சுண்டல், சோள மாவு, பொட்டுக்கடலை, எள் போன்றவற்றின் விலை, 10 சதவீதம் வரை உயர்ந்துள்ளது. தீபாவளி நெருங்கும் நிலையில், மேலும் உயர வாய்ப்புள்ளது.இவ்வாறு அவர் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 04,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 04,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 04,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 04,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 04,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்