சென்னை: ‘விழாக்கால சிறப்பு வாகன கடன், தனிநபர் கடன், வீட்டு கடன் உட்பட பல்வேறு கடன்கள், குறைந்த வட்டியில் வழங்கப்படும்’ என, ஸ்டேட் பேங்க் ஆப் இந்தியா அறிவித்துள்ளது.


இதுகுறித்து, எஸ்.பி.ஐ., வெளியிட்ட அறிவிப்பு விபரம்: விழாக்கால சிறப்பாக, குறைந்த வட்டியில், வாகன கடன், தனிநபர் கடன், வீட்டு கடன், கல்வி கடன் ஆகியவை வழங்கப்படுகிறது.கார் கடன் பெறுபவர்களுக்கு, விழாக்கால கூடுதல் சலுகையாக, செயல்பாட்டு கட்டணம் இன்றி, 8.70 சதவீதம் என்ற, குறைந்த வட்டியில் கடன் வழங்கப்படுகிறது. எஸ்.பி.ஐ.,யின் டிஜிட்டல் தளமான, ‘யோனோ’ செயலி வாயிலாக, விண்ணப்பிக்கும் வாடிக்கையாளர்களுக்கு, 0.25 பைசா வட்டி தள்ளுபடி வழங்கப்படும்.


எஸ்.பி.ஐ.,யில் சம்பள கணக்கு வைத்திருக்கும் வாடிக்கையாளர்கள், கார் விலையில், 90 சதவீதம் வரை கடன் பெற்று கொள்ளலாம். தனிநபர் கடனாக, 20 லட்சம் ரூபாய் வரை வழங்கப்படுகிறது. 10.75 சதவீத வட்டியில், ஆறு ஆண்டுகளில் திருப்பிச் செலுத்தும் வகையில், இந்த கடன் வழங்கப்படுகிறது. மேலும், சம்பள கணக்கு வாடிக்கையாளர்களுக்கு, முன் அனுமதி கடனாக, 5 லட்சம் ரூபாய் வரை, யோனோ வாயிலாக பெற்று கொள்ளலாம்.



இதேபோல, 8.25 சதவீத வட்டியில், இந்தியாவில் பயில, 50 லட்சம் ரூபாய் வரை கல்வி கடன் வழங்கப்படுகிறது. வெளிநாடுகளில் பயில, 1.5 கோடி ரூபாய் வரை, 15 ஆண்டுகளில் திருப்பி செலுத்தும் வகையில் கடன் வழங்கப்படுகிறது. மேலும், வாகன துறையில் ஏற்பட்டுள்ள சரிவு காரணமாக, வாகன டீலர்கள், கடன்களை குறிப்பிட்ட தேதியில் செலுத்த சிரமப்படுகின்றனர். இதனால், எஸ்.பி.ஐ.,யில் உள்ள 11,500 வாகன டீலர்களுக்காக, 60 நாளில் செலுத்த வேண்டிய தொகையை, 75 நாட்களாகவும், சிலருக்கு, 90 நாட்களாகவும் நீட்டிக்கப்பட்டுள்ளது. இவ்வாறு அதில் கூறப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 21,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 21,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 21,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 21,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 21,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்