கச்சா எண்ணெய்

கச்சா எண்­ணெய் விலை, பல வாரங்­க­ளுக்­குப் பின், கடந்த வாரம் சிறி­த­ளவு உயர்ந்து, வர்த்­த­க­மாகி முடி­வுற்­றது.கடந்த ஆண்­டின் இறு­தி­யில், முத­லீட்­டா­ளர்­கள் தங்­க­ளு­டைய ஒப்­பந்­தங்­களை முடி­வுக்கு கொண்டு வந்­த­தன் கார­ண­மா­க­வும், கச்சா எண்­ணெய் விலை பேர­லுக்கு, 5 அமெ­ரிக்க டாலர்­கள் உயர்ந்து, வர்த்­த­கம் முடி­வுற்­றது.


அக்­டோ­பர் முதல் டிசம்­பர் வரை­யி­லான கால­கட்­டத்­தில், ஒரு பேர­லுக்கு, 32 அமெ­ரிக்க டாலர் விலை சரிவு ஏற்­பட்­டது குறிப்­பி­டத்­தக்­கது. 2014 மற்­றும் 2016ம் ஆண்­டி­லும் இதே போல நிகழ்வு ஏற்­பட்­டி­ருந்­தது. அதன்பின், ஜன­வரி முதல் மார்ச் வரை­யி­லான காலாண்­டில் சிறி­த­ளவு விலை ஏற்­றம் கண்­ட­தும் குறிப்­பி­டத்­தக்­கது.


விலை சரி­வி­னால், எண்­ணெய் உற்­பத்தி நாடு­கள், பெரிய அள­வில் பொரு­ளா­தார சரிவை சந்­தித்து வரு­கின்­றன. இதன் கார­ண­மாக, கடந்த டிசம்­பர் மாதம் நடை­பெற்ற கூட்­டத்­தில், தின­சரி எண்­ணெய் உற்­பத்­தியை, 12 லட்­சம் பேரல்­கள் குறைப்­பது என, முடி­வெ­டுத்­த­னர். இதை ஜன­வரி முதல் ஜூன் வரை­யான கால கட்­டங்­களில் அமல்­ப­டுத்த இருப்­ப­தா­க­வும் தெரி­வித்­த­னர்.


உல­கில் இரண்­டா­வது மிகப்­பெ­ரிய எண்­ணெய் உற்­பத்தி நாடாக, சவுதி அரே­பியா உள்­ளது. இந்­நாடு கடந்த மாதத்­தில், அதன் ஏற்­று­ம­தியை பெரு­ம­ளவு குறைத்­துள்­ளது. இதன் கார­ண­மாக, மொத்த வளை­குடா நாடு­க­ளின் ஏற்­று­மதி, 5 லட்­சத்து, 30 ஆயி­ரம் பேரல்­கள் குறைந்­தது. தின­சரி மொத்த ஏற்­று­மதி, 3.26 கோடி பேரல்­கள் ஆகும்.


கடந்த வெள்­ளி­யன்று, கச்சா எண்­ணெய் விலை, 2 சத­வீ­தம் உயர்ந்­தது. அமெ­ரிக்கா மற்­றும் சீனா ஆகிய நாடு­க­ளுக்கு இடை­யே­யான பேச்­சில் சுமு­கம் ஏற்­படும் என்­றும், நிலவி வந்த வர்த்­தக மோதல் போக்கு சீர­டை­யும் என்­றும் எதிர்­பார்க்­கப்­பட்­டது.இருப்­பி­னும், அமெ­ரிக்­கா­வில் எண்­ணெய் இருப்பு அதி­க­ரித்து வரு­வ­தால், விலை­யேற்­றம் கட்­டுக்­குள் கொண்­டு­வ­ரப்­பட்­டது.


தங்கம் வெள்ளி


சர்­வ­தேச சந்­தை­யில், தங்­கம் மற்­றும் வெள்ளி விலை, கடந்த மூன்று மாதங்­க­ளாக, தொடர்ந்து உயர்ந்து வந்­தது. இதில் டிசம்­பர் மாதம் மட்­டும், 1 அவுன்ஸ் தங்­கம், 60 அமெ­ரிக்க டாலர் வரை உயர்ந்து வர்த்­த­க­மா­னது குறிப்­பி­டத்­தக்­கது.


கடந்த வாரம் சந்­தை­யில், புத்­தாண்டு தினக் கொண்­டாட்­டங்­கள் கார­ண­மாக, ஆரம்ப கட்­டங்­களில் வியா­பா­ரம் பெரிய அள­வில் நடக்­க­வில்லை.வார இறு­தி­யில், அமெ­ரிக்­கா­வில், புதி­தாக
விவ­சா­யம் சார்ந்த தொழில் துறை­களில் வேலைக்கு நிய­மிக்­கப்­பட்டோர் எண்­ணிக்கை விபரம் வெளி­வந்­தது. இது எதிர்­பார்த்­ததை விட அதி­க­மாக இருந்­தது. இத­னால், அமெ­ரிக்க டாலர் இண்­டெக்ஸ் வலு­வ­டைந்­தது.


அமெ­ரிக்க டாலர் இண்­டெக்ஸ் வலு­வ­டைந்­த­தன் கார­ண­மாக, தங்­கம் மற்­றும் வெள்ளி விலை கடந்த வெள்­ளி­யன்று, ஆறு மாத உச்­சத்­தி­லி­ருந்து சரிந்­தது. இதை­ய­டுத்து, அந்த வாரத்­தின் வர்த்­த­கம் சரி­வு­டன் முடி­வுற்­றது.கடந்த வாரம், அமெ­ரிக்க மத்­திய வங்­கி­யின் தலை­வர் பேசு­கை­யில், ‘வரும் ஆண்­டு­களில் வட்டி விகி­தம் குறித்த முடி­வு­கள், நன்கு ஆலோ­சித்த பின் எடுக்­கப்­படும்’ என, தெரி­வித்­தி­ருந்­தார். வட்டி விகி­தம் குறித்த மாற்­றங்­கள், சந்­தை­யில் அதிக அள­வி­லான தாக்­கத்தை ஏற்­ப­டுத்­தும்.


நடப்பு நிதி­யாண்­டின், முதல் காலாண்­டான, ஏப்­ரல் முதல் ஜூன் வரை­யி­லான கால­கட்­டத்­தில், ஜப்­பான் நாட்­டின் பொரு­ளா­தார வளர்ச்சி, முந்­தைய ஆண்­டைக் காட்­டி­லும், 1.9 சத­வீ­தம் உயர்ந்­தது. இதன் கார­ண­மாக, அந்­நாட்­டின் நாண­ய­மான, ‘யென்’ மதிப்பு, அமெ­ரிக்க நாண­யத்­திற்கு எதி­ராக அதி­க­ரித்­தது. இதன் விளை­வாக, அமெ­ரிக்க நாண­யத்­தில் ஏற்­பட்ட வீழ்ச்சி, கடந்த வாரம், தங்­கம் மற்­றும் வெள்ளி விலை சிறி­த­ளவு அதி­க­ரிக்க கார­ண­மா­னது.


ஆசிய மற்­றும் அமெ­ரிக்க சந்­தை­கள், கடந்த வெள்­ளி­யன்று சரி­வில் வர்த்­த­கம் ஆகின. தொடர்ந்து நடை­பெற்­றுக் கொண்­டி­ருக்­கும் பொரு­ளா­தார மாற்­றம், உலக வர்த்­தக மோதல், அமெ­ரிக்க அரசு கொண்டு வந்த பொரு­ளா­தார தடை போன்ற கார­ணங்­க­ளால், சர்­வ­தேச பங்­குச் சந்­தை­கள் சரிவை சந்­தித்­தன. இது­வும் தங்­கம், வெள்ளி விலை அதி­க­ரிக்க கார­ண­மா­னது.
கடந்த வாரம், உள்­நாட்டு ஆப­ரண சந்­தை­யில், தங்­கக் கட்­டி­கள் விற்­ப­னை­யில், அதற்கு முந்­தைய ஆறு வாரங்­க­ளைக் காட்­டி­லும் சிறி­த­ளவு தொய்வு ஏற்­பட்­டது. 1 முதல், 2 அமெ­ரிக்க டாலர் தள்­ளு­படி விலை­யில் தங்­கம் விற்­பனை ஆகிறது.


செம்பு


செம்பு விலை, இந்த ஆண்டு ஆரம்­பம் முதல் தற்­போது வரை, 8 சத­வீ­தம் அள­வுக்கு சர்­வ­தேச சந்­தை­யில் விலை சரிவு நிகழ்ந்­துள்­ளது. பொது­வா­கவே பொரு­ளா­தார கார­ணி­க­ளின் மாற்­றம், செம்பு விலையை பாதிக்­கும். பொரு­ளா­தா­ரம் உய­ரும்­போது செம்பு விலை உயர்­வ­தும், பொரு­ளா­தா­ரம் வீழ்ச்சி அடை­யும்­போது சரி­வ­து­மாக ஒரு­மித்த போக்கு காணப்­படும். 2015ம் ஆண்­டுக்­குப் பின், முதன்­மு­றை­யாக, இந்த ஆண்டு செம்பு விலை சரிந்து வரு­வது குறிப்­பி­டத்­தக்­கது.


உலக அள­வில் செம்பு நுகர்­வில், சீனா முத­லி­டம் வகிக்­கிறது. ஐரோப்­பிய ஒன்­றிய நாடு­களில் இருந்து இறக்­கு­மதி செய்­யப்­படும் கார்­க­ளுக்கு, அமெ­ரிக்கா அதி­கப்­ப­டி­யான வரி விதிக்­கும் என, அறி­வித்து இருந்­தது. பின்­னர் ஏற்­பட்ட பேச்­சில், இதை விலக்­கிக் கொள்­ளும் வகை­யி­லான போக்கு ஏற்­பட்­டது. இத­னால் நிலவி வரும் சூழ­லில், செம்பு விலை ஏற்­றம் கண்­டது.
இருப்­பி­னும், லண்­டன் பொருள் வர்த்­தக சந்­தை­யில், செம்பு இருப்பு அதி­க­ரித்து வரு­வது, இதன் விலை ஏற்­றத்தை கட்­டுப்­ப­டுத்­தும் என, எதிர்­பார்க்­கப்­ப­டு­கிறது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 06,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 06,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 06,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 06,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 06,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்