கமாடிட்டி சந்தை

கச்சா எண்ணெய்

சர்­வ­தேச சந்­தை­யில், கச்சா எண்­ணெய் விலை, தொடர்ந்து ஐந்­தா­வது வார­மாக உயர்ந்து வர்த்­த­க­மாகி வரு­கிறது. இருப்­பி­னும், கடந்த வாரம் விலை ஏற்­றம் சிறி­த­ளவு கட்­டுக்­குள் கொண்டு வரப்­பட்­டது. இதை­ய­டுத்து, 1 பேரல் கச்சா எண்­ணெய் விலை, 63 முதல், 65 அமெ­ரிக்க டாலர் என்ற அள­வில், சீராக வர்த்­த­கம் நடை­பெற்­றது என்­பது குறிப்­பி­டத்­தக்­கது.


கடந்த ஆண்­டின் கடைசி மூன்று மாதங்­க­ளான, அக்­டோ­பர் முதல், டிசம்­பர் வரை­யி­லான கால­கட்­டத்­தில், கச்சா எண்­ணெய் விலை, தொடர் சரிவை சந்­தித்­தது. இருப்­பி­னும், இந்த ஆண்டு ஆரம்­பம் முதல், தற்­போது வரை, தொடர்ந்து நான்கு மாதங்­க­ளாக விலை உயர்ந்து வரு­கிறது.


ஜன­வரி மாதம், 1 பேரல் விலை, 42 அமெ­ரிக்க டால­ராக இருந்­தது; தற்­போது, 64 டாலர் என்ற நிலை­யில் வர்த்­த­க­மாகி வரு­கிறது. ஈரான் மற்­றும் வெனி­சுலா நாடு­கள் மீது, அமெ­ரிக்கா கொண்டு வந்­துள்ள பொரு­ளா­தார தடை கார­ண­மாக, கச்சா எண்­ணெய் உற்­பத்தி மற்­றும் ஏற்­று­மதி கடு­மை­யாக பாதிக்­கப்­பட்­டது.


மேலும், லிபியா நாட்­டின் உற்­பத்­தி­யும் பாதிக்­கப்­பட்டு, அதன் கார­ண­மா­க­வும் சந்­தை­யில் எண்­ணெய் தட்­டுப்­பாடு நில­வும் என்ற அச்­சத்­தில், விலை உயர்ந்து வர்த்­த­க­மாகி வரு­கிறது.
வெனி­சுலா நாட்­டின் தின­சரி உற்­பத்தி, 2 லட்­சத்து, 70 ஆயி­ரம் பேரல்­கள் குறைந்து, மார்ச் மாதத்­தில், மொத்த தின­சரி உற்­பத்தி, 7 லட்­சத்து, 32 ஆயி­ரம் பேரல்­க­ளாக ஆனது. மேலும், ஈரான் நாட்­டின் உற்­பத்தி, 27 லட்­சம் பேரல்­கள் என்ற நிலை­யில் உள்­ளது.


வளை­குடா எண்­ணெய் உற்­பத்தி நாடு­கள் மற்றும் ரஷ்யா ஆகி­யவை இணைந்து, 2019, ஆண்­டின் முதல் ஆறு மாத காலத்­துக்கு, உற்­பத்­தியை குறைத்து, விலையை அதி­க­ரிக்க திட்­ட­மிட்­டன. இதன்­படி, உல­கின் மிகப்­பெ­ரிய எண்­ணெய் உற்­பத்தி நாடான, சவுதி அரே­பி­யா­வும் உற்­பத்­தியை குறைத்­துள்­ளது.


இத்­து­டன், வெனி­சுலா மீதான தடை­யும் சேர்ந்து கொள்ள, விலை அதி­க­ரித்­துள்­ளது. மேலும், வர்த்­தக மோதல் குறித்து, அமெ­ரிக்கா, சீனா ஆகிய நாடு­க­ளின் தலை­வர்­கள் தொடர்ந்து பேச்சு நடத்தி வரு­கின்­ற­னர். இதில் சுமூ­க­மான உடன்­படிக்கை ஏற்­படும் என்று எதிர்­பார்க்­கப்­ப­டு­கிறது.


அப்­படி நிகழ்ந்தால், பொரு­ளா­தார வளர்ச்சி மீண்டும் பழைய நிலைக்­குத் திரும்­பும். இதன் கார­ண­மாக, தொழிற்­சாலை தேவை மற்­றும் கச்சா எண்­ணெய் தேவை உய­ரும் என்ற எதிர்­பார்ப்பு உள்­ளது. இதன் காரண­மா­கவும் விலை அதி­க­ரித்­துள்­ளது.


தங்கம் வெள்ளி


கடந்த வாரம் தங்­கம், வெள்ளி ஆகி­ய­வற்­றின் விலை அதி­க­ரித்து வர்த்­த­கம் ஆனது. இருப்­பி­னும், வார இறு­தி­யில், வியா­ழன் அன்று கடும் சரிவை சந்­தித்­தது. பின்பு வெள்ளி அன்று சிறி­த­ளவு மீண்டு, வர்த்­த­கம் முடி­வுற்­றது. தங்­கம், வெள்ளி ஆகி­யவை தொடர்ந்து மூன்­றா­வது வார­மாக விலை சரி­வில் வர்த்­த­க­மாகி வரு­வது குறிப்பிடத்­தக்­கது.


பங்­குச் சந்­தை­கள் தொடர்ந்து உயர்ந்து வரும் சூழ­லில், முத­லீட்­டா­ளர்­கள் தங்­கம் மீது மூத­லீடு செய்­வது குறைந்­துள்­ளது. இது­வும் விலை சரி­விற்கு ஒரு கார­ண­மா­கும்.வாரந்­தோ­றும் வியா­ழன் அன்று வெளி­வ­ரும், அமெ­ரிக்­கா­வில் வேலை இல்­லா­தோ­ருக்­கான ஊக்க தொகை குறித்த புள்ளி விப­ரம், அந்­நாட்­டின் உற்­பத்தி துறை குறி­யீடு ஆகி­ய­வற்­றின் அடிப்­ப­டை­யில், டாலர் இண்­டெக்ஸ் அதி­க­ரித்­தது. இதை­ய­டுத்து, தங்­கம், வெள்ளி ஆகி­ய­வற்­றின் விலை, கடந்த வியாழனன்று கடும் சரி­வினை சந்­தித்­தது.


நடப்பு ஆண்­டில் உலக பொரு­ளா­தா­ரம் முந்­தைய கணிப்­பான, 3.5 சத­வீ­தத்­தி­லி­ருந்து, 3.3 சத­வீ­த­மாக குறையும் என பன்­னாட்டு நிதி­யம் தெரி­வித்­துள்­ளது.இதில், அமெ­ரிக்க பொரு­ளா­தார வளர்ச்சி, 2.5 சதவீதத்­தி­லி­ருந்து, 2.3 சத­வீ­த­மாக குறை­யும் என­வும் தெரி­வித்துள்­ளது. இதை­ய­டுத்து பொரு­ளா­தார வளர்ச்சி குறையும் என்ற கோணத்­தில், முத­லீட்­டா­ளர்­கள் தங்­கம் மற்­றும் வெள்­ளி­யில் முத­லீட்­டினை அதி­க­ரித்­த­னர். இதன் கார­ண­மாக, வார இறுதி நாளில் தங்­கம், வெள்ளி விலை உயர்ந்தது.


வரும் நாட்­க­ளி­லும், இது விலைக்கு சாத­க­மாக அமை­யும் என்­றும் எதிர்­பார்க்­கப்­ப­டு­கிறது. தங்­கம் மட்­டு­மின்றி பிளாட்­டி­னத்­தின் விலை­யும் தொடர்ந்து, ஐந்­தா­வது வார­மாக உயர்ந்து வர்த்­த­க­மாகி வரு­கிறது. உற்­பத்தி குறைவு மற்­றும் தொழில்­துறை தேவை அதி­க­ரிப்பு ஆகி­ய­வற்­றின் கார­ண­மாக, விலை தொடர்ந்து உயர்ந்த வண்­ணம் உள்­ளது.



அமெ­ரிக்­கா­வில், நடப்பு ஆண்­டில் மூன்று முறை­யும், அடுத்த ஆண்­டில் ஒரு முறை­யும் வட்டி விகி­தம் உயர்த்­தப்­படும் என்று ஏற்­க­னவே அறி­விக்­கப்­பட்­டி­ருந்­தது. ஆனால், கடந்த ஆண்டு இறு­தி­யில் வெளி­வந்த பொரு­ளா­தார கார­ணி­கள் மற்­றும் பொரு­ளா­தார வளர்ச்­சி­யில் ஏற்­பட்ட சந்­தே­கங்­கள் கார­ண­மாக, வட்டி விகி­தத்தை உயர்த்த வாய்ப்­பு­கள் குறைவு என்ற கண்­ணோட்­டம் எழுந்­தது. இந்த கண்­ணோட்­டத்­தி­னால் தங்­கம், வெள்ளி ஆகி­ய­வற்­றின் விலை, ஜன­வரி முதல் தற்­போது வரை உயர்ந்து வந்­தது.



ஆனால், அண்­மை­யில் வெளி­வந்த சுற்­ற­றிக்­கை­யில், நடப்­பாண்­டில் ஒரு முறை வட்டி விகி­தம் உயர்த்­தப்­பட­லாம் என்ற சூழ்­நிலை உள்­ள­தாக தெரி­விக்­கப்­பட்டு இருந்­த­தால், விலை சரிவு நிகழ்ந்­தது.பொது­வாக, வட்டி விகி­த­மும் தங்­க­மும் எதிர்­ம­றை­யான போக்­கினை கொண்­டவை. வட்டி விகி­தம் உய­ரும்­போது, அரசு மற்­றும் அரசு சார்ந்த முத­லீ­டு­களில் ஆதா­யம் அதி­க­ரிக்­கும் என்­ப­தால், முத­லீட்­டா­ளர்­கள் அவற்­றில் முத­லீட்டை அதி­க­ரிப்­பார்­கள். மாறாக, வட்டி விகி­தம் குறை­யும்­போது, அதிக லாப­மீட்­டும் பொருட்­கள் மீது முத­லீடு செய்­வர். இவற்­றில், தங்­கத்­தின் மீதான முத­லீடு முத­லி­டம் வகிக்­கிறது.



செம்பு



செம்பு விலை­யா­னது, முந்­தைய வாரத்­து­டன் ஒப்­பிடும் ­போது, கடந்த வாரம் விலை உயர்ந்து வர்த்­த­கம் ஆன போதி­லும், வார இறுதி நாட்­களில் சற்று சரிந்து வர்த்­த­கம் நடை­பெற்­றது.
பங்­குச் சந்­தை­கள் உயர்வு, விலைக்கு சாத­க­மாக அமைந்த போதி­லும், கடந்த வியா­ழன் அன்று வெளியான சீனா­வின் தொழில் துறை உற்­பத்தி குறி­யீடு வளர்ச்சி பாத­க­மாக அமைந்­து­விட்­டது.


சீனா­வின் தொழில் துறை வளர்ச்சி குறி­யீடு, இவ்­வாண்டு தொடக்­கம் முதல் சரிந்­து­வ­ரும் சூழ­லால், விலை ஏற்­றம் கட்­டுக்­குள் கொண்டு வரப்­பட்­டது. உலக அள­வில் செம்பை அதி­கம் பயன்­ப­டுத்­து­வ­தில், சீனா முன்­ன­ணி­யில் உள்­ளது என்­பது குறிப்­பி­டத்­தக்­கது. இந்­நாட்டின் தேவை மற்­றும் நுகர்வு செம்பு விலை­யில் குறிப்­பிடத்­தக்க பாதிப்பை ஏற்­ப­டுத்­தும்.
லண்­டன் பொருள் வாணிப சந்­தை­யில், செம்பு இருப்­பா­னது, கடந்த வாரம், 34,900 டன் அதி­க­ரித்­துள்­ளது. மொத்த இருப்பு, 66,325 டன்­க­ளா­கும்.


அமெ­ரிக்கா, சீனா ஆகிய நாடு­க­ளுக்கு இடையே வர்த்­தக மோதல் குறித்து நடை­பெற்று வரும் பேச்­சில், சுமூக முடிவு ஏற்­படும் என்ற எதிர்­பார்ப்பு உள்­ளது. அப்­படி ஏற்­பட்­டால், சீனா­வின் பொரு­ளா­தார வளர்ச்­சி­யும் ,தொழிற்­சாலை தேவை­யும் அதி­க­ரிக்­கும். இந்த எதிர்­பார்ப்­பி­னாலும் செம்பு விலை ஏற்­றம் கண்­டது.

மேலும் கம்மாடிட்டி செய்திகள்

நடப்பு மாதத்தில் ஏற்றுமதி 23.7 சதவீதம் அதிகரிப்பு ஏப்ரல் 15,2019

புதுடில்லி : நாட்டின் ஏற்றுமதி, இம்மாதம் 1 – 21ம் தேதி வரையிலான காலத்தில், 23.7 சதவீதம் உயர்ந்துள்ளதாக, மத்திய ... மேலும்

நிதி நிலை முடிவுகள்; அறிவிக்க தயாராகும் எல்.ஐ.சி., ஏப்ரல் 15,2019

புதுடில்லி : எல்.ஐ.சி., நிறுவனத்தின் இயக்குனர்கள் குழு, கடந்த மார்ச் மாதத்துடன் முடிவடைந்த நிதியாண்டிற்கான ... மேலும்

புதிய பங்கு வெளியீட்டுக்கு 3 நிறுவனங்களுக்கு அனுமதி ஏப்ரல் 15,2019

புதுடில்லி : பங்குச் சந்தை கட்டுப்பாட்டு அமைப்பான ‘செபி’, மூன்று நிறுவனங்களுக்கு, புதிய பங்கு வெளியீட்டுக்கு ... மேலும்

தங்கம் வெள்ளி சந்தை ஏப்ரல் 15,2019

தங்கம்1 கி: 4,739.008 கி: 37,912.00வெள்ளி1 கிராம்: 65.401 கிலோ: 65,400.00என்.எஸ்.இ.,16259.3016240.3019.00 (0.12%) இறக்கம் சிவப்புபி.எஸ்.இ.,54318.4754208.53109.94 (0.20%) இறக்கம் ... மேலும்

தங்கம் விலை தொடர்ந்து சரிவதற்கு என்ன காரணம்? ஏப்ரல் 15,2019

ஈரோடு–சர்வதேச முதலீட்டாளர்கள், டாலரில் முதலீடு செய்வதாலும், பல நாடுகள் கையிருப்பு தங்கத்தை விற்பனைக்கு ... மேலும்