புதுடில்லி : நாட்டின் பொருளாதார வளர்ச்சியை, 8 சதவீதமாக அதிகரிக்க வேண்டும் என்றால், அதற்கு, வெளிநாட்டு மூலதனத்தை திரட்ட வேண்டும் என, தலைமை பொருளாதார ஆலோசகர், கே.வி.சுப்ரமணியன் தெரிவித்துள்ளார்.


‘எச்.டி.எப்.சி., பேங்க் 2.0 விடியல் முதல், டிஜிட்டல் வரை’ என்ற புத்தக வெளியீட்டு நிகழ்ச்சியில் பங்கேற்று பேசிய, கே.வி.சுப்ரமணியன், மேலும் கூறியதாவது:நாட்டின் பொருளாதார வளர்ச்சியை, 7 சதவீதத்திலிருந்து, 8 சதவீதமாக அதிகரிக்க, வெளிநாட்டு பத்திர வெளியீடுகள் போன்றவை மூலமாக மட்டுமின்றி, வெளிநாட்டு மூலதனத்தை ஈர்க்கும் முயற்சிகளையும் மேற்கொள்ள வேண்டும். நமக்கு முதலீடுகள் கிடைத்தால், அது, நம் உற்பத்தி திறன், ஏற்றுமதி, வேலைவாய்ப்பு ஆகியவற்றை அதிகரிக்கும்.


இவை எல்லாம் அதிகரிக்கும் போது, முதலீடுகள் மேலும் அதிகரிக்கும். இந்த சுழற்சி மிகவும் முக்கியமானது.தற்போது, நம் பொருளாதார வளர்ச்சியைப் பொறுத்தவரை, 7 சதவீதத்துக்கு அருகில் இருக்கிறோம். இதை, 8 சதவீதமாக அதிகரிக்க, மேற்சொன்ன சுழற்சி மிகவும் தேவை. அதை நாம் துாண்ட வேண்டும். அதற்காக, வெளிநாட்டு முதலீடுகள் நமக்கு தேவைப்படுகின்றன. நாம் அதை ஊக்குவிக்க வேண்டும். இந்திய பொருளாதாரமானது, 55 ஆண்டுகளில், 1 லட்சம் கோடி அமெரிக்க டாலர் பொருளாதாரமாக உருவெடுத்தது.

மேலும், கூடுதலாக, 1 லட்சம் கோடி டாலர், கடந்த ஐந்து ஆண்டுகளில் அதிகரித்து, மார்ச், 2019ல் அது, 2.75 லட்சம் கோடி டாலர் பொருளாதாரமாக உயர்ந்தது.இவ்வாறு, அவர் கூறினார்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 18,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 18,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 18,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 18,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 18,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்