புதுடில்லி:ஜனவரி மாதத்தில், பயணியர் வாகனங்களின் சில்லரை விற்பனை, 33.97 சதவீதம் அதிகரித்து, மொத்தம், 2 லட்சத்து, 71 ஆயிரத்து, 395 வாகனங்கள் விற்பனை ஆகியுள்ளதாக, வாகன முகவர்கள் கூட்டமைப்பான, எப்.ஏ.டி.ஏ., தெரிவித்துள்ளது.


இது குறித்து, இந்த கூட்டமைப்பின் அறிக்கையில் மேலும் கூறப்பட்டுள்ளதாவது:ஜனவரி மாதத்தில் விற்பனை அதிகரித்ததற்கு முக்கிய காரணம், வாகன தயாரிப்பு நிறுவனங்கள், ஆண்டு இறுதி சலுகைகளை, ஜனவரி மாதத்துக்கும் தொடர்ந்தது ஆகும். மேலும், புதிய வாகன அறிமுகங்களும் விற்பனை அதிகரிப்புக்கு உதவிகரமாக இருந்தது.


இருசக்கர வாகனங்கள் பிரிவில், ஜனவரி மாதத்தில், 11 லட்சத்து 89 ஆயிரத்து 679 வாகனங்கள் விற்பனை ஆகியுள்ளன. இதுவே, டிசம்பர் மாதத்தில், 11 லட்சத்து 41ஆயிரத்து 209 ஆக இருந்தது. ஜனவரி மாதத்தில் விற்பனை, 4.25 சதவீதம் அதிகரித்துள்ளது.


வர்த்தக வாகனங்களை பொறுத்தவரை, விற்பனையில் பெரிய மாற்றம் இன்றி மந்தமாகவே இருந்தது. ஜனவரி மாதத்தில், 53 ஆயிரத்து 732 வாகனங்கள் விற்பனை செய்யப்பட்டுள்ளன. இதுவே, டிசம்பர் மாதத்தில், 53 ஆயிரத்து 712 ஆக இருந்தது.மூன்று சக்கர வாகனங்கள் விற்பனை, ஜனவரியில், 11.86 சதவீதம் அதிகரித்துள்ளது.


ஜனவரியில் மொத்தம், 50 ஆயிரத்து 344 வாகனங்கள் விற்பனை செய்யப்பட்டுள்ளன. இதுவே, டிசம்பரில், 45 ஆயிரத்து 8 ஆக இருந்தது.மொத்த வாகனங்களின் விற்பனையை பொறுத்த வரை, ஜனவரி மாதத்தில், 8.5 சதவீதம் அதிகரித்து, 15 லட்சத்து 65 ஆயிரத்து 150 வாகனங்கள் விற்பனை செய்யப்பட்டுள்ளன.


டிசம்பர் மாதத்தில், மொத்தம், 14 லட்சத்து 42 ஆயிரத்து, 514 வாகனங்கள் விற்பனை செய்யப் பட்டுள்ளன.அடுத்து வரும் மாதங்களை பொறுத்தவரை, இடைக்கால பட்ஜெட் காரணமாக, வாகனங்களுக்கான தேவை அதிகரிக்கும் என எதிர்பார்க்கப்படுகிறது. குறிப்பாக இரு சக்கர வாகனங்கள் விற்பனை அதிகரிக்கும் என கருதப்படுகிறது.இவ்வாறு அந்த அறிக்கையில் கூறப்பட்டுள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 08,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 08,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 08,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 08,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 08,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்