பதிவு செய்த நாள்
19 நவ2018
06:48
இந்திய பங்குச் சந்தைகள், தொடர்ந்து, மூன்றாவது வாரமாக உயர்ந்து வர்த்தகமாகி வருகின்றன. சர்வதேச சந்தையில், கச்சா எண்ணெய் விலை, கடந்த சில வாரங்களாக சரிந்து வந்தது. இதனால், எண்ணெய் சுத்திகரிப்பு நிறுவன பங்குகள் விலை உயர்ந்தது. மேலும், வங்கிப் பங்குகளும் உயர்ந்ததன் காரணமாக, பங்குச் சந்தை உயர்ந்து வர்த்தகமாகி வருகிறது.
கச்சா எண்ணெய் விலை குறைவால், நாட்டின் இறக்குமதி சுமை குறையும்; நடப்புக் கணக்கு பற்றாக்குறையும் குறையும் என்ற எதிர்பார்ப்பிலும், பொருளாதார வளர்ச்சிக்கு இது சாதகமாக இருக்கும் என்ற கணிப்பிலும், பங்குச் சந்தைகள் வலுப்பெற்றன. எண்ணெய் நிறுவன பங்கான, ரிலையன்ஸ் இண்டஸ்ட்ரீஸ் மற்றும் தனியார் வங்கித்துறை பங்கான, எச்.டி.எப்.சி., பேங்க், ஹவுசிங் டெவலப்மென்ட் பைனான்ஸ் கார்ப்பரேஷன், பார்தி ஏர்டெல் மற்றும் ஜெட் ஏர்வேஸ் போன்ற பங்குகள் விலை உயர்ந்து காணப்பட்டன.
தொழில்நுட்பத் துறையைச் சேர்ந்த இன்போசிஸ் நிறுவனத்தின் பங்கு, அந்நிர்வாகத்தில் ஏற்பட்ட மாற்றம் காரணமாக, விலை குறைந்து வர்த்தகமாகி வருகிறது. டாலருக்கு நிகரான இந்திய ரூபாயின் மதிப்பு, சில நாட்களாக வலுப்பெற்று வருகிறது. இம்மாதம் ஆரம்பத்தில், அமெரிக்க டாலர், 74 ரூபாய்க்கு மேல் வர்த்தகம் ஆகிவந்த நிலையில், தற்போது, 71.50 என்ற நிலைக்கு உயர்ந்தது. இதுவும் பங்குச் சந்தைகளுக்கு சாதகமாக அமைந்தது. மேலும், இந்திய சேவைத் துறையின் வளர்ச்சி விகிதம், சந்தையின் வளர்ச்சிக்கு ஒரு காரணமாக அமைந்தது. சேவை துறையின் வளர்ச்சி, 2016 அக்டோபர் மாதத்தை விட உயர்ந்து காணப்பட்டது குறிப்பிடத்தக்கது.
அடுத்த ஆண்டு லோக்சபா தேர்தலை எதிர்நோக்கி உள்ள நிலையில், அரசின் திட்டங்கள் மற்றும் இதுவரை செய்த சாதனைகள் குறித்த விளக்கங்களும், பலதரப்பட்ட கருத்துக்கணிப்புகளும் வரும். மேலும், வரவிருக்கும், ஐந்து மாநிலத் தேர்தல்கள் மற்றும் அதன் முடிவுகள், 2019ல் நடைபெற உள்ள லோக்சபா தேர்தலுக்கு வழிவகுக்கும் என்பதால், அது குறித்து, மிகுந்த எதிர்பார்ப்பு நிலவுகிறது. தேர்தல்கள் குறித்து, ஆளுங்கட்சிக்கு சாதகமாகவும் பாதகமாகவும், பல்வேறு கருத்துக்கணிப்புகள் வரும் சூழலில், சந்தையில் அது குறிப்பிட்ட தாக்கத்தை நிச்சயம் ஏற்படுத்தும் என்பதில் சந்தேகமில்லை. இந்த வாரத்தைப் பொறுத்தவரை, நிப்டி ரெசிஸ்டென்ஸ், 10,750 மற்றும் 10,810 ஆகும். சப்போர்ட் 10,565 ஆகும்.
கவனிக்க வேண்டிய பங்குகள் :பயோகான் கே.எஸ்.சி.எல்., பி.என்.பி.,விகார்டு கோத்ரெஜ் புராப்பர்ட்டீஸ்
–முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|