பதிவு செய்த நாள்
26 அக்2018
04:18
புதுடில்லி : நாட்டில், கார் உற்பத்தி மற்றும் விற்பனையில், முன்னணியில் உள்ள, மாருதி சுசூகி இந்தியா நிறுவனத்தின் நிகர லாபம், இரண்டாவது காலாண்டில், 9.8 சதவீதம் குறைந்துள்ளது.
இது குறித்து, மாருதி சுசூகி இந்தியா நிறுவனம் வெளியிட்டுள்ள அறிக்கையில் கூறப்பட்டு உள்ளதாவது:நடப்பு, 2018 – 19ம் நிதியாண்டின், ஜூலை – செப்., வரையிலான, இரண்டாவது காலாண்டில், நிறுவனத்தின் நிகர லாபம், 9.8 சதவீதம் குறைந்து, 2,240.4 கோடி ரூபாயாக உள்ளது. இது, கடந்த ஆண்டு இதே காலத்தில், 2,484.3 கோடி ரூபாயாக இருந்தது.
எனினும், நிறுவனத்தின் நிகர விற்பனை, 21 ஆயிரத்து, 438.1 கோடி ரூபாயில் இருந்து, 21 ஆயிரத்து, 551.9 கோடி ரூபாயாக அதிகரித்து உள்ளது. அதே சமயம், மதிப்பீட்டு காலாண்டில், வாகன விற்பனை, 1.5 சதவீதம் குறைந்து, 4.85 லட்சமாக சரிவடைந்து உள்ளது.இவ்வாறு, அதில் தெரிவிக்கப்பட்டு உள்ளது.
காலாண்டு அறிக்கையில் லாபம் சரிந்ததை அடுத்து, மாருதி சுசூகி இந்தியாவின் பங்குகளின் விலை, தேசிய பங்கு சந்தையில் நேற்று, 0.64 சதவீதம் குறைந்து, 6,725 ரூபாய்க்கு வர்த்தகமானது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|