கமாடிட்டி சந்தை

கச்சா எண்ணெய்

கச்சா எண்­ணெய், தொடர்ந்து ஐந்­தா­வது வார­மாக, விலை உயர்ந்து வர்த்­த­க­மாகி வரு­கிறது. நடப்­பாண்­டில், ஜன­வரி முதல் மார்ச் வரை­யி­லான முதல் காலாண்­டில், எண்­ணெய் விலை, 30 சத­வீ­தத்­துக்­கும் மேல் உயர்ந்து இருந்­தது குறிப்­பி­டத்­தக்­கது. இதன் தொடர்ச்­சி­யாக, ஏப்­ரல் மாதத்­தி­லும் ஆரம்­பம் முதல் விலை அதி­க­ரித்து வர்த்­த­க­மாகி வரு­கிறது.

கடந்த,2018ல், சரிந்து வந்த எண்­ணெய் விலையை உயர்த்­து­வ­தற்­காக, எண்­ணெய் உற்­பத்­தியை குறைப்­பது என, எண்­ணெய் உற்­பத்தி நாடு­க­ளின் கூட்­ட­மைப்­பான, ‘ஒபெக்’ மற்­றும் ‘நான் ஒபெக்’ நாடு­கள் முடிவு செய்­தன. இதன்­படி, 2019ல் தின­சரி, 1.2 லட்­சம் பேரல் அள­வுக்கு உற்­பத்தி குறைப்பை அமல்­ப­டுத்­து­வ­தாக முடிவு செய்­யப்­பட்­டது. இதன்­படி, கடந்த இரு மாதங்­க­ளாக உற்­பத்தி குறைப்பு நடந்து வரு­கிறது.

இந்த உற்­பத்தி குறைப்பு சரி­வர செயல்­ப­டுத்­தப்­ப­டு­கி­றதா என்­பதை மேற்­பார்­வை­யிட, ஒரு குழு­வும் அமைக்­கப்­பட்­டது. இந்த குழு­வின் கூட்­டம், 14ம் தேதி நடை­பெற உள்­ளது.அமெ­ரிக்கா, சீனா ஆகிய நாடு­க­ளுக்கு இடை­யே­யான வர்த்­தக மோதல் பிரச்னை, இன்­னும் தீர்க்­கப்­ப­டா­மல் இருக்­கிறது. கடந்த மாதம் இப்­பி­ரச்னை குறித்து, இந்த இரு நாடு­க­ளுக்­கும் இடையே பேச்சு நடை­பெற்­றது. இருப்­பி­னும், எந்த முன்­னேற்­ற­மும் ஏற்­ப­ட­வில்லை.

இதை­ய­டுத்து, அடுத்து நடை­பெற இருக்­கும் கூட்­டம் குறித்து, எதிர்­பார்ப்­பு­கள் அதி­க­ரித்து வரு­கிறது.தற்­போது, அமெ­ரிக்­கா­வின் தின­சரி உற்­பத்தி, 12 மில்­லி­யன் பேரல்­கள். இதை­ய­டுத்து, உலக அள­வில் கச்சா எண்­ணெய் உற்­பத்தி செய்­யும் நாடு­களில், முதல் இடத்தை அமெ­ரிக்கா பிடித்­துள்­ளது.

மேலும், இப்­போக்கு தொட­ரும் சூழ­லில், 2025ல் சவுதி அரே­பியா, ரஷ்யா ஆகிய நாடு­க­ளின் மொத்த உற்­பத்தி அள­வுக்கு, அமெ­ரிக்­காவே உற்­பத்தி செய்து விடும் என்ற கருத்து நில­வு­கிறது.வெனி­சுலா நாட்­டின் மீது, அமெ­ரிக்கா கொண்டு வந்­துள்ள பொரு­ளா­தார தடை கார­ண­மாக, அந்­நாட்­டின் கச்சா எண்­ணெய் ஏற்­று­மதி பாதிப்­புக்­குள்­ளாகி இருக்­கிறது.

வாரம் ஒரு முறை, புதன் அன்று வெளி­யா­கும் கச்சா எண்­ணெய் இருப்பு விப­ரத்­தில், இருப்பு அதி­க­ரித்­துள்­ள­தாக தெரிய வந்­ததை அடுத்து, சற்று விலை சரிந்த போதி­லும், மீண்­டும் விலை உயர்வு நிகழ்ந்­தது.

தங்கம் வெள்ளி
சர்­வ­தேச அள­வில் தங்­கம், வெள்ளி ஆகி­ய­வற்­றின் விலை, கடந்த வாரம் சரி­வில் ஆரம்­பித்த போதி­லும், வார இறுதி நாட்­க­ளான வியா­ழன் மற்­றும் வெள்ளி ஆகிய நாட்­களில், சற்று உயர்ந்து வர்த்­த­கம் ஆனது.

அமெ­ரிக்­கா­வில், விவ­சா­யம் சாராத அரசு பணி­களில், புதி­தாக வேலைக்கு அமர்த்­தப்­பட்­ட­வர்­க­ளின் எண்­ணிக்கை குறித்த புள்ளி விப­ரம், கடந்த வெள்­ளி­யன்று வெளி­யா­னது. அதில், புதி­தாக வேலைக்கு சேர்ந்­த­வர்­க­ளின் எண்­ணிக்கை, எதிர்­பார்த்­ததை விட அதி­க­மாக இருந்­தது.இதன் கார­ண­மாக, அமெ­ரிக்க நாணய குறி­யீடு சற்று வலுப்­பெற்­றது. இது தங்­கம், வெள்ளி ஆகி­ய­வற்­றின் விலை சரிய கார­ண­மாக அமைந்­தது.

அமெ­ரிக்க வட்டி விகி­தம் குறித்த மினிட்ஸ் சுற்­ற­றிக்கை வெளி­யாகி உள்­ளது. வட்டி விகி­தம் குறித்த எந்­த­வித எதிர்­பார்ப்­பும் இல்­லாத சூழ­லில், அமெ­ரிக்க பொரு­ளா­தா­ரத்­தின் வளர்ச்சி மற்­றும் அதை அடிப்­ப­டை­யா­கக் கொண்டு தீர்­மா­னம் எடுக்­கப்­படும் என்ற எண்­ணம் ஏற்­பட்­டுள்­ளது. இதன் கார­ண­மாக, சந்­தை­யில் அமெ­ரிக்க டால­ரின் மதிப்பு சற்று உயர்ந்­தது. இதை­ய­டுத்து, தங்­கம், வெள்ளி விலை கடந்த வியா­ழன் அன்று, 2 சத­வீ­தம் சரிந்­தது.

கடந்த வாரம் திங்­கள் அன்று, அமெ­ரிக்க சந்­தை­க­ளுக்கு விடு­முறை தின­மாக இருந்­தது. கடந்த வாரம் சந்­தை­யில், 1 அவுன்ஸ் – 31.104 கிராம் தங்­கம், 1,350 டாலர் என்ற நிலையை எட்டி, 30 டாலர் வரை சரிந்து வர்த்­த­கம் நடை­பெற்­றது. நடப்பு ஆண்டு துவக்­கம் முதலே, தங்­கம், வெள்ளி ஆகி­ய­வற்­றின் விலை உயர்ந்து வந்­தது. இதற்கு, அமெ­ரிக்க வட்டி விகி­தம் குறித்த தக­வல்­களே கார­ண­மாக அமைந்­தது.

அமெ­ரிக்­கா­வில், நடப்பு ஆண்­டில் மூன்று முறை­யும், அடுத்த ஆண்­டில் ஒரு முறை­யும் வட்டி விகி­தம் உயர்த்­தப்­படும் என, ஏற்­க­னவே அறி­விக்­கப்­பட்­டி­ருந்­தது. ஆனால், கடந்த ஆண்டு இறு­தி­யில் வெளி­வந்த பொரு­ளா­தார கார­ணி­கள் மற்­றும் பொரு­ளா­தார வளர்ச்­சி­யில் ஏற்­பட்ட சந்­தே­கங்­கள் கார­ண­மாக, வட்டி விகி­தத்தை உயர்த்த வாய்ப்­பு­கள் குறைவு என்ற கண்­ணோட்­டம் எழுந்­தது. இந்த கண்­ணோட்­டத்­தால் தங்­கம், வெள்ளி ஆகி­ய­வற்­றின் விலை, ஜன­வரி முதல் தற்­போது வரை உயர்ந்து வந்­தது.

ஆனால், கடந்த வாரம் வெளி­வந்த சுற்­ற­றிக்­கை­யில், நடப்­பாண்­டில் ஒரு முறை வட்டி விகி­தம் உயர்த்­தப்­ப­ட­லாம் என்ற சூழ்­நிலை உள்­ள­தாக இருந்­த­தால், விலை சரிவு நிகழ்ந்­தது.பொது­வாக, வட்டி விகி­த­மும், தங்­க­மும் எதிர்­ம­றை­யான போக்கை கொண்­டவை.

வட்டி விகி­தம் உய­ரும் போது, அரசு மற்­றும் அரசு சார்ந்த முத­லீ­டு­களில் ஆதா­யம் அதி­க­ரிக்­கும் என்­ப­தால், முத­லீட்­டா­ளர்­கள் அவற்­றில் முத­லீட்டை அதி­க­ரிப்­பர். மாறாக, வட்டி விகி­தம் குறை­யும் போது, அதிக லாப­மீட்­டும் பொருட்­கள் மீது முத­லீடு செய்­வர். இவற்­றில், தங்­கத்­தின் மீதான முத­லீடு முத­லி­டம் வகிக்­கிறது.

செம்பு
கடந்த வாரம் செம்பு, விலை சரிந்து, வர்த்­த­கம் ஆனது. ஐரோப்பா மற்­றும் அமெ­ரிக்க பங்­குச் சந்­தை­களில் ஏற்­பட்ட சரிவு, செம்­பின் விலை­யில் தாக்­கத்தை ஏற்­ப­டுத்­தி­யது.சீனா­வின் பொரு­ளா­தார கார­ணி­கள், எதிர்­பார்த்­ததை விட குறை­வாக வந்­துள்­ளன. இதன் கார­ண­மாக, இந்­நாட்­டின் தொழில் துறை வளர்ச்சி மற்­றும் தேவை ஆகி­யவை குறை­யும் என்ற கண்­ணோட்­டத்­தில், விலை சரிவு நிகழ்ந்­தது.

கடந்த ஆண்டு நவம்­பர் மாதத்­தின் தொழில் துறை வளர்ச்சி, கடந்த மூன்று ஆண்­டு­களில் இல்­லாத அள­வுக்கு, சிறிய அளவு உயர்வை கொண்­டி­ருந்­தது.இந்த ஆண்டை பொறுத்­த­வரை, 16 சத­வீ­தம் அள­வுக்கு விலை சரிந்­துள்­ளது. அமெ­ரிக்கா, சீனா ஆகி­ய­வற்­றுக்கு இடையே நடந்த வர்த்­தக மோதல் கார­ண­மாக, பெரு­ம­ள­வி­லான பாதிப்பு ஏற்­பட்­டுள்­ளது.

செம்­பின் விலையை பொறுத்­த­வரை, அதன் ஏற்ற, இறக்­கத்­துக்கு, அமெ­ரிக்க – சீன நாடு­க­ளுக்கு இடை­யே­யான வர்த்­தக மோதலே முழு கார­ண­மாக அமை­யும்.கார­ணம், உலக அள­வில் அதிக அள­வில் கனி­மங்­கள் மற்­றும் தொழிற்­சாலை மூல­தன பொருட்­களை உப­யோ­கிப்­ப­தில், சீனா முதல் இடம் வகிக்­கிறது. மேலும், ஏற்­று­ம­தி­யின் ஏற்ற, இறக்­கங்­களும் கனி­மங்­க­ளின் விலை­களில் பாதிப்பை ஏற்­ப­டுத்­தும்.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 07,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 07,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 07,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 07,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 07,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்