அண்மை காலத்தில் பல வர்த்தக நிறுவனங்கள், என்.சி.டி., என குறிப்பிடப்படும் பங்குகளாக மாற்ற முடியாத கடன் பத்திரங்களை வெளியிட்டன. மேலும் பல நிறுவனங்கள் கடன் பத்திரங்கள் வாயிலாக நிதி திரட்ட தயாராகி வருகின்றன. கடன் பத்திரங்களில் முதலீட்டின் போது கவனிக்க வேண்டிய அம்சங்கள்:

ரிஸ்க் அம்சம்:
வைப்பு நிதிகளோடு ஒப்பிடும் போது கடன் பத்திரங்கள் அதிக பலன் அளிக்க கூடியவை என்றாலும், இவை வைப்பு நிதிகள் போல, ‘ரிஸ்க்’ இல்லாதவை அல்ல. இவற்றில் வட்டி வருமானம் அல்லது அசல் திருப்பி செலுத்தப்படாமல் போகும் வாய்ப்பு உள்ளது. எனவே, இவற்றின் ரிஸ்க் தன்மையை உணர்ந்து செயல்பட வேண்டும்.

கிரெடிட் ரேட்டிங்:
கடன் பத்திரங்கள் முதலீடு ரிஸ்க் கொண்டது என்பதால் இவற்றுக்கான கிரெடிட் ரேட்டிங்கை கவனிக்க வேண்டும். கிரிசில், கேர், இக்ரா உள்ளிட்ட அமைப்புகள் ரேட்டிங்கை வழங்குகின்றன. ‘ஏஏஏ’ போன்ற அதிக ரேட்டிங் இருந்தால் நல்லது. ஆனால், ரேட்டிங் நம்பகத்தன்மையை குறிப்பதே தவிர, உறுதி அளிப்பது அல்ல.

கால அளவு:
நிறுவனங்கள் பல்வேறு கால அளவில் கடன் பத்திரங்களை வெளியிடுகின்றன. உங்கள் தேவைக்கேற்ப கால அளவு கொண்டவற்றை தேர்வு செய்ய வேண்டும். இவற்றில் பணமாக்கும் தன்மை குறைவு என்பதால், பொதுவாக குறுகிய கால இலக்குகளுக்கு முதலீடு செய்வதை தவிர்க்க வேண்டும்.

வட்டி விகிதம்:
கடன் பத்திரங்கள் வழங்கும் வட்டி விகிதத்தையும் கவனிக்க வேண்டும். அதிக வட்டி வருமானம் ஈர்ப்புடையதாக இருந்தாலும், அதை மட்டுமே முக்கியமாக கருதக்கூடாது. நிறுவனத்தின் பணத்தை திரும்ப செலுத்தும் ஆற்றலை முக்கியமாக கருத வேண்டும். கடந்த கால செயல்பாடுகளையும் கவனிக்க வேண்டும்.

ஈட்டுறுதி பாதுகாப்பு:
கடன் பத்திரங்களில் ஈட்டுறுதி கொண்டவை, ஈட்டுறுதி இல்லாதவை என இரு வகை உள்ளன. செக்யூர்டு எனப்படும் ஈட்டுறுதி கொண்டவை எனில், பத்திரங்களுக்கு நிகரான சொத்து பின்னே இருக்கும். இவற்றுக்கான வட்டி விகிதம் குறைவாக இருந்தாலும் இவற்றை நாடுவது ஏற்றது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 25,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 25,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 25,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 25,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 25,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்