பதிவு செய்த நாள்
16 செப்2019
00:03
சிறந்த முறையில் பட்ஜெட் போடுவது என்பது வேறு; அதை நடைமுறையில் வெற்றிகரமாக பின்பற்றுவது என்பது வேறு. பட்ஜெட் போட்டு செலவு செய்வதன் முக்கியத்துவத்தை உணர்ந்தவர்கள் கூட, அதை கடைப்பிடிப்பதில் கோட்டை விட்டுவிடலாம். இவ்வாறு பட்ஜெட்டை கடைப்பிடிக்காமல் கைவிட காரணமாக, சில பொதுவான தவறுகள் அமைகின்றன. அவற்றை தவிர்க்கும் வழிகள்:
சின்ன சின்ன செலவுகள்:
பட்ஜெட் போடும் போது பெரிய செலவுகளில் கவனம் செலுத்தி, சின்ன செலவுகளை மறந்துவிடலாம். உதாரணமாக, காபி, டீக்கான விலை குறைவாக இருக்கலாம். ஆனால், அதுவே தினசரி பழக்கமாக இருந்தால், மொத்தத்தில் கணிசமான தொகையாகும். இதை கணக்கில் எடுத்துக்கொள்ளாமல் விட்டால், பட்ஜெட்டில் துண்டு விழும்.
பெருமை செலவுகள்:
பலருக்கும் அடுத்தவர்களை பார்த்து அவர்களைப்போல இருக்க வேண்டும் என்பதற்கான
பொருட்களை வாங்கும் பழக்கம் இருக்கிறது. இப்படி அந்தஸ்திற்காக செலவு செய்யும் பழக்கம், நிச்சயம் பட்ஜெட்டை பதம் பார்க்கும். உங்கள் தேவைகளுக்கு ஏற்பவே செலவுகள் அமைய வேண்டும்.
குடும்ப ஒத்துழைப்பு:
கிரிக்கெட் விளையாட்டில், ஒரு அணியாக விளையாடுவது எவ்வளவு முக்கியமோ அதே போல பட்ஜெட்டிலும் குடும்ப உறுப்பினர்களின் ஒத்துழைப்பு அவசியம். குறிப்பாக கணவன், மனைவி இருவரும் பட்ஜெட்டை கடைப்பிடிப்பது முக்கியம். இல்லை எனில் செலவுகளை
கட்டுப்படுத்த முடியாது.
அதிக சிக்கனம்:
நல்ல பட்ஜெட் என்பது, சிக்கனமானதாக மட்டும் இருக்க கூடாது. அனைத்து வகை செலவுகளுக்கும் இடம் அளிக்க வேண்டும். வெறும் கட்டுப்பாடுகளை மட்டுமே கொண்ட பட்ஜெட்டை வெற்றிகரமாக கடைப்பிடிப்பது கடினம். எனவே, ஓரளவு தாராள செலவுக்கு வாய்ப்பளிக்கும் வகையில் பட்ஜெட் அமைய வேண்டும்.
அவசர கால நிதி:
பட்ஜெட் போடும் போது, எதிர்பாராத செலவுகளை சமாளிப்பதற்கான அவசர கால நிதி கையில் இருப்பதை உறுதி செய்து கொள்ள வேண்டும். இல்லை எனில், எதிர்பாராத நெருக்கடிகள், பட்ஜெட்டை பாதிக்கும். குடும்ப தேவைகளுக்கு ஈடு கொடுப்பதே சிறந்த பட்ஜெட். தேவையான மாற்றங்களை செய்ய வழி இருக்க வேண்டும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|