திருப்பூர்: நாட்டின் ஆயத்த ஆடை ஏற்றுமதி வர்த்தகம், டிசம்பரில், 3 சதவீதம் உயர்ந்தது.

இந்த நிதியாண்டில், ஏப்ரல், மே மாதங்களில் அதிகரித்திருந்த ஏற்றுமதி, ஜூன் முதல், நவம்பர் வரையிலான காலகட்டத்தில் சரிவை சந்தித்தது. இதன் பின், டிசம்பரில், மீண்டும் ஏற்றுமதி, வளர்ச்சி நிலைக்கு திரும்பியுள்ளது. கடந்த நிதியாண்டு டிசம்பர் மாதத்தில், 9,721 கோடி ரூபாயாக இருந்த ஆடை ஏற்றுமதி, நடப்பு நிதியாண்டு டிசம்பரில், 10 ஆயிரத்து, 20 கோடியாக உயர்ந்துள்ளது. இது, ரூபாய் மதிப்பில், 3.09 சதவீதமும்; டாலரில், 2.42 சதவீதமும் உயர்வாகும்.

கடந்த நிதியாண்டில், ஏப்ரல் முதல் டிசம்பர் வரையிலான ஒன்பது மாதங்களுடன், இந்த நிதியாண்டின் ஒன்பது மாதத்தை ஒப்பிடும்போது, ஆடை ஏற்றுமதி, 80 ஆயிரத்து, 494 கோடி ரூபாயாக அதிகரித்துள்ளது.ஆயத்த ஆடைகளில், பின்னலாடைகள் அதிக முக்கியத்துவம் பெறுகின்றன.கடந்த நிதியாண்டில், நாட்டின் பின்னலாடை ஏற்றுமதி, 54 ஆயிரத்து, 650 கோடி ரூபாயாக இருந்தது; இந்த நிதியாண்டில், ஒன்பது மாதங்களில், 40 ஆயிரத்து, 247 கோடி ரூபாயாக உள்ளது. பின்னலாடை ஏற்றுமதியில், கடந்த நிதியாண்டில் எட்டப்பட்ட மதிப்பளவு, இந்த நிதியாண்டில் எட்டப்படுமா என்பது கேள்விக்குறியாக உள்ளது.

மேலும் ஜவுளி செய்திகள்

ரஷ்யா – உக்ரைன் போரால் திருப்பூரில் ‘ஆர்டர்’ இழப்பு ஜனவரி 18,2020

திருப்பூர்:உக்ரைன் -– ரஷ்யா போர் எதிரொலியாக, போலந்து வர்த்தகர்கள் ஆடை தயாரிப்பு ஆர்டர்களை ரத்து செய்து ... மேலும்

திருப்பூர் ஏற்றுமதியாளர் நம்பிக்கை ஜனவரி 18,2020

திருப்பூர்:திருப்பூரின் பின்னலாடை ஏற்றுமதி வர்த்தகம், நடப்பு நிதியாண்டில், 32 ஆயிரம் கோடி ரூபாயை ... மேலும்

ஆயத்த ஆடை ஏற்றுமதி 37.24 சதவீதம் வளர்ச்சி ஜனவரி 18,2020

திருப்பூர் : நடப்பு நிதியாண்டின் முதல் எட்டு மாதங்களில், நாட்டின் ஆயத்த ஆடை ஏற்றுமதி, 71 ஆயிரத்து, 601 கோடி ரூபாயை ... மேலும்

‘திவால்’ நிறுவனத்தை வாங்க முயற்சிக்கும் முகேஷ் அம்பானி ஜனவரி 18,2020

மும்பை : முகேஷ் அம்பானி தலைமையிலான ‘ரிலையன்ஸ் இண்டஸ்ட்ரீஸ்’ ஜவுளித் துறையை சேர்ந்த ‘திவால்’ நடவடிக்கைக்கு ... மேலும்

திருப்பூரின் வர்த்தக இலக்கு ஒரு லட்சம் கோடி ரூபாய் ஜனவரி 18,2020

திருப்பூர்:‘‘ஒரு லட்சம் கோடி ரூபாய் என்ற வர்த்தக இலக்கை, திருப்பூர் பின்னலாடை உற்பத்தி துறை விரைவில் ... மேலும்