பதிவு செய்த நாள்
27 நவ2019
07:03
புதுடில்லி: ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு, 10 லட்சம் கோடி ரூபாய்க்கு மிக அருகில் வந்துள்ளது.
கச்சா எண்ணெய், தொலைதொடர்பு ஆகிய துறைகளில் கோலோச்சி வரும், ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு, 10 லட்சம் கோடி ரூபாயை நெருங்கி உள்ளது. மும்பை பங்குச் சந்தையில் இதன் சந்தை மதிப்பு, நேற்று வர்த்தகத்தின் இடையே, 9 லட்சத்து, 99 ஆயிரத்து, 45 கோடி ரூபாய் என்ற நிலையை தொட்டு பின் இறங்கியது. வர்த்தகத்தின் முடிவில், சந்தை மதிப்பு, 9.88 லட்சம் கோடி ரூபாயாக நிலைபெற்றது. மும்பை பங்குச் சந்தையும், வரலாற்றில் முதல் முறையாக, 41 ஆயிரத்து, 120 புள்ளிகளை வர்த்தகத்தின் இடையே எட்டிப்பிடித்தது.
சந்தை தொடர்ந்து ஏற்றம் பெறும் நிலையில், 10 லட்சம் கோடி ரூபாய் சந்தை மதிப்பை முதலில் பெறும் இந்திய நிறுவனம் என்ற பெயரை, ரிலையன்ஸ் பெற்றுவிடும் வாய்ப்பு பிரகாசமாகி இருக்கிறது.இந்த ஆண்டில் மட்டும் இந்நிறுவனத்தின் பங்கு மதிப்பு, 38.46 சதவீதம் அதிகரித்துள்ளது.கடந்த வாரம் தான், 9.5 லட்சம் கோடி ரூபாய் சந்தை மதிப்பு கொண்ட முதல் இந்திய நிறுவனம் என்ற சாதனையை ரிலையன்ஸ் நிகழ்த்தியது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|