வாஷிங்டன்:அமெரிக்காவில், வரலாறு காணாத வகையில், சரக்கு ஏற்றுமதி, இறக்குமதி அடிப்படையிலான வர்த்தகப் பற்றாக்குறை அதிகரித்திருப்பதற்கு, அதிபர் டொனால்டு டிரம்பின் மோசமான கொள்கைகளே காரணம் என, எதிர்க்கட்சி குற்றஞ்சாட்டியுள்ளது.


ஒரு நாட்டின் ஏற்றுமதியை விட, இறக்குமதி மதிப்பு அதிகமாக இருந்தால், அதை, வர்த்தக பற்றாக்குறை என, அழைக்கின்றனர்.இதன்படி, அமெரிக்காவின் சரக்கு மற்றும் சேவைகளின் வர்த்தகப் பற்றாக்குறை, 2018, டிசம்பரில், 950 கோடி டாலர் அதிகரித்து, 5,980 கோடி டாலராக உயர்ந்து உள்ளது. இது, நவம்பரில், 5,030 கோடி டாலராக இருந்தது.


கடந்த முழு ஆண்டில், அமெரிக்காவின் வர்த்தகப் பற்றாக்குறை, 6,880 கோடி டாலர் அதிகரித்து, 62 ஆயிரத்து, 100 கோடி டாலராக உயர்ந்து உள்ளது. இது, 2017ல், 55 ஆயிரத்து, 230 கோடி டாலராக குறைந்து இருந்தது.ஏற்றுமதிஇதே காலத்தில், அமெரிக்காவின் ஏற்றுமதி, 1.49 லட்சம் கோடி டாலரில் இருந்து, 2.50 லட்சம் கோடி டாலராக அதிகரித்துள்ளது. இறக்குமதியும், 2.17 லட்சம் கோடி டாலரில்இருந்து, 3.12 லட்சம்கோடி டாலராக உயர்ந்துள்ளது.


அமெரிக்காவில், வரலாறு காணாத வகையில், சரக்கு பிரிவின் வர்த்தகப் பற்றாக்குறை, 89 ஆயிரத்து, 139 கோடி டாலராக அதிகரித்து உள்ளது.இதற்கு, டிரம்பின் மோசமான வர்த்தக கொள்கைகளே காரணம் என, எதிர்க்கட்சியான ஜனநாயக கட்சி குற்றஞ்சாட்டியுள்ளது.இது குறித்து, அமெரிக்க பிரதிநிதிகள் சபையில், பெரும்பான்மையாக உள்ள, ஜனநாயக கட்சியின் கொறடா, ஸ்டெனி எச்.ஹோயர் கூறியதாவது:


அரசின் மோசமான வர்த்தக கொள்கைகளால், நாட்டின் சரக்கு வர்த்தகப்பற்றாக்குறை, இதுவரை இல்லாத வகையில் உயர்ந்துள்ளது.டிரம்ப், தனக்குத் தானே வைத்த தேர்வில் தோல்வியை தழுவியுள்ளார். அவர், கொள்கைகளை மறுபரிசீலனை செய்ய வேண்டும். இவ்வாறு அவர் கூறியுள்ளார்.


அலுமினியம், உருக்கு உள்ளிட்ட பல்வேறு பொருட்களுக்கு, இறக்குமதி வரி உயர்த்தப்பட்ட போதிலும், வர்த்தகப் பற்றாக்குறை அதிகரித்திருப்பது, டிரம்ப் போட்ட கணக்கு தவறு என்பதை புலப்படுத்துவதாக, வல்லுனர்கள் கருத்து தெரிவித்துள்ளனர்.


இந்தியாவுடன் குறைந்தது


கடந்த, 2018ல், அமெரிக்கா – இந்தியா இடையிலான வர்த்தகப் பற்றாக்குறை, 160 கோடி டாலர் குறைந்து, 2,130 கோடி டாலராக சரிவடைந்துள்ளது.இது, 2017ல், 2,290 கோடி டாலராக இருந்தது. அதேசமயம், கடந்த ஆண்டு, அமெரிக்கா – சீனா இடையிலான வர்த்தகப் பற்றாக் குறை, 41 ஆயிரத்து, 920 கோடி டாலராக புதிய உச்சத்தை எட்டியுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 08,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 08,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 08,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 08,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 08,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்