பதிவு செய்த நாள்
02 ஜூலை2019
00:18
புதுடில்லி:மாருதி சுசூகி நிறுவனத்தின் ஜூன் மாத மொத்த விற்பனை, 14 சதவீதம் அளவுக்கு சரிவினை சந்தித்துள்ளது.ஜூன் மாதத்தில் மொத்தம், 1.25 லட்சம் வாகனங்களை மாருதி விற்பனை செய்துள்ளது. ஆனால், இதற்கு முந்தைய ஆண்டில், இதே ஜூன் மாதத்தில், 1.44 லட்சம் வாகனங்கள் விற்பனையாகி இருந்தன.
உள்நாட்டு விற்பனையை பொறுத்தவரை, 15.3 சதவீதம் சரிவு ஏற்பட்டுள்ளது.கடந்த ஆண்டு ஜூன் மாதத்தில், உள்நாட்டில், 1.36 லட்சம் வாகனங்கள் விற்பனை ஆகியிருந்த நிலையில், நடப்பாண்டு ஜூனில், 1.15 லட்சம் வாகனங்களே விற்பனை செய்யப்பட்டிருந்தன.
ஏற்றுமதியை பொறுத்தவரை, 5.7 சதவீதம் அளவுக்கு நிறுவனம் உயர்வை சந்தித்துள்ளது.இலகு ரக வர்த்தக வாகனமான, சூப்பர் கேரி விற்பனை, கடந்த ஆண்டு ஜூனுடன் ஒப்பிடுகையில், 24 சதவீதம் அளவுக்கு உயர்வை சந்தித்துள்ளது.இருப்பினும், ஆம்னி, எகோ உள்ளிட்ட வேன்கள் விற்பனை, 24 சதவீதம் சரிவினை சந்தித்துள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|