புதுடில்லி, அக். 11–ஆன்லைன் வர்த்தக நிறுவனங்களான, ‘அமேசான் இந்தியா, பிளிப்கார்ட், பேடிஎம் மால்‘ போன்ற நிறுவனங்கள், அடுத்த சில தினங்களுக்குள்ளாக, 100 கோடி அமெரிக்க டாலர் மதிப்பிலான ஸ்மார்ட் போன்களை விற்பனை செய்துவிடும் என, கணிக்கப்பட்டுள்ளது.


தள்ளுபடி விலை, உபயோகப்படுத்திய போன்களை வாங்கிகொள்வது உள்ளிட்ட அறிவிப்பால், இந்த அளவுக்கு விற்பனை அதிகரிக்கும் என தெரிய வந்துள்ளது.இது குறித்து, கவுன்டர்பாயின்ட் நிறுவனத்தின் அறிக்கையில் கூறப்பட்டு உள்ளதாவது:


ஸ்மார்ட் போன்களின் விற்பனையில், 42 சதவீதம் அளவுக்கு, ஆன்லைன் மூலமாக விற்பனை ஆவதாக ஆய்வில் தெரியவந்துள்ளது. நேற்று துவங்கி, 15ம் தேதி வரையிலான ஆறு நாட்கள் விற்பனைக்கு, வாடிக்கையாளர்களிடம் எதிர்பார்ப்பு அதிகரித்துள்ளது.ஆன்லைன் மூலமான விற்பனைக்கு, வாடிக்கையாளர்களிடம் நல்ல வரவேற்பு காணப்படுகிறது.


அமெரிக்காவின் கறுப்பு வெள்ளி, சீனாவின் சிங்கிள்ஸ் டே விற்பனைகளோடு ஒப்பிடும்போது, இந்தியா விரைவில் அந்த நிலையை எட்டிவிடும் என தெரிகிறது.இந்த ஆறு நாட்கள் விற்பனை, 100 கோடி அமெரிக்க டாலர் மதிப்புக்கு அதாவது, இந்திய ரூபாய் மதிப்பில், 7,400 கோடி ரூபாய் என்ற அளவுக்கு இருக்கும்.இத்தகைய விற்பனைக்கு மிக முக்கிய காரணம், பல்வேறு விலைகளில், புதிய புதிய போன்கள் தயாரிக்கப்பட்டு, சந்தைக்கு வருவது தான்.இவ்வாறு அந்த அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 10,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 10,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 10,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 10,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 10,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்