பதிவு செய்த நாள்
01 நவ2018
05:27
புதுடில்லி : கடந்த செப்டம்பரில், முக்கிய எட்டு துறைகளின் வளர்ச்சி, 4.3 சதவீதமாக சரிவடைந்துள்ளது. இது, கடந்த ஆண்டு,இதே மாதத்தில், 4.7 சதவீதமாக இருந்தது.
கச்சா எண்ணெய், இயற்கை எரிவாயு ஆகியவற்றின் உற்பத்தி வளர்ச்சி, முறையே, 4.2 சதவீதம் மற்றும் 1.8 சதவீதமாக குறைந்துள்ளது. இதன் காரணமாக, நான்கு மாதங்களில் இல்லாத அளவிற்கு, எட்டு துறைகளின் வளர்ச்சி குறைந்துள்ளது. கடந்த மே மாதம், இத்துறையின் வளர்ச்சி, 4.1 சதவீதமாக இருந்தது.உரம், சிமென்ட், மின்சாரம் ஆகிய துறைகளின் உற்பத்தி, முறையே, 2.5 சதவீதம், 11.8 சதவீதம் மற்றும் 8.2 சதவீதமாக உயர்ந்துள்ளது.
அதேசமயம், நிலக்கரி, சுத்திகரிப்பு பொருட்கள், உருக்கு ஆகிய துறைகளின் உற்பத்தி வளர்ச்சி, முறையே, 6.4 சதவீதம், 2.5 சதவீதம் மற்றும் 3.2 சதவீதமாக குறைந்து உள்ளது. நடப்பு, 2018 -– 19ம் நிதியாண்டில், ஏப்., – செப்., வரையிலான ஆறு மாதங்களில், முக்கிய எட்டு துறைகளின் உற்பத்தி வளர்ச்சி, 5.5 சதவீதமாக உயர்ந்துள்ளது. இது, கடந்த நிதியாண்டின், இதே காலத்தில், 3.2 சதவீதமாக இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|