புதுடில்லி:திவால் நடவடிக்கைக்கு ஆளான, 88 நிறுவனங்களின், 1.42 லட்சம் கோடி ரூபாய் வாராக்கடனில், பிப்ரவரி நிலவரப்படி, 68 ஆயிரத்து, 766 கோடி ரூபாய் மீட்கப்பட்டுள்ளது. கடந்த, 2016ல் திவால் சட்டம் அறிமுகமான பின், இச்சட்டத்தின் கீழ், வங்கிகள், நிதி நிறுவனங்கள் ஆகியவை, வாராக்கடனை வசூலிப்பது அதிகரித்துள்ளது.


தேசிய நிறுவன சட்ட தீர்ப்பாயத்தின் உத்தரவுப்படி, நிறுவனங்கள் மீது திவால் நடவடிக்கை எடுக்கப்படுகிறது. அதன்படி, நிறுவனங்களிடம் வசூலிக்கப்பட்ட தொகை உள்ளிட்ட விபரங்களை, இந்திய திவால் சட்ட வாரியம் வெளியிட்டுள்ளது.அதில் கூறப்பட்டு உள்ளதாவது:


இந்தாண்டு பிப்ரவரி நிலவரப்படி, 1.42 லட்சம் கோடி ரூபாய் வாராக்கடனுக்காக, 88 நிறுவனங்கள் மீது, திவால் நடவடிக்கைக்கு அனுமதி வழங்கப்பட்டுள்ளது.இதில், வங்கிகள், நிதி நிறுவனங்களுக்கு வரவேண்டிய கடன், 1.36 லட்சம் கோடி ரூபாய்.அன்றாட வர்த்தகத்திற்கு சரக்கு, சேவைகள் உள்ளிட்டவற்றை வழங்கிய நிறுவனங்களுக்கு கிடைக்க வேண்டிய தொகை, 6,469 கோடி ரூபாய்.தீர்வுஆக மொத்தம், 88 நிறுவனங்களிடம் வரவேண்டிய, 1.42 லட்சம் கோடி ரூபாயில், பிப்ரவரி நிலவரப்படி, 68 ஆயிரத்து, 766 கோடி ரூபாய் வசூலிக்கப்பட்டுள்ளது.


இதில், வங்கிகள், நிதி நிறுவனங்களுக்கு, 65 ஆயிரத்து, 635 கோடி ரூபாய் கிடைத்துள்ளது. சரக்கு, சேவைகளை வழங்கிய நிறுவனங்கள், 3,131 கோடி ரூபாய் பெற்றுள்ளன.இந்த, 88 நிறுவனங்களில், ஒரு சில நிறுவனங்களின் கடன், முழுவதுமாக திரும்பச் செலுத்தப்பட்டு, வழக்கு முடித்து வைக்கப்பட்டுள்ளது.


11 வழக்குகளில், வங்கிகள், 100 சதவீத கடனை திரும்பப் பெற்றுள்ளன. அதேசமயம், சரக்கு, சேவைகள் வழங்கிய நிறுவனங்களில், ஆறு நிறுவனங்களுக்குத் தான், முழு தொகையும் திரும்பக் கிடைத்துள்ளது. மூன்று வழக்குகளில், 100 சதவீதத்திற்கும் மேற்பட்ட தொகையை, வங்கிகள் திரும்பப் பெற்றுள்ளன.திவால் சட்டத்தின் கீழ், தீர்வு காணப்பட்ட மிகப் பெரிய நிறுவனங்களில், ‘பூஷன் ஸ்டீல், எலக்ட்ரோ ஸ்டீல், மோனட் இஸ்பட்’ ஆகியவை இடம் பெற்றுள்ளன.இவ்வாறு அதில் கூறப்பட்டுள்ளது.


பூஷன் ஸ்டீல் – எலக்ட்ரோ ஸ்டீல்திவால் சட்டத்தின் கீழ் மேற்கொண்ட நடவடிக்கையில், பூஷன் ஸ்டீல் நிறுவனத்தை, டாடா ஸ்டீல் நிறுவனம் கையகப்படுத்தியது. இந்த ஒப்பந்தத்தில், 57 ஆயிரத்து, 505 கோடி ரூபாய் மொத்த வாராக் கடனில், வங்கிகள், நிதி நிறுவனங்களுக்கு, 63.49 சதவீத தொகை கிடைத்துள்ளது. சரக்கு, சேவைகள் வழங்கிய நிறுவனங்கள், 80.94 சதவீத தொகையை திரும்பப் பெற்றுள்ளன.


வேதாந்தா குழுமம், எலக்ட்ரோ ஸ்டீல் நிறுவனத்தை கையகப்படுத்தியது. இதில், 13 ஆயிரத்து, 958 கோடி ரூபாய் வாராக்கடனில், 40.38 சதவீத தொகையை, வங்கிகள், நிதி நிறுவனங்கள் பெற்றுள்ளன.மோனட் இஸ்பட் அண்டு எனர்ஜி நிறுவனத்திடம் வசூலிக்க வேண்டிய, 11 ஆயிரத்து, 478 கோடி ரூபாய் கடனில், வங்கிகளுக்கு, 26.26 சதவீதம்; வர்த்தக நடைமுறைகளுக்கு கடன் தந்த நிறுவனங்களுக்கு, 5.40 சதவீத தொகை திரும்பக் கிடைத்துள்ளது.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் ஏப்ரல் 16,2019

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் ஏப்ரல் 16,2019

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் ஏப்ரல் 16,2019

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் ஏப்ரல் 16,2019

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை ஏப்ரல் 16,2019

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்