புதுடில்லி:பயணியர் வாகனம், இரு சக்கர வாகனம் ஆகியவற்றுக்கான, ஜி.எஸ்.டி., 28 சதவீதத்தில் இருந்து, 18 சதவீதமாக குறைக்கப்பட வேண்டும் என, மத்திய அரசுக்கு, இந்திய வாகன தயாரிப்பு நிறுவனங்கள் கூட்டமைப்பான, ‘சியாம்’ கோரிக்கை விடுத்துள்ளது.


இந்த அமைப்பின் தலைவர், ராஜன் வதேரா கூறியதாவது:அடுத்த ஆண்டு, ஏப்ரல் முதல், சுற்றுச்சூழல் மாசு கட்டுப்பாட்டிற்கான, ‘பாரத் ஸ்டேஜ் – 6’ விதிமுறை அமலுக்கு வருகிறது. இத்துடன், மேலும் பல பாதுகாப்பு அம்சங்களை பின்பற்ற வேண்டிய கட்டாயத்தில் வாகன தயாரிப்பாளர்கள் உள்ளனர்.இதன் காரணமாக, வாகன தயாரிப்பு செலவு அதிகரித்துள்ளது.


ஏற்கனவே, கடந்த ஆறு மாதங்களாக, வாகன விற்பனை சரிந்துள்ளது.இந்நிலையில், புதிய விதிமுறைகளுக்கு ஏற்ப, வாகன தயாரிப்பில் தொழில்நுட்பங்களுக்கு செலவிடுவதால், விற்பனை விலையை, 10 –- 15 சதவீதம் உயர்த்த வேண்டிய நெருக்கடி ஏற்பட்டுள்ளது.


வாகன விற்பனையில், 10 சதவீத விலை உயர்வு கூட, இரு சக்கர வாகனங்கள் விற்பனையை பாதிக்கும். அதனால், வாகனங்களுக்கான, ஜி.எஸ்.டி., குறைக்கப்பட வேண்டும்.தற்போது, வாகனங்களுக்கு, 28 சதவீத, ஜி.எஸ்.டி., வசூலிக்கப்படுகிறது. இத்துடன், வாகனங்களின் நீளம், இன்ஜின் திறன் ஆகியவற்றுக்கு ஏற்ப, 1 – 15 சதவீதம் கூடுதல் வரி விதிக்கப்படுகிறது.எனவே, வாகனங்களுக்கான, ஜி.எஸ்.டி., 28 சதவீதத்தில் இருந்து, 18 சதவீதமாக குறைக்கப்பட வேண்டும்.


இது, வாகன தயாரிப்பு நிறுவனங்களுக்கும், நுகர்வோருக்கும் பயன் அளிக்கும்.வாகன விலை அதிகரித்தால், விற்பனை குறைந்து, அரசுக்கு வரி வருவாய் குறையும். எனவே, வரியை குறைக்க நடவடிக்கை எடுக்க வேண்டும் என, மத்திய அரசை வலியுறுத்தி உள்ளோம்.இவ்வாறு அவர் கூறினார்.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 09,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 09,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 09,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 09,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 09,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்