புதுடில்லி:கடந்த அக்டோபரில், நாட்டின் மொத்த விலை பணவீக்கம், நான்கு மாதங்களில் இல்லாத அளவிற்கு, 5.28 சதவீதமாக உயர்ந்துள்ளது.


இது, செப்டம்பரில், 5.13 சதவீதமாக இருந்தது. இதற்கு முன், ஜூலையில், மொத்த விலை பணவீக்கம், 5.27 சதவீதம் என்ற அளவில், அதிகமாக இருந்தது.கடந்த, 2017, அக்டோபரில், மொத்த விலை பணவீக்கம், 3.68 சதவீதமாக குறைந்து காணப்பட்டது.பெட்ரோல்உணவுப் பொருட்கள் விலை குறைந்திருந்த போதிலும், பெட்ரோல், டீசல் விலை அதிகரித்திருந்த காரணத்தால், மொத்த விலை பணவீக்கம் உயர்ந்துள்ளது.


மதிப்பீட்டு மாதத்தில், உணவுப் பொருட்கள், 1.49 சதவீதம் என்ற அளவில், பணவாட்டத்தை கண்டுள்ளன. இது, செப்டம்பரில், 0.21 சதவீதமாக இருந்தது.இதே காலத்தில், காய்கறிகள் பணவாட்டம், 3.83 சதவீதத்தில் இருந்து, 18.65 சதவீதமாக அதிகரித்துள்ளது.எரிபொருள் மற்றும் மின் துறைகளின் பணவீக்கம், 16.65 சதவீதத்தில் இருந்து, 18.44 சதவீதமாக ஏற்றம் கண்டு உள்ளது.


இதில், பெட்ரோல், டீசல், சமையல் எரிவாயு விலை, முறையே, 19.85 சதவீதம், 23.91 சதவீதம் மற்றும் 31.39 சதவீதமாக அதிகரித்துள்ளது.உணவுப் பொருட்களில், உருளைக்கிழங்கின் பணவீக்கம், 93.65 சதவீதமாக உயர்ந்துள்ளது. அதேசமயம், வெங்காயம், பருப்பு வகைகள் ஆகியவை, முறையே, 31.69 சதவீதம் மற்றும் 13.92 சதவீத பணவாட்டம் கண்டுள்ளன.


அக்டோபரில், சில்லரை விலை பணவீக்கம், ஓராண்டு காணாத வகையில், 3.31 சதவீதமாக குறைந்திருந்தது குறிப்பிடத்தக்கது.ரிசர்வ் வங்கி, சில்லரை விலை அடிப்படையில், நிதிக் கொள்கையை உருவாக்குகிறது.நடப்பு 2018 – -19ம் நிதியாண்டில், அக்., – மார்ச் வரையிலான இரண்டாவது அரையாண்டில், சில்லரை பணவீக்கம், 3.9 – 4.5 சதவீதமாக இருக்கும் என, ரிசர்வ் வங்கி தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 14,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 14,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 14,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 14,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 14,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்