பொது துறை வங்கிகள் இணைப்பு, வாடிக்கையாளர் சேவை மீது எந்த வகையில் தாக்கம் செலுத்தும் என அறிந்து கொள்வது அவசியம்.

நீண்ட கால­மாக பேசப்­பட்டு வந்த சீர்­தி­ருத்­த­மான வங்­கி­கள் இணைப்பு செயல்­வ­டி­வம் பெற்­று
உள்­ளது. பொதுத்­துறை வங்­கி­கள் இணைக்­கப்­பட்டு அவற்­றின் எண்­ணிக்கை குறைக்­கப்­படும் என, சமீபத்தில் அறி­விக்­கப்­பட்­டது. இதன்படி இந்த நிதி­யாண்­டுக்­குள், 10 பொதுத்­துறை வங்­கி­கள் இணைக்­கப்­பட்டு, நான்கு பெரிய வங்­கி­க­ளாக உரு­வாக்­கப்­பட உள்­ளன. இந்த இணைப்பு, வங்­கி­க­ளின் செயல்­தி­றனை மேம்­ப­டுத்த உத­வும் என எதிர்­பார்க்­கப்­ப­டு­கிறது.


வங்­கி­கள் இணைப்­பால் ஏற்­ப­டக்­கூ­டிய தாக்­கம், பலன்­கள் தொடர்­பாக தீவிர விவா­தம்
நடை­பெற்று வந்­தா­லும், சேவை­கள் நோக்­கில் எந்த வகை­யான தாக்­கம் ஏற்­படும் என்­பதே, வாடிக்­கை­யாளர்­கள் மன­தில் உள்ள கேள்­வி­யாக இருக்­கிறது.


புதிய கணக்கு எண்


இணைக்­கப்­பட உள்ள வங்­கி­களின் வாடிக்­கை­யா­ளர்­க­ளுக்கு, இந்த இணைப்பு நிச்­ச­யம்
தாக்­கத்தை ஏற்­ப­டுத்­தும். எனி­னும், இந்த தாக்­கம் குறித்து கவ­லைப்­பட வேண்­டிய அவ­சி­யம் இல்லை என, வல்­லு­னர்­கள் கூறு­கின்­ற­னர். ஏனெ­னில், இணைப்­பால் ஒரு சில மாற்­றங்­கள் ஏற்­பட வழி­வ­குத்­தா­லும், சேவை­யில் எந்த பாதிப்­பை­யும் ஏற்­ப­டுத்­தாது. இணைப்­பில், எந்த வங்­கி­யு­டன் மற்ற வங்­கி­கள் இணைக்­கப்­ப­டு­கி­றதோ அந்த வங்கி பிர­தான வங்கி என கரு­தப்­படும். அத­னு­டன் இணை­பவை, இணைக்­கப்­படும் வங்­கி­க­ளாக கரு­தப்­படும்.


இந்த வங்­கி­க­ளின் செயல்­பா­டு­கள் பிர­தான வங்­கி­யி­டம் வழங்­கப்­படும். இணையும்
வங்­கி­யின் வாடிக்­கை­யா­ளர்­க­ளுக்கே தாக்­கம் அதி­க­மாக இருக்­கும்.இணைப்பு கார­ண­மாக, வாடிக்­கை­யா­ளர்­கள் உட­ன­டி­யாக எந்த நடவடிக்கையையும் மேற்­கொள்ள வேண்­டிய அவ­சி­யம் இருக்­காது. எனி­னும், கணக்­கு­கள் இணைக்­கப்­ப­டு­வ­தால், வருங்­கா­லத்­தில் புதிய கணக்கு எண் வழங்­கப்­ப­ட­லாம்.



எனவே, இணைப்பு தொடங்கு வதற்கு முன், வங்­கி­யி­டம் சரி­யான தொடர்பு முக­வரி மற்­றும் ‘இ – மெ­யில்’ சமர்­ப்பிக்­கப்­பட்­டி­ருப்­பதை உறுதி செய்து கொள்ள வேண்­டும். மேலும், பில் கட்­ட­ணம், முத­லீடு தொகை போன்­ற­வற்­றுக்­கான தானி­யங்கி வசதி தொடர்­வ­தை­யும் உறுதி செய்து கொள்ள வேண்­டும்.



வங்கி கணக்கு எண்­ணு­டன், ஐ.எப்.எஸ்.சி., குறி­யீடு எண் வழங்­கப்­பட்­டி­ருக்­கும். இணைப்­புக்கு பின், புதிய குறி­யீடு வழங்­கப்­பட்டால், பரி­வர்த்­த­னை­களில் அதை ‘அப்­டேட்’ செய்ய வேண்­டும். வரு­மான வரித்­துறை துவங்கி, என்.பி.எஸ்., திட்ட முத­லீடு வரை இதை, ‘அப்­டேட்’ செய்ய வேண்­டும்.


வட்டி விகி­தம்


சில ஆண்­டு­க­ளுக்கு முன், ஸ்டேட் வங்­கி­யு­டன் அதன் துணை வங்­கி­கள் இணைக்­கப்­பட்ட போது, 1,300 கிளை­க­ளின் பெயர்­கள் மற்­றும் ஐ.எப்.எஸ்.சி., குறி­யீடு மாற்­றப்­பட்­டன.
பழைய காசோ­லை­கள் பயன்­படுத்த, ஆறு மாதம் முதல், ஓராண்டு வரை அவ­கா­சம்
அளிக்­கப்­ப­ட­லாம். ‘கிரெ­டிட்’ அல்­லது ‘டெபிட் கார்டு’களை ஒப்­ப­டைத்து புதிய கார்­டு­களை பெற்­றுக்­ கொள்­ளும் நிலை வர­லாம்.


வங்கியில் கடன் பெற்­றுள்ள வாடிக்­கை­யா­ளர்­களை பொறுத்­த­வரை, வட்டி விகி­தம் உயர வாய்ப்­பில்லை. ஏற்­க­னவே கடன் பெற்­றுள்ள விகி­தமே தொட­ரும். கடன் மாற்­றப்­பட்டு, தொடர்ந்து மாதத்­த­வணை செலுத்த வேண்­டி­இ­ருக்­கும். வட்டி விகித மாற்­றம் தொடர்­பாக மேலும் தெளிவான புரிதல் எதிர்­பார்க்­கப்­ப­டு­கிறது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 15,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 15,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 15,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 15,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 15,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்