மும்பை : தனியார் மற்றும் அன்னிய வங்கிகளின் மூத்த அதிகாரிகளுக்கு வழங்கும் ஊக்க ஊதியச் சலுகைகளுக்கு, ரிசர்வ் வங்கி, சில கட்டுப்பாடுகளை விதித்துள்ளது.

கார்ப்பரேட் நிறுவனங்கள், உயர் அதிகாரிகளுக்கு, ஊதியத்துடன், அவர்களின் செயல்பாடுகளை பொறுத்து, ஊக்க ஊதிய சலுகைகளையும் வழங்குகின்றன.இந்த வகையில், ரிசர்வ் வங்கி, 2012, ஜனவரியில், தனியார் மற்றும் அன்னிய வங்கி உயர் அதிகாரிகள் பெறும் ஊக்க ஊதியச் சலுகை தொடர்பான விதிமுறைகளை வெளியிட்டு இருந்தது.

இந்நிலையில், வங்கிகளின் செயல்பாடு மோசமாக உள்ள நிலையிலும், அவற்றின் உயரதிகாரிகள், ஏற்கனவே நிர்ணயித்த, ஊக்க ஊதியச் சலுகைகளை குறைவின்றி பெறுவதை தடுக்கும் நோக்கிலும், விதிமுறைகளில் திருத்தம் மேற்கொள்ளப்பட்டுள்ளது. மேலும், சர்வதேச நடைமுறையை பின்பற்றி, வங்கியின் முழு நேர இயக்குனர்கள், தலைமை செயல் அதிகாரிகள், நிர்வாக ஊழியர்கள் உள்ளிட்டோருக்கான ஊக்க ஊதிய விதிமுறையை அமல்படுத்த, ரிசர்வ் வங்கி முடிவு செய்துள்ளது.

இதையொட்டி, தனியார் மற்றும் அன்னிய வங்கிகளுக்கான ஊக்க ஊதிய விதிமுறைகளை மறுஆய்வு செய்து, வரைவறிக்கையை ரிசர்வ் வங்கி வெளியிட்டுள்ளது.தற்போது, ஒருவர் தன் ஊதியத்தின் அடிப்படையில், 70 சதவீதம் வரை, ஊக்க ஊதியம் பெறலாம். இதில், ஊழியர்களுக்கான பங்கு ஒதுக்கீடு சேர்க்கப்படவில்லை. ரிசர்வ் வங்கியின் புதிய விதிமுறையில், இந்த பங்கு ஒதுக்கீடு சேர்க்கப்பட்டு, ஊக்க ஊதியத்திற்கான அதிகபட்ச வரம்பு, ஊதியத்தில், 200 சதவீதமாக நிர்ணயிக்கப்பட்டுள்ளது.

இதன் மூலம், ஊக்க ஊதிய வரம்பு உயர்வுக்கு ஏற்ப, அதை பெறுவோரின் பணிப் பொறுப்பும் அதிகரிக்கும். வங்கியின் நிதிச் செயல்பாடுகள் மோசமானால், ஊக்க ஊதியச் செலவினமும் குறையும்.மேலும், ஊக்க ஊதியத்தில், குறைந்தபட்சம், 50 சதவீதத்தை, ரொக்கம் சாரா முறையில் வழங்க வேண்டும்.ஊக்க ஊதிய நிர்ணயம் தொடர்பாக, உரிய சட்ட விதிகளின்படி, கண்காணிப்பு மற்றும் ஒழுங்கு நடவடிக்கைகளை வங்கிகள் செயல்படுத்த வேண்டும்.

பிற இனங்களில் மேற்கொள்ளும் முதலீட்டின் அடிப்படையில், வரி மதிப்பீட்டு ஆண்டிற்கு, ஊக்க ஊதியத்தை உயர்த்தக் கூடாது எனவும், வரைவறிக்கையில் கூறப்பட்டுள்ளது.வங்கி உயரதிகாரிகள் ஊதியத்திற்கும், அவர்கள் பெறும் ஊக்க ஊதியத்திற்கும் இடையே, அளவிற்கதிகமான வித்தியாசத்தை குறைக்க, புதிய விதிமுறைகள் வழி வகுக்கும் என, எதிர்பார்க்கப்படுகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 26,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 26,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 26,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 26,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 26,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்