பதிவு செய்த நாள்
02 டிச2018
23:35
உங்கள் நிதி இலக்குகள் குறுகிய கால தன்மை கொண்டவையோ அல்லது
நீண்ட கால தன்மை கொண்டவையோ அவற்றை அடைய நீங்கள் முதலீட்டை தொடர்வது
முக்கியம். அதே போல, முதலீட்டு வாய்ப்புகள் நிதி இலக்குகளுக்கு
பொருத்தமானதாகவும் இருக்க வேண்டும். உங்கள் நிதி இலக்குகளுக்கு ஏற்ப முதலீடுகள் அமைவதற்கான வழிகள்:
இலக்குகளை எழுதுங்கள்
உங்கள் நிதி இலக்குகள் குறிப்பிட்ட தன்மை கொண்டவையாக, நிறைவேற்றக் கூடியவையாக இருக்க வேண்டும். இது சரியான முதலீட்டு வாய்ப்பை தேர்வு செய்ய உதவும். நீங்கள் முக்கியமாக கருதும் விஷயங்களை குறித்து வையுங்கள். இந்த பட்டியல் உங்கள் நிதி இலக்குகளை தேர்வு செய்ய உதவும்.
முதலீட்டு காலம்
நிதி இலக்குகள் அவற்றுக்கேற்ற காலத்தை கொண்டிருக்க வேண்டும். பொதுவாக இலக்குகளை, குறுகிய காலம், மத்திய காலம் மற்றும் நீண்ட காலம் என பிரித்து, அதற்கேற்ற முதலீடுகளை நாடுவது நல்லது. நீண்ட கால இலக்குகள் எனில், சமபங்கு சார்ந்த நிதிகள், அல்லது
மியூச்சுவல் பண்ட்கள் ஏற்றவை.
‘ரிஸ்க்’ தன்மை
முதலீடுகளை
தீர்மானிக்கும் முன் உங்கள், ‘ரிஸ்க்’ தன்மை குறித்தும்
அறிந்திருக்க வேண்டும். முதலீடு தொடர்பான ஏற்ற இறக்கத்தை தாங்கி
கொள்ளக்கூடிய தன்மையாக இது அமைகிறது. உங்கள் ரிஸ்க் தன்மைக்கேற்ற முதலீட்டு வாய்ப்புகளை தேர்வு செய்வது
பொருத்தமாக அமையும்.
இலக்குகளில் கவனம்
முதலீடுகள்
இலக்குகளுக்கு ஏற்றதாக இருக்க வேண்டும். பிள்ளைகளின் உயர் கல்வி
அல்லது ஓய்வு காலத்திற்கான முதலீடு எனில், அவை நீண்ட கால இலக்குகள். சமபங்கு சார்ந்த முதலீடுகள் ஏற்றதாக இருக்கும். குறுகிய கால முதலீடு எனில், வைப்பு நிதி அல்லது
லிக்விட் பண்டை நாடலாம்.
அடிக்கடி ஆய்வு
இலக்குகளுக்கு ஏற்ப முதலீடு செய்த பின், அவற்றின் செயல்பாடு குறித்து அவ்வப்போது ஆய்வு செய்வது அவசியம். முதலீடுகளின் பலன் எதிர்பார்த்தபடி இருக்கிறதா என்பதையும், அவற்றில் மாற்றம் தேவையா என்பதை தீர்மானிக்கவும் இந்த ஆய்வு உதவும். இவற்றின் மூலம் திட்டமிட்டபடி இலக்குகளை எளிதாக அடையலாம்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|