இந்­திய பங்­குச் சந்­தை­கள், கடந்த வாரம், தொடர்ந்து, இரண்­டா­வது வார­மாக உயர்ந்து வர்த்­த­கம் ஆகின. தேசிய பங்­குச் சந்தை குறி­யீட்டு எண் நிப்டி, 6.3 சத­வீ­தம், உயர்ந்து, கடந்த வார வர்த்­தக முடி­வற்­றது.

கடந்த வாரம், புதிய சாம்­வாட் ஆண்டு, 2075 துவ­கி­யது. சாம்­வாட், 2074 ஆண்­டில், நிப்டி, 4 சத­வீ­த­மும் சென்­செக்ஸ், 7 சத­வீ­த­மும் அதி­க­ரித்­தி­ருந்­தது.தொழில்­நுட்­பத் துறை பங்­கான இன்­போ­சிஸ், 2.4 சத­வீ­த­மும், டாடா கன்­சல்­டன்சி நிறு­வ­னம், 1.7 சத­வீ­த­மும், கச்சா எண்­ணெய் சுத்­தி­க­ரிப்பு நிறு­வ­ன­மான ரிலை­யன்ஸ் இண்­டஸ்ட்­ரீஸ், 1.6 சத­வீ­த­மும் சரிந்­தது குறிப்­பி­டத்­தக்­கது.

ஆசிய பங்­குச் சந்­தை­கள் கடந்த வெள்­ளி­யன்று சிறி­த­ளவு சரிந்து, வர்த்­த­கம் ஆனது. அமெ­ரிக்க மத்­திய வங்­கி­யின் வட்டி விகி­தக் கூட்­டத்­தின் முடி­வில், வட்டி விகி­தம் உயர்த்­தப்­ப­ட­வில்லை. இருப்­பி­னும், டிசம்­பர் மாதம் நடை­பெற உள்ள அடுத்த கூட்­டத்­தில், வட்டி விகி­தம் உயர்த்­தப்­ப­ட­லாம் என்ற கருத்து நில­வு­கிறது.


கச்சா எண்­ணெய் விலை, கடந்த வாரம், ஒரு பேரல், 60 அமெ­ரிக்க டால­ருக்கு கீழே வர்த்­த­கம் ஆனது. இது எண்­ணெய் இறக்­கு­மதி நாடு­க­ளுக்கு ஏற்­பட்­டுள்ள இறக்­கு­மதி சுமையை குறைக்க உத­வி­யது. மேலும், நம் நாட்­டின் நடப்பு கணக்கு பற்­றாக்­குறை சிறி­த­ளவு முன்­னேற்­றம் காணப்­படும் என்ற கருத்­தி­லும் பங்­குச் சந்­தை­கள் வலுப்­பெற்­றன.

அடுத்து நடை­பெற உள்ள, ஐந்து மாநி­லத் தேர்­தல்­கள் மற்­றும் தேர்­தல் முடி­வு­க­ளைப் பொறுத்­தும், சந்­தை­யின் போக்கு அமை­யும்.இந்த வாரத்தை பொறுத்­த­வரை, பொரு­ளா­தார கார­ணி­கள் சில வெளி­வர உள்­ளன. முத­லில், அக்­டோ­பர் மாதத்­திற்­கான நுகர்­வோர் பண­வீக்க விகி­தம் மற்­றும் செப்­டம்­பர் மாதத்­திற்­கான தொழில் துறை வளர்ச்சி விகி­தம் போன்­றவை வெளி­வர உள்­ளன. மேலும், அக்­டோ­பர் மாதத்­திற்­கான, மொத்த விலை பண­வீக்க விகி­தம், வரும் புதன் அன்று வெளி­வர உள்­ளது. இதன் முடி­வு­களும் சந்­தை­யில் ஏற்­றத்­தாழ்­வு­களை ஏற்­ப­டுத்­தும்.

கடந்த வாரம், வெளி­நாட்டு முத­லீட்­டா­ளர்­கள், இந்­திய பங்கு சந்­தை­யில், 157.8 கோடி மதிப்­பி­லான பங்­கு­களை கொள்­மு­தல் செய்­த­தும், உள்­நாட்டு முத­லீட்­டா­ளர்­கள், 813.42 கோடி ரூபாய் மதிப்­பி­லான பங்­கு­களை கொள்­மு­தல் செய்­த­தும் குறிப்­பி­டத்­தக்­கது.இந்த வாரத்தை பொறுத்­த­வரை, நிப்டி ரெசிஸ்­டென்ஸ் 10,660 மற்­றும் 10,710 ஆகும். சப்­போர்ட் 10,430 ஆகும்.
முருகேஷ் குமார்

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 12,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 12,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 12,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 12,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 12,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்