புதுடில்லி: ஜி.எஸ்.டி., எனும் சரக்கு மற்றும் சேவை வரியை பொறுத்தவரை, தற்போது இருக்கும் பல அடுக்கு வரிகளுக்கு பதில், இரு அடுக்கு மட்டுமே இருக்க வேண்டும் என்றும், வரியை அடிக்கடி மாற்றக்கூடாது என்றும், நிடி ஆயோக் உறுப்பினர் ரமேஷ் சந்த் தெரிவித்துள்ளார்.

அறிமுகம் ஆன நாளிலிருந்து, ஜி.எஸ்.டி., வரி அடுக்குகள் மற்றும் விகிதங்கள் அடிக்கடி மாற்றப்பட்டு வருகின்றன.தற்சமயம், 5, 12,18,28 சதவீதம் என நான்கு அடுக்கு வரி விதிப்பு நடைமுறையில் உள்ளது.

மேலும், பல்வேறு பொருட்கள், எந்த வரி விதிப்புக்கும் உட்படாததாகவும் உள்ளன.இந்நிலையில், இரண்டு அடுக்கு வரி மட்டுமே போதுமானது என்று, நிடி ஆயோக் உறுப்பினர் ரமேஷ் சந்த் ஆலோசனை தெரிவித்துள்ளார்.இது குறித்து அவர் மேலும் தெரிவித்துள்ளதாவது:ஜி.எஸ்.டி., போன்ற மிகப்பெரிய வரி சீர்த்திருத்தங்களை கொண்டு வரும்போது பல்வேறு பிரச்னைகள் வரத் தான் செய்யும். ஆனால், அவை விரைவில் சரிசெய்யப்பட்டுவிடும். பல நாடுகளில், ஜி.எஸ்.டி.,யை அறிமுகம் செய்த பிறகு நிலைமை சீரடைய நீண்ட காலம் ஆனது.ஜி.எஸ்.டி.,விகிதங்களில் அடிக்கடி மாற்றம் செய்வது பிரச்னைகளுக்கு வழிவகுக்கிறது. ஒவ்வொரு துறையும், ஜி.எஸ்.டி.,யை குறைக்க கோருவது வழக்கமான ஒன்றாகிவிட்டது.

எனவே, வரி விகிதங்களையோ, அடுக்குகளையோ அடிக்கடி மாற்றுவது சரியாக இருக்காது. இரண்டு அடுக்கு வரி மட்டுமே போதுமானது.வரி விகிதங்களை மாற்றிக்கொண்டிருப்பதை விட்டுவிட்டு, வரி வசூலில் அதிக கவனம் செலுத்த வேண்டும்.ஆண்டுக்கு ஒரு முறை மட்டும் வரி விகிதங்களை மாற்றுவது குறித்து ஆலோசிக்கலாம்.ஒவ்வொரு துறையும் வரியை குறைக்க சொல்லி கேட்கின்றன. பிறகு எப்படி அரசால் மேம்பாட்டுக்கான செலவுகளை செய்யமுடியும்? இது சரியான போக்காக இருக்காது.இவ்வாறு, அவர் தெரிவித்துள்ளார்.

மேலும் பொது செய்திகள்

எல்.ஐ.சி., முதலீட்டாளர்களுக்குரூ. 77 ஆயிரம் கோடி இழப்பு டிசம்பர் 26,2019

மும்பை : கடந்த நான்கு வர்த்தக நாட்களில், எல்.ஐ.சி., நிறுவனப் பங்குகளில் முதலீடு செய்துள்ளவர்கள், கிட்டத்தட்ட 77 ... மேலும்

ஆடம்பர பொருட்கள் விற்பனை அதிகரிப்பு டிசம்பர் 26,2019

புதுடில்லி : கடந்த ஆண்டில், கொரோனா காலத்தை விட, ஆண்களுக்கான ஆடம்பர பிராண்டு பொருட்கள் விற்பனை அதிகரித்து ... மேலும்

யூட்டிலிட்டி வாகனங்கள் பக்கம்பார்வையை திருப்பும் தயாரிப்பாளர்கள் டிசம்பர் 26,2019

மும்பை : ‘யூட்டிலிட்டி வெகிக்கிள்’ எனும், பயன்பாட்டு வாகனங்களின் விற்பனை மேலும் அதிகரிக்கும் என, ‘பிட்ச் ... மேலும்

ஜெயிக்குமா ‘ஜெட் ஏர்வேஸ்?’வரிசை கட்டும் சவால்கள்! டிசம்பர் 26,2019

புதுடில்லி : மூன்று ஆண்டுகளுக்கு பின், மீண்டும் வானில் பறக்க உள்ளன ‘ஜெட் ஏர்வேஸ்’ விமானங்கள். ஜெட் ஏர்வேஸ் ... மேலும்

ஒன் பிளஸ் நார்டு சிஇ 2லைட் 5ஜி மற்றும் ஒன் பிளஸ் நார்டு பட்ஸ் அறிமுகம் டிசம்பர் 26,2019

உலகலாவிய தொழில்நுட்ப பிராண்டான ஒன் பிளஸ், முன்னெப்போதும் இல்லாத அளவிற்கு இந்தியாவின் மிகவும் அணுகக்கூடிய 5ஜி ... மேலும்