கச்சா எண்ணெய்



கச்சா எண்­ணெய் விலை, சர்­வ­தேச சந்­தை­யில், கடந்த வாரம் சரிந்து வர்த்­த­க­மாகி வந்­தது. முந்­தைய இரு வாரங்­களில், விலை உயர்ந்து, வர்த்­த­கம் ஆகி வந்­தது குறிப்­பி­டத்­தக்­கது.


கடந்த ஜூன் மாதத்­தில், ஒபெக் எனும், எண்­ணெய் உற்­பத்தி செய்­யும் வளை­குடா நாடு­களின் கூட்­ட­மைப்­பில் உள்ள நாடு­களில், உற்­பத்தி, முந்­தைய மாதத்­தைக் காட்­டி­லும் கடு­மை­யாக சரிந்­துள்­ளது, ‘ராய்ட்­டர்ஸ்’ நிறு­வ­னத்­தின் கருத்­துக் கணிப்­பில் தெரி­ய­வந்­துள்­ளது.
சவுதி அரே­பி­யா­வின் உற்­பத்தி அதி­க­ரித்­தி­ருந்த போதி­லும், ஈரான் மற்­றும் வெனி­சுலா நாடு­களின் மீது, அமெ­ரிக்க அரசு கொண்டு வந்த பொரு­ளா­தார தடை கார­ண­மாக, அந்­நாட்­டின் ஏற்­று­மதி பாதிக்­கப்­பட்­டது. மேலும், உள்­நாட்டு கல­வ­ரங்­க­ளால், உற்­பத்­தி­யும் பாதிப்­ப­டைந்­தது.
ஜூன் மாதத்­தின் தின­சரி உற்­பத்தி, 29.60 மில்­லி­யன் பேரல்­க­ளாக இருந்­தது. இது, முந்­தைய மே மாதத்தை காட்­டி­லும், 1.7 மில்­லி­யன் பேரல்­கள் குறை­வா­கும். 2014ம் ஆண்­டுக்­குப் பிறகு ஏற்­பட்­டுள்ள, குறைந்­த­பட்ச உற்­பத்தி இதுவே ஆகும்.


கடந்த வாரம் வெளி­யான அமெ­ரிக்­கா­வின் எண்­ணெய் இருப்பு விப­ரம், எதிர்­பார்த்­த­தைக் காட்­டி­லும் 1.1 மில்­லி­யன் பேரல்­கள் குறை­வாக இருந்­தது. இது­வும் விலை அதி­க­ரிப்­புக்கு ஒரு கார­ண­மாக அமைந்­தது.மேலும், அமெ­ரிக்கா மற்­றும் ஈரான் நாடு­க­ளுக்கு இடையே நடந்து வரும் மோதல் போக்­கும், கச்சா எண்­ணெய் விலை உயர ஒரு கார­ண­மாக அமைந்­தது.கடந்த, 2018 டிசம்­ப­ரில், வளை­குடா எண்­ணெய் உற்­பத்தி நாடு­கள் மற்­றும் ரஷ்யா ஆகி­யவை இணைந்து, எண்­ணெய் உற்­பத்தி குறைப்பு முடிவை எடுத்­தன.




இம்­மு­டி­வின்­படி, 2019லிருந்து முதல் ஆறு மாத காலத்­துக்கு, எண்­ணெய் உற்­பத்­தியை குறைத்து, விலையை உயர்த்த திட்­ட­மிட்­டன.இதன்­படி, உல­கின் மிகப்­பெ­ரிய எண்­ணெய் உற்­பத்தி நாடான சவுதி அரே­பி­யா­வும், தன் உற்­பத்­தியை குறைத்­தது. இதன் கார­ண­மாக, விலை சரிவு ஓர­ளவு மீட்­கப்­பட்­டது.வெனி­சுலா நாட்­டின் மீது, அமெ­ரிக்கா கொண்டு வந்­துள்ள பொரு­ளா­தார தடை கார­ண­மாக, அந்­நாட்டின் எண்­ணெய் ஏற்­று­ம­திக்கு தடை ஏற்­பட்­டது. இதன்
கார­ண­மா­க­வும் விலை அதி­க­ரித்­தது.



அடுத்து, அமெ­ரிக்கா – சீனா ஆகிய நாடு­க­ளுக்கு இடையே நடை­பெற்று வரும் வர்த்­தக மோதல் குறித்து, இரு நாட்டு தலை­வர்­களும் மீண்­டும் சந்­தித்து பேச இருப்­ப­தாக தக­வல்­கள் வெளி­யா­கின.இத­னால் சூழல் சுமு­க­மாகி, அதன் தொடர்ச்­சி­யாக பொரு­ளா­தார வளர்ச்சி மீண்­டும் பழைய நிலைக்கு திரும்­பும்; கச்சா எண்­ணெய் தேவை உய­ரும் என்ற அனு­மா­னத்­தி­லும் கச்சா எண்­ணெய் விலை உயர்ந்­தது.


எண்­ணெய் உற்­பத்தி குறைப்பு நட­வ­டிக்­கையை மேலும் ஆறு மாதங்­க­ளுக்கு நீட்­டிக்­கும் முடி­வுக்கு, ஈரான் உட்­பட பல நாடு­களும் சம்­ம­தம் தெரி­வித்­துள்ளன. இது­வும் விலை அதி­க­ரிப்­புக்கு சாத­க­மான நிலையை ஏற்­ப­டுத்தி உள்­ளது.



தங்கம் வெள்ளி



கடந்த ஜூன் மாதத்­தில், சர்­வ­தேச சந்­தை­யில், தங்­கம் விலை, ஆறு ஆண்­டு­கள் காணாத உயர்வை எட்­டி­யது. ஜூன் மாதத்­தில் மட்­டும், 50 அமெ­ரிக்க டாலர் அள­வுக்கு விலை அதி­க­ரித்­தது. கடந்த மாதம் நடை­பெற்ற, அமெ­ரிக்க வட்டி விகித கூட்­டத்­தில், வட்டி விகி­தம் குறைக்­கப்­ப­ட­லாம் என, எதிர்­பார்க்­கப்­பட்­டது. பொரு­ளா­தார வளர்ச்சி மந்­தம், சீனா­வு­ட­னான வர்த்­தக போரால் ஏற்­பட்ட பொரு­ளா­தார பாதிப்­பு­கள் போன்ற கார­ணங்­க­ளால், வட்டி விகி­தம் குறைக்­கப்­ப­ட­லாம் என்ற எதிர்­பார்ப்பு அதி­க­மாக இருந்­தது.



வட்டி விகி­தம் குறைக்­கப்­படும் என்ற எதிர்­பார்ப்பு, மேலோங்கி இருந்த கார­ணத்­தால், தங்­கம் விலை மள­மள­வென உயர்ந்­தது. மேலும், அமெ­ரிக்கா – ஈரான் ஆகிய நாடு­க­ளுக்கு இடையே ஏற்­பட்­டுள்ள அசா­தா­ரண சூழல் கார­ண­மா­க­வும், தங்­கம் விலை உயர்வு பெற்­றது.
அமெ­ரிக்­கா­வின் மத்­திய வங்கி கூட்­டத்­தில், வட்டி விகி­தம் உயர்த்­தப்­ப­டா­மல், அடுத்த கூட்­டத்­தில் முடிவு எடுக்­கப்­படும் என, அறி­விப்பு வெளி­யா­னது.



அமெ­ரிக்­கா­வில், அரசு துறை­யில், புதி­தாக பணி­யில் அமர்த்­தப்­பட்­ட­வர்­களின் எண்­ணிக்கை ஒவ்­வொரு மாத­மும் அறி­விக்­கப்­படும். கடந்த வாரம் வெள்­ளிக்­கிழ­மை­யன்று வெளி­யான அறி­விப்­பில், எதிர்­பார்ப்பை விட, பணி­யில் அமர்த்­தப்­பட்­ட­வர்­களின் எண்­ணிக்கை
அதி­க­ரித்­தி­ருந்­தது.இது, இந்த ஆண்­டில், ஐந்து மாதங்­களில் இல்­லாத உயர்­வா­கும். அமெ­ரிக்­கா­வில் பொரு­ளா­தா­ரம் வளர்ச்சி பெற்று வரு­வ­தற்­கான அடை­யா­ள­மாக இது கரு­தப்­ப­டு­கிறது.



இதன் கார­ண­மாக, அமெ­ரிக்க நாணய குறி­யீடு, அதன் முந்­தைய வாரங்­களில் இருந்த சரி­வி­லி­ருந்து சற்று மீண்­டது. இதன் விளை­வாக, பொருள் வாணிப சந்­தை­யில், அனைத்து கமா­டிட்டி பொருட்­களின் விலை­யும் சரிந்­தது. இது போன்ற கார­ணங்­க­ளால், தங்­கம் மற்­றும் வெள்ளி விலை, வார இறுதி நாளில், 1 சத­வீ­தத்­துக்­கும் மேல் சரிவை சந்­தித்­தது.



கடந்த வாரம் வெளி­யான, மத்­திய அரசு பட்­ஜெட்­டில், நாட்­டின் நடப்­புக் கணக்கு பற்­றாக்­குறை, 3.3 சத­வீ­த­மாக குறைக்­கப்­பட வேண்­டும் என்ற இலக்கை நிர்­ண­யித்­துள்­ள­தாக அறி­விக்­கப்­பட்­டது. இதன் அடிப்­ப­டை­யில், அத்­தி­யா­வ­சிய பொருட்­கள் அல்­லாத ஆடம்­ப­ரப் பொருட்­களின் இறக்­கு­ம­திக்கு, வரியை அதி­க­ரித்து அறி­விக்­கப்­பட்­டது.இதன் கார­ண­மாக, தங்­கம் மீதான இறக்­கு­மதி வரி, 10 சத­வீ­தத்­தி­லி­ருந்து, 12.5 சத­வீ­த­மாக உயர்த்­தப்­பட்டு, பட்­ஜெட்­டில் அறி­விப்பு வெளி­யா­னது.அறி­விப்பு வெளி­வந்த உடனே, நாட்­டின் பொருள் வாணிப சந்­தை­யில், தங்­கம் விலை உயர்ந்­தது.



ஒரு கிராம், 24 காரட் தங்­கம், 3,500 ரூபாய்க்கு மேல் வர்த்­த­கம் ஆனது. ஆப­ரண தங்­கம், 1 கிராம், 3,200 ரூபாயை தாண்­டி­யது. சர்­வ­தேச அள­வில், தங்­கம் இறக்­கு­ம­தி­யில், இரண்­டா­வது மிகப் பெரிய நாடு இந்­தியா.கடந்த வெள்­ளி­யன்று, பட்­ஜெட்­டின் போது, தங்­கம் விலை உயர்ந்து இருந்த போதி­லும், மாலை நேரம், அமெ­ரிக்க வர்த்­த­கத்­தில், விலை சரிந்து, அதிக ஏற்­றத் தாழ்­வு­க­ளு­டன் வர்த்­த­கம் நடை­பெற்று முடி­வுற்­றது.



ஜி.எப்.எம்.எஸ்., நிறு­வ­னத்­தின் கருத்­துப்­படி, 2018ம் ஆண்­டில், உலக நாடு­களின் மொத்த தங்­கம் உற்­பத்தி, 3,332 டன். இதில், 400 டன் தங்­கத்தை உற்­பத்தி செய்து, சீனா முத­லி­டத்­தில் உள்­ளது. இரண்­டா­வது இடத்­தில், ஆஸ்­தி­ரே­லி­யா­வும், மூன்­றா­வது இடத்­தில், ரஷ்­யா­வும் உள்ளன. தென் ஆப்­ரிக்­காவை பொறுத்­த­வரை, கடந்த, 10 ஆண்­டு­களில், அந்­நாட்­டின் தங்­கம் உற்­பத்தி சரிந்து, தற்­போது எட்­டாம் இடத்­திற்கு தள்­ளப்­பட்­டுள்­ளது.




செம்பு




செம்பு விலையை முந்­தைய வாரத்­தோடு ஒப்­பி­டும்­போது, கடந்த வாரம் விலை சிறி­த­ளவு உயர்ந்து வர்த்­த­கம் ஆனது. இருந்­த­போ­தி­லும், வார இறுதி நாட்­களில், விலை சற்று சரிந்து வர்த்­த­கம் நடை­பெற்­றது.


பங்­குச் சந்­தை­கள் உயர்வு விலைக்கு சாத­க­மாக அமைந்த போதி­லும், கடந்த வியா­ழன் அன்று வெளி­யான சீனா­வின் தொழில் துறை உற்­பத்தி குறி­யீட்­டின் வளர்ச்சி சரிவை கண்­டது. இவ்­வாண்டு துவக்­கம் முதலே, உற்­பத்தி சரிந்து வரும் சூழ­லால், உல­க­ள­வில் செம்பு தேவை மற்­றும் நுகர்வு குறைந்து, விலை ஏற்­றம் கட்­டுக்­குள் கொண்டு வரப்­பட்­டது.லண்­டன் பொருள் வாணிப சந்­தை­யில், செம்பு இருப்­பா­னது, கடந்த வாரம், 34 ஆயி­ரத்து, 900 டன் அதி­க­ரித்து, மொத்த இருப்பு, 66 ஆயி­ரத்து, 325 டன்­க­ளாக உயர்ந்­தது.



அமெ­ரிக்கா – சீனா இடையே நடந்து வரும் வர்த்­தக மோதல் குறித்து, தற்­போது இரு நாடு­க­ளுக்கு இடையே பேச்சு நடை­பெற்று வரு­கிறது. இந்த பேச்­சில் சுமுக முடிவு ஏற்­படும் என்று கரு­தப்­ப­டு­கிறது. இத­னால், பொரு­ளா­தார வளர்ச்சி மற்­றும் தொழிற்­சாலை தேவை அதி­க­ரிக்­கும் என, எதிர்­பார்க்­கப்­ப­டு­கிறது. இதை­ய­டுத்து, முக்­கிய தொழிற்­சா­லை­க­ளுக்­கான மூலப்­பொ­ரு­ளான செம்­பின் தேவை அதி­க­ரிக்­கும் என்ற கணிப்­பில், விலை ஏற்­றம் காணப்­பட்­டது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 08,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 08,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 08,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 08,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 08,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்