பதிவு செய்த நாள்
30 ஆக2019
01:39
நான்கே நான்கு மீட்டர் நீள வாகனத்துக்குள், ஏழு பேர் சவுகரியமாக பயணிக்க முடியுமா?முடியும் என காட்டும் வகையில் வந்திருக்கிறது, ‘ரெனோ’வின் புதிய, ‘டிரைபர்!’
ஏழு இருக்கைகளுடன், அதிநவீன வசதிகளையும் உள்ளடக்கி வந்திருப்பது, இதன் இன்னுமொரு சிறப்பு. ரெனோ டிரைபரின் விலை, மாடலைப் பொறுத்து, 4.95 லட்சம் ரூபாயிலிருந்து, 6.49 லட்சம் ரூபாய் வரை ஆகிறது.ஆர்.எக்ஸ்.இ., – ஆர்.எக்ஸ்.எல்., – ஆர்.எக்ஸ்.டி., – ஆர்.எக்ஸ்.இசட் என நான்கு மாடல்களில் வந்துள்ளது.காரில் உள்ள, மூன்றாவது வரிசை இருக்கைகளை, நம் தேவைக்கு ஏற்ப மாற்றி அமைத்துக் கொள்ளவும் முடியும் என்பது கூடுதல் வசதி பாதுகாப்பு அம்சங்களிலும் எந்த குறைபாடும் இன்றி, நான்கு ஏர்பேக் வசதிகள் கொண்டதாக உள்ளது.டிரைபர் குறித்து, ரெனோ நிறுவனத்தின், இந்தியாவுக்கான தலைமை செயல் அதிகாரி மற்றும் நிர்வாக இயக்குனரான, வெங்கட்ராம் மாமில்லாபாலி கூறியதாவது:ரெனோ டிரைபரை அறிமுகம் செய்வதன் மூலம், இந்தியாவில், பெரிய அளவில் வேகமாக வளர்ந்து வரும் பிரிவில், நாங்களும் நுழைகிறோம்.
இதன் கவர்ச்சிகரமான விலை, இந்திய வாடிக்கையாளர்களை கவரும் விதமாக இருக்கும். எங்களது விரிவாக்க திட்டத்தின் மிக முக்கிய அங்கமாக இந்த, டிரைபர் இருக்கும்.இவ்வாறு, அவர் கூறினார்.
நமது நிருபர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|