பதிவு செய்த நாள்
11 அக்2019
23:27
புதுடில்லி:நாட்டின், இரண்டாவது மிகப் பெரிய, தகவல் தொழில்நுட்ப சேவை நிறுவனமான, ‘இன்போசிஸ்’ நிறுவனத்தின் நிகர லாபம், இரண்டாவது காலாண்டில், 2.2 சதவீதம் சரிந்துள்ளது.
செப்டம்பர் மாதத்துடன்முடிவடைந்த இரண்டாவது காலாண்டில், இன்போசிஸ் நிறுவனத்தின் நிகர லாபம் சரிந்து, 4,019 கோடி ரூபாயாக குறைந்துள்ளது. இதுவே, கடந்த நிதியாண்டின் இதே காலத்தில், 4,110 கோடி ரூபாயாக இருந்தது குறிப்பிடத்தக்கது.
நிறுவனத்தின் வருவாய், இரண்டாவது காலாண்டில், 9.8 சதவீதம் அதிகரித்து, 22 ஆயிரத்து, 629 கோடி ரூபாயாக உயர்ந்துள்ளது. இதுவே, கடந்த நிதியாண்டின் இரண்டாவது காலாண்டில், 20 ஆயிரத்து, 609 கோடி ரூபாயாக இருந்தது.
இதையடுத்து, நிறுவனம் அதன் நடப்பு நிதியாண்டுக்கான வளர்ச்சியை, நிலையான நாணய மதிப்பு அடிப்படையில், 9 முதல், 10 சதவீதமாக மாற்றி அமைத்துள்ளது.முன்னதாக, நடப்பு நிதியாண்டுக்கான வளர்ச்சி, 8.5 முதல், 10 சதவீதமாக அதிகரிக்கும் என எதிர்பார்ப்பதாக தெரிவித்து இருந்தது.தற்போது, இடைக்கால டிவிடெண்டாக, ஒரு பங்குக்கு, 8 ரூபாய் வழங்க இருப்பதாக அறிவித்துள்ளது.
காலாண்டு முடிவுகள் குறித்து, நிறுவனத்தின் நிர்வாக இயக்குனரும், தலைமை செயல் அதிகாரியுமான சலில் பரேக்கூறியதாவது:எங்கள் செயல்திறன் பல பரிமாணங்களில் வலுவாக இருந்தது. குறிப்பாக வருவாய் வளர்ச்சி, டிஜிட்டல் வளர்ச்சி, செயல்திறன், பெரிய ஒப்பந்தங்கள் என பலவற்றில் வலுவாக இருந்தது.
இவை அனைத்தும், வாடிக்கையாளர்களை மையமாக கொண்ட எங்கள் பயணத்தில் சிறப்பாக முன்னேறி வருவதற்கும், பங்குதாரர்களுக்கான மதிப்பை அதிகரிப்பதற்குமான தெளிவான அறிகுறிகளாகும்.இவ்வாறு அவர் கூறினார்.
மேலும் ஐ.டி செய்திகள்
|
Advertisement
|
Advertisement
|
Advertisement
|
|
|
|