பதிவு செய்த நாள்
10 மார்2019
23:56
தேசிய பங்குச் சந்தை குறியீட்டு எண் நிப்டி, இந்த ஆண்டு ஜனவரியில், 400 புள்ளிகள்; பிப்ரவரியில், 500 புள்ளிகள் என, மொத்த ஏற்ற இறக்கத்துடன் வர்த்தகம் முடிவு பெற்றது.
தொடர்ந்து இரு மாதங்களாக, 10,500 முதல், 11,100 புள்ளிகளுக்கு இடையே சந்தை வர்த்தகமாகி வருவது குறிப்பிடத்தக்கது.அதேபோல, மும்பை பங்குச் சந்தை குறியீட்டு எண் சென்செக்ஸ், 35,000 முதல், 37,000 புள்ளிகளுக்கு இடையே, கடந்த இரு மாதங்களாக வர்த்தகமாகி வருகிறது.
அடுத்த மாதம் நடைபெறவிருக்கும் லோக்சபா தேர்தலில் ஏற்படும் மாற்றங்கள், பங்குச் சந்தையில்தாக்கத்தை ஏற்படுத்தும் என்பதில் சந்தேகமில்லை.மத்திய புள்ளியியல் துறை, வியாழன் அன்று வெளியிட்ட, கடந்த அக்டோபர் முதல், டிசம்பர் வரையிலான மூன்றாவது காலாண்டில், பொருளாதார வளர்ச்சி விகிதம், 7 சதவீதமாக இருந்தது. இது எதிர்பார்த்ததைவிட, 0.2 சதவீதம் குறைவு.
கடந்த நிதியாண்டின் மொத்த வளர்ச்சி, 7.2 சதவீதமாக இருந்தது. தற்போது நடப்பு நிதியாண்டில், 7 சதவீதமாக சரியும் என, எதிர்பார்க்கப்படுகிறது. இது ஐந்து ஆண்டு குறைவாகும்.இரண்டாம் காலாண்டுடன் ஒப்பிடும்போது, கடந்த மூன்றாம் காலாண்டில் வேளாண் துறை, 2.7 சதவீதம்; தொழில் துறை, 6.7 சதவீதம்; கட்டுமானத் துறை, 9.6 சதவீதம்; சுரங்கத் துறை, 1.3 சதவீதம் என வளர்ச்சி பெற்றுள்ளது.
வர்த்தகம், உணவு, போக்குவரத்து மற்றும் தொலைத்தொடர்பு துறை ஆகியவை, எவ்வித வளர்ச்சியையும் காணவில்லை.நிதித் துறை, 7.3 சதவீதமும், அரசு செலவினம் மற்றும் பொதுப்பணித் துறை, 7.6 சதவீதமும் வளர்ச்சி கண்டுள்ளது. இது முந்தைய காலாண்டில், 8.7 சதவீதமாக இருந்தது குறிப்பிடத்தக்கது.
தனியார் வானிலை ஆராய்ச்சி மையமான, ‘ஸ்கை மேட்’ 2019ம் ஆண்டிற்கான பருவமழையில், 50 சதவீத மழைக்கே வாய்ப்பு உள்ளதாக தெரிவித்துள்ளது.தென்மேற்கு பருவ மழை, ஜூன், 1ல் துவங்க உள்ளது.நாட்டின் பணவீக்க விகிதம், ஜனவரி மாதத்தில், 2.05 சதவீதமாக இருந்தது. முந்தைய டிசம்பர் மாதத்தில், 2.19 சதவீதமாகவும், நவம்பர் மாதத்தில், 2.3 சதவீதமாகவும் இருந்தது.
தொடர்ந்து மூன்று மாதங்களாக, பணவீக்க விகிதம் குறைந்து வருவது, ஒரு சாதகமான சூழ்நிலைக்கு வழிவகுத்த போதிலும், சர்வதேச காரணிகள் மற்றும் காலாண்டு நிதி அறிக்கைகளின் மோசமான போக்கு ஆகியவற்றால் சந்தை சரிந்து வர்த்தகம் ஆகி வந்தது.சர்வதேச சந்தையில் கச்சா எண்ணெய் விலை சரிவு, இந்திய ரூபாயின் மதிப்பு டாலருக்கு நிகராக உயர்வு, உலக பங்குச் சந்தைகளில் ஏற்பட்ட மாற்றம் போன்றவை, சந்தை பாதிக்கப்பட காரணங்களாகும்.இந்த வாரத்தை பொருத்தவரை, நிப்டி அதன் சப்போர்ட், 10,805, 10,750; ரெசிஸ்டன்ஸ் 10,940, 11,000.
முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|