பதிவு செய்த நாள்
28 டிச2019
02:46
புதுடில்லி: நடப்பு ஆண்டில் அதிகரித்து வந்த காய்கறிகளின் விலையால், நாட்டின் சில்லரை விலை பணவீக்கமும் அதிகரித்தது.
சில்லரை விலை பணவீக்கத்தை பொறுத்தவரை, இந்த ஆண்டின் பெரும்பகுதி, ரிசர்வ் வங்கியின் சவுகரியமான நிலையாக நிர்ணயிக்கப்பட்ட, 4 சதவீதத்துக்குள்ளாகவே இருந்து வந்தது.தாமதம்இருப்பினும், நவம்பர் மாதத்தில், மூன்று ஆண்டுகளில் இல்லாத வகையில், 5.54 சதவீதமாக சில்லரை விலை பணவீக்கம் எகிறியது.சமையல் அறை பொருட்களில் முக்கியமானதாக கருதப்படும் தக்காளி, வெங்காயம், உருளைக் கிழங்கு ஆகியவற்றின் விலை அதிகரிக்காமல் இருப்பதற்காக, கடந்த ஆண்டு நவம்பரில், 500 கோடி ரூபாய் ஒதுக்கப்பட்டது. இருப்பினும், இவற்றின் விலை ஆண்டு இறுதியில் அதிகரித்துவிட்டது.
பணவீக்கத்தை பொறுத்தவரை நடப்பு ஆண்டின் பெரும்பகுதி, அரசின் கட்டுப்பாட்டில் இருந்தது. ஆனால், ஆண்டின் இறுதியில் நிலைமை தலைகீழானது. வெங்காயத்தின் விலையை கட்டுப்படுத்தும் முயற்சியில், அரசு தாமதமாகவே இறங்கியது.அதிகரிப்புடிசம்பரில் கூடிய ரிசர்வ் வங்கியின் நிதிக் கொள்கை குழு, நடப்பு நிதியாண்டின் இரண்டாவது அரையாண்டில், சில்லரை விலை பணவீக்கம், 5.1 முதல், 4.7 சதவீதமாக இருக்கும் என, எதிர்பார்ப்பதாக தெரிவித்தது.இதற்கு வெங்காயம், பழங்கள், பால், பருப்பு வகைகள், தானியங்கள் ஆகியவற்றின் விலை அதிகரிப்பு காரணமாக அமைந்ததாக தெரிவித்தது.மேலும், இதற்கு முன், இரண்டாவது அரையாண்டில், சில்லரை விலை பணவீக்கம், 3.5 முதல், 3.7 சதவீதமாக இருக்கும் என கணித்திருந்தது.மேலும், அடுத்த நிதியாண்டின் முதல் அரையாண்டில், சில்லரை விலை பணவீக்கம், 4 முதல், 3.8 சதவீதமாக இருக்கும் என்றும் தெரிவித்துள்ளது.ஜனவரி முதல் ஆகஸ்ட் மாதம் வரையில், பணவீக்கம், 2.3 முதல், 3.0 சதவீதம் வரை இருந்த நிலையில், அதன்பின் அதிகரிக்கத் துவங்கியது.
வட்டி
இந்நிலையில், தர நிர்ணய நிறுவனமான இக்ரா, டிசம்பரில் சில்லரை விலை பணவீக்கம், 5.8 முதல், 6.0 சதவீதமாக அதிகரித்திருக்கும் என தெரிவித்துள்ளது.மொத்த விலை பணவீக்கத்தை பொறுத்தவரை, இதற்கு நேர்மாறாக உள்ளது. ஜனவரி மாதத்தில், 3.58 சதவீதமாக இருந்தது, அக்டோபரில், 0.16 சதவீதமாக சரிந்தது.இதற்கு முக்கிய காரணம், எரிபொருள் மற்றும் மின்சாரம் ஆகியவற்றின் விலை குறைந்திருந்தது தான்.இந்நிலையில் ரிசர்வ் வங்கி, அடுத்து ஒரு வட்டி குறைப்புக்கு செல்லக்கூடும் என, பல பொருளாதார நிபுணர்கள் கருதுகின்றனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|