புதுடில்லி : வீடுகளுக்கு தேவையான காற்றை சுத்தம் செய்து தரும், ‘ஏர் பியூரிபையர்’ சாதனங்களுக்கான சந்தை, இந்தியாவில், 2023ம் ஆண்டில், 277 கோடி ரூபாய் சந்தையாக உயரும் என, ஆய்வறிக்கை ஒன்று தெரிவித்துள்ளது.

அசோசெம்-டெக்சயி ஆகியவற்றின் கூட்டு ஆய்வறிக்கையில் கூறப்பட்டுள்ளதாவது: இந்தியாவில், ஏர் பியூரிபையர் சாதனங்களுக்கான சந்தை, 100 கோடி ரூபாய் என்ற தற்போதைய நிலையிலிருந்து, 276.83 கோடி ரூபாய் சந்தையாக, 2023ம் ஆண்டில் வளர்ச்சி அடையும்.மேலும், கூட்டு ஆண்டு வளர்ச்சி விகிதம், 29 சதவீதமாக அதிகரிக்கும்.

தொழில்நுட்ப வளர்ச்சி, தீவிரமான சந்தை வியூகங்கள், காற்று மாசு காரணமாக ஏற்படும் உடல்நல குறைபாடுகள், ஆரோக்கியமான வாழ்க்கை சூழலை ஏற்படுத்திக் கொள்ள விரும்பும் மனோநிலை ஆகியவை, ஏர் பியூரிபையரின் விற்பனையை அதிகரிக்க வழிவகுக்கும்.

கடந்த, 2017ல், இந்தியாவின் மொத்த ஏர் பியூரிபையரின் சந்தை வருமானத்தில், 22 சதவீதம், வீடுகளுக்கான பிரிவிலிருந்து கிடைத்து உள்ளது. டில்லி உள்ளிட்ட இந்தியாவின் வட பகுதிகளில், காற்று மாசு அதிகரித்து வருவதால், அங்கு ஏர் பியூரிபையருக்கான சந்தை வளர்ந்து வருகிறது.

தொழிற்சாலைக்கு தேவைப்படும் காற்று மாசு வடிகட்டிகளுக்கான சந்தை, 2017ல், 2,082 கோடி ரூபாயாக இருந்தது, 2,788 கோடி ரூபாய் சந்தையாக வளர்ச்சி பெறும்.இவ்வாறு, அந்த அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 26,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 26,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 26,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 26,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 26,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்