பதிவு செய்த நாள்
01 ஜூன்2019
23:47
புதுடில்லி:நாட்டின் வாகன தயாரிப்பில், மிகப் பெரிய நிறுவனமான, ‘மாருதி சுசூகி’யின் விற்பனை, மே மாதத்தில், 22 சதவீதம் சரிவை சந்தித்துள்ளது.
மே மாதத்தில், மாருதி சுசூகி நிறுவனம், மொத்தம், 1.35 லட்சம் வாகனங்களை விற்பனை செய்துள்ளது. இதுவே, இதற்கு முந்தைய ஆண்டில், இதே மாதத்தில், 1.73 லட்சம் வாகனங்கள் விற்பனை செய்யப்பட்டன. இதையடுத்து, 22 சதவீத சரிவை சந்தித்துள்ளது இந்நிறுவனம். உள்நாட்டு விற்பனையை பொறுத்தவரை, 23.1 சதவீதம் சரிவை கண்டுள்ளது.
நடப்பாண்டு மே மாதத்தில், உள்நாட்டில் மொத்தம், 1.26 லட்சம் வாகனங்கள் விற்பனை ஆகியுள்ளன. இதற்கு முந்தைய ஆண்டில், மே மாதத்தில், 1.63 லட்சம் வாகனங்கள் விற்பனை ஆகி இருந்தன.‘ஆல்ட்டோ, வேகன் ஆர்’ உள்ளிட்ட சிறிய ரக கார்களை பொறுத்தவரை, 16 ஆயிரத்து, 394 கார்கள் விற்பனை ஆகியுள்ளன.
ஆனால், கடந்த ஆண்டு மே மாதத்தில், 37 ஆயிரத்து, 864 கார்கள் விற்பனை ஆகியிருந்தன. இது, 56.7 சதவீத சரிவாகும்.‘சுவிப்ட், செலிரியோ, இக்னிஸ், பலேனோ, டிசையர்’ உள்ளிட்ட, காம்பாக்ட் ரக கார்களை பொறுத்தவரை, 70 ஆயிரத்து, 135 கார்கள் விற்பனை ஆகியுள்ளன. கடந்த ஆண்டு, மே மாதத்தில், 77 ஆயிரத்து, 263 கார்கள் விற்பனை செய்யப்பட்டன. இது, 9.2 சதவீத சரிவாகும்.‘செடான்’ ரக காரான, ‘சியாஸ்’ விற்பனை, 3,592. இதுவே, கடந்த ஆண்டு மே மாதத்தில், 4,024 கார்கள் விற்பனை ஆகியிருந்தன.பன்முக பயன்பாட்டு வாகனங்களான, ‘விட்டாரா பிரெஸ்ஸா, எஸ்-கிராஸ், எர்டிகா’ ஆகியவற்றின் விற்பனை, 25.3 சதவீதம் அளவுக்கு சரிவடைந்துள்ளது. கடந்த ஆண்டு மே மாதத்தில், 25 ஆயிரத்து, 629 கார்கள் விற்பனை ஆகியிருந்த நிலையில், கடந்த மே மாதத்தில் 19 ஆயிரத்து, 152 கார்களே விற்பனை செய்யப்பட்டுள்ளது.ஏற்றுமதியும், 2.4 சதவீதம் அளவுக்கு சரிவை சந்தித்துள்ளது. கடந்த ஆண்டு மே மாதம், 9,312 கார்கள் என்றிருந்த நிலை மாறி, இந்த ஆண்டு மே மாதம், 9,089 கார்களாக குறைந்துவிட்டன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|